> 2009 mes’e totussantus 23 | ilMinuto

Archíviu de sa diri 23/11/2009

Apuntamentus de cras 24 de su mes”e totussantus

(IlMinuto) – Casteddu, 23 de su mes”e totussantus -

 

 

 

 

Frùmini Mayori, finzas a su 30 de su mes”e totussantus, mostra de cardulinus

 

 
Casteddu, finzas a su 29 de su mes”e totussantus, “Cittadella dei Musei”, Rassegna multimediali “Stanze”

 

 
Serrenti, finzas a su 26 de su mes”e totussantus, “Ex Mattatoio”, rassegna “VideoDanza”

 

 

Casteddu-Barumini-Tàtari, 23-28 de su mes”e totussantus, cunvegnu “La preistoria e la protostoria della Sardegna”

 

 

Cuartu Sant’Alèni, finzas a su 29 de su mes”e totussantus, Teatru “Sacro Cuore”, Festivalbur V edizioni

 

 


Casteddu
, finzas a su 28 de su mes”e fiàrgiu, sedi Creat, esposizioni “Ciringolla va in città”

 

 

Crabònia, 9.30-17.00-20.00, saloni Velio Spano, rassegna “Documè” – proiezioni de “Garbage” The revolution starts at home” de Anrew Nisker

 

 

Casteddu, 11.00, Teatru Sant’Eulalia, rassegna po is pipius “Io Teatro, tu Teatri, egli Teatra” – “Il giro del mondo in ottanta giorni”

 

 

Cuartu Sant’Alèni, 16.30, Teatru Sacro Cuore, V edizioni de “Festivalbur” – andat in scena “Sorricchitta”

 

 


Cuartu Sant’Alèni
, 18.00, Teatru Sacro Cuore, V edizione di “Festivalbur” – andat in scena “Pulcinella dalla brace alla padella”

 

 


Casteddu
, 20.30, Teatru Club de via Roma, rassegna cinematografica “V3 Valeri, Vitti, Volontè” – proiezioni de “La classe operaia va in paradiso” cun G. M. Volonté

 

 

Casteddu, 21.00, “Cineteca sarda”, rassegna de cinema tedescu – proiezioni de “Sabine Kleist, 7 Jahre” (Rdt, 1982)

 

 

Casteddu, 21.00, Conservatoriu de Casteddu, concertu de is solistas de sa London Simphony Orchestra

 

 

Cuartuciu, 21.30, ex Casa Angioni, rassegna de cinema etnomusicali  – proiezioni de “Mariza e la storia del Fado”

Cunvegnu: Giovanni Lilliu oberrit su cunvegnu de preistória (protostória) sadra

(IlMinuto) – Casteddu, 23 de su mes”e totussantus – S’est obertu custu mangianu cun sa lectio magistralis de Giovanni Lilliu “Contadini e pastori nella Sardegna neolitica e dei primi metalli”, in sa “Cittadella dei musei” de Casteddu, s’atóbiu movibili “La preistoria e la protostoria della Sardegna”, in programma finzas a su 28 de su mes”e totussantus. Is sesi diris de istudiu ant a coinvolgi puru Barumini – aundi est previdia una gita – e Tàtari. Sa  reunioni aprontada de s’”Istituto italiano di Preistoria e Protostoria”, tenit comenti oggettu de dibattidu e de istudiu is risultaus prus recentis bessius de is iscavus archeológicus in Sardigna e sa verifica, cun is métodus nous, de is conoscènzias imparadas.

Vynils: Pòrtu Turre, isciòpiru de su fàmini de is traballantis chi de ariseru occupant s’azienda

(IlMinuto) – Casteddu, 23 de su mes”e totussantus – S’apretu de traballu est corpendi totu sa Sardigna de meridioni a tramuntana. De ariseru a merì circa 70 operàjus de sa Vynils de Pòrtu Turre ant ocupau is aposentus de s’azienda chi fait Pvc e ant cumenzau s’isciòpiru de su fàmini: pedendi seguresas po su traballu de 14 traballantis chi arriscant de essi lissenziaus e pedendi puru sa redutizioni de su nùmeru de traballantis chi s’agatant in cass”e integrazioni (101 po 132 traballantis). S’Eni (n.d.r chi donat dicloretano a sa Vynils, a préziu ‘e carestia segundu cantu narat s’azienda chi fait su Pvc) si depit pigai is próprias responsabbilidadis – at nau in is diris passadas su sindigu de Pòrtu Turre Luciano Mura – , innoi ddoi funt 15 traballantis chi arriscant de s’agatai senz”e traballu e centinaia cun d’unu stipendiu redúsiu de su 50 po centu”.

Vertenza Alcoa: traballantis blocant sa centrali de s’Enel, Prc e Pdci proponint a is síndigus de lassai sa carriga

(IlMinuto) – Casteddu, 23 de su mes”e totussantus – Est senz”e reposu sa lota de is operàjus de s’Alcoa de Portovesme po pediri de no serrai s’istabilimentu. A su notti, de is 24.30 a is 2 de su mangianu circa, is traballantis de sa multinazionali de s’allumìniu ant blocau is arrastellus de sa centrali de s’Enel po firmai s’intrada de su craboni chi est nezzessariu a sa produzioni de s’energia elettrica. Is traballantis – chi sighint a ocupai s’istabilimentu – funt sempiri prus tesus e est forsis po timoria de una cuntestadura ca su ministru de su “Sviluppo Economico”, Claudio Scajola, est mancau a s’atóbiu po su “gasdotto Galsi”, chi s’est tentu custu mangianu in su T Hotel de Casteddu. Un’assembrea noa po sa vertenza Alcoa – cun sa partecipazioni de sa Regioni, de su Guvernu, de s’azienda e de is sindacaus – s’at a tenni giòbia in Roma. In su mentris is segretarius regionalis de su Prc e de su Pdci, Gianni Fresu e Claudio Giorgi, ant proponiu sa rinunzia a su mandau de parti de is amministrazionis comunalis de su Sulcis. “Su ai bloccau sa produzioni in d’un’istabilimentu comenti cussu de s’Alcoa – iscrirint is esponentis de sa “Federazione della Sinistra di Alternativa” – no podit essi unu passaggiu temporaneu, perou est unu segnali forti de sa voluntadi de serrai e de diroccai is impiantus (…). In custu casu est nezzessariu unu gestu politicu forti chi portit totus is sindigus e is consillus comunalis a lassai sa carriga, e chi fazzat in modu de portai atenzioni a is responsabbilidadis politicas de chini no at scipiu oltrepassai is promissas e is isperanzias”.

Soru inTàtari: in is ùltimus cuíndix’annus "totu est torrau agoa", est nezzessaria una politica "chi siat in gradu de afrontai custus tempus"

(IlMinuto) – Casteddu, 23 de su mes”e totussantus – “Ita est acontéssiu in is ùltimus 15 annus, aundi totu parrit torrai agoa e in sa realidadi est torrau agoa?” Sa soziedadi oi proponit su modellu de is ‘piciocheddas chi podint diventai unu personaggiu televisivu’ o su modellu ‘andas in tv e bincis e no est claru poita bincis’ o proponit su modellu ‘bai in tv cetas cun mama tua e cun babbu tuu e ndi nas de totu is coloris’: est un’arruina. Is cittadinus tenit su doveri de pretèndiri una politica chi siat in gradu de afrontai custus tempus e de si donai un’arrasta de sa bia chi depeus fai”. Aicci s’ex presidenti de sa Regioni Sardigna, Renato Soru, at serrau s’interventu a un’assembrea promòvia cenabara 20 de su mes”e totussantus de Sardegna Democratica in su Mater Ecclesiae de Tàtari.