> 26 « mes’e totussantus « 2009 « ilMinuto – notizie Mediterranee – edizione Sardegna

Archíviu de sa diri 26/11/2009

Apuntamentus de cras 27 de su mes”e totussantus

(IlMinuto) – Casteddu, 26 de su mes”e totussantus -

Frùmini Mayori, finzas a su 30 de su mes”e totussantus, mostra de cardulinus

Casteddu, finzas a su 29 de su mes”e totussantus, “Cittadella dei Musei”, Rassegna multimediali “Stanze”

Serrenti, finzas a su 26 de su mes”e totussantus, “Ex Mattatoio”, rassegna “VideoDanza”

Casteddu-Barumini-Tàtari, 23-28 de su mes”e totussantus, cunvegnu “La preistoria e la protostoria della Sardegna”

Cuartu Sant’Alèni, finzas a su 29 de su mes”e totussantus, Teatru “Sacro Cuore”, Festivalbur V edizioni


Casteddu
, 27-29 de su mes”e totussantus, “Spazio Search”, Festival “Traghetti di poesia”

Atzàra, 27-29 de su mes”e totussantus, Cortes Apertas

Casteddu, 27-31 de su mes”e totussantus, Foyer de su Teatru lirico, mostra “Da Tapies a Chillida, grafica originale”

Tàtari, 16.00, sala convegnus de sa “Camera di Commercio”, convegnu “Nuove prospettive nella relazione degli animali”


Casteddu
, 16.00, Istitutu Magistrali Eleonora d’Arborea, atóbiu de is precarius de s’iscola


Cuartu Sant’Alèni
, 16.30, Teatru Sacro Cuore, V edizioni de “Festivalbur” andat in scena “Giandoja e la corona del re”


Atzàra
, 17.30, “Centro di Aggregazione sociale”, presentazioni de Cortes Apertas


Cuartu Sant’Alèni
, 16.30, Teatru Sacro Cuore, V edizioni de “Festivalbur” andat in scena “Pulcinella e l’asino del diavolo”

Pauli, 18.30, Centro Logos, “La condizione psicologica tra tv e videogiochi”

Casteddu, 18.00, Foyer de su Teatru lirico, inaugurazioni de sa mostra “Da Tapies a Chillida, grafica originale”

Cossoine, 18.30, presentazioni de su programma de A Manca pro s’Indipendentzia

Nùgoro, 20.30, Auditorium de s’Isre, stagioni de atòngiu 2009 – “Aspettando Chopin”

Casteddu, 21.00, Teatru “del Segno”, “Plazas de Mayo” – contu musicali


Santu Sperau
, 21.00, Biblioteca comunali, “Campidano Film Festival” – proiezioni de su film “T. McCarthy”

Serrenti, 21.00, Teatru Civico, “Sul filo del suono” – ispettaculu musicali

S’Alighera, 21.00, Ersiliadanza in Top secret

Cuartuciu, 21.30, ex Casa Angioni, rassegna de cinema etnomusicali – proiezioni de “Brasilerinho”

Alcoa: Scajola disertat s’atóbiu in su Minusteru de su "Sviluppo economico"

(IlMinuto) – Casteddu, 26 de mes”e totussantus – Scajola no ddoi est. Su ministru de su “Sviluppo economico” at disertau s’atóbiu – cumenzau pagu fait in sa sedi de su ministeru in Roma – po sa chistioni Alcoa tra s’azienda, is sindacus e su Guvernu. Sa multinazionali de s’allumíniu at dezzisu de serrai is istabilimentus de Fusina e de Portovesmi po mori de su costu meda mannu de s’energia elettrica. De martis s’annùnziu de ponni in cassa integrazioni po un’annu 568 traballantis. In ocasioni de s’atóbiu, forsis interlocutoriu, ant camminau in Roma circa milla personas: traballantis de s’Alcoa e de ateras impresas, sindacalistas, consilleris regionalis, comunalis síndigus. Ddoi furiant in Roma puru is segretarius generalis de is sindacaus cunfederalis Guglielmo Epifani (Cgil), Raffaele Bonanni (Cisl) e Luigi Angeletti (Uil). Furiat a sa guida de su corteu su presidenti de sa Regioni, Ugo Cappellacci, ca pagus diris fait iat nau cun bona spera: “S’istabilimentu Alcoa de Portovesmi o at a serrai” e oi pedit a s’azienda “de firmai sa cassa integrazioni”. Sa Pulizia at impediu a is traballantis de manifestai a facc”e s’”Ambasciata” Usa (s’Alcoa est americana).

Prentzas apertas, Sèneche oberrit is molinus de s’olia po sa festa de s’ollu

(IlMinuto) – Casteddu, 26 de su mes”e totussantus – Si rinnovat s’apuntamentu cun is molinus ‘e olia obertus (“Prentzas apertas”) de Sèneche. Su 28 e su 29 de su mes”e totussantus sa bidda de sa provìnzia de Aristanis at a rinnovai cussa chi, de ottu annus, est una bera festa de s’ollu e puru s’opportunidadi de appreziai sa bellesa de su Montiferru. S’iniziativa s’at a oberriri sabudu a is 16.00 cun sa premiazioni de is ollus mellus e a is 19.00 (prazza Deriu) at sighiri s’atastu de s’ollu, de is bruschettas e de sa pezza de boi arrubiu arrustu, cosa bella de pappai chi at essi accumpangiada de is cantus a tenores de Sèneche. Apuntamentu de musica puru su dominigu a mangianu, cun su cuncertu de su “Coro polifonico Ars Antiqua” (11.00, Cresia de su Rosariu) chi at a portai finzas a su prangiu, fattu de cosas de papai de su territoriu. At a serrai sa duas diris su cuncertu de is Janas (19.00, prazza Deriu).

"Precari Scuola Cagliari": cras atóbiu in s’iscola Eleonora d’Arborea

(IlMinuto) – Casteddu, 26 de mes”e totussantus – Sighit sa mobilitazioni de is “Precari Scuola Cagliari” po difèndiri s’instruzioni pubblica e statali. Cras a is 16.00, in s’aula magna de s’Istitutu Magistrali “Eleonora d’Arborea”, in Casteddu, “bia sa situazioni pesanti de s’iscola pubblica e bius is sceberus de foras de conca de su Guvernu nazionali e regionali”, s’at a tenni un’atóbiu de is traballantis de s’iscola obertu a totus is personas interessadas a sa difesa de su dirittu a s’istudiu. In s’odg ddoi funt is “cunsiderazionis a is interventus regionalis po s’autonomia organizzativa e didattica de s’iscola sadra”.

A s’iscoberta de sa "Cina lontana", in Casteddu sa presentazioni de su liburu

(IlMinuto) – Casteddu, 26 de mes”e totussantus – Tra cittadis medas mannas e areas ruralis puru medas mannas e arretradas sa Cina de oi est unu logu prenu de contraddizionis. Est propriu a sa “Cina lontana”, cussa chi si bidit prus pagu e chi prus pagu si conòscit, chi est dedicau su liburu pubblicau in su 2009 de s’”Ambasciata d’Italia” a Pechinu, de su Menisteru de is “Affari esteri” e de is Ministerus de su “Commercio” e de is “Affari esteri” de sa Repubblica popolari. Su liburu – arricu de fotografias e de tabellas e dedicau a unu progettu Onu de lota a sa poberesa tra is minoranzias de su Yunnan – at essi presentau cenabara in Casteddu (20.15, via Giardini 151) de Enrico Lobina. Lobina, studiosu  de “Storia dell’Asia”, at trabballau in su 2008 po contu de s’Onu, in s’Ufficiu “Sviluppode s’”Ambasciata d’Italia” in Pechinu.