> 2009 mes’e totussantus | ilMinuto - Part 2

Archìviu de mes'e totussantus 2009

Pàgina 2 de 45

Pirri, apuntamentu cun su découpage in sa Vetreria

(IlMinuto) – Casteddu, 30 de su mes”e totussantus – At a cumenzai sa cida chi benit in sa Vetreria su laboratoriu de dècoupage finanziau de sa Municipalidadi de Pirri, in Casteddu, e aprontau de sa cooperativa Irislandia. Sa partecipazioni a s’iniziativa est libera e riservada a is
anzianus e a is personas diversamenti abilis chi funt residentis in Pirri. S’apuntamentu – chi no s’at a tenni scéti in is cidas tra Natali e s’Epifania – cun su découpage est po dognia lùnis e dognia mercuris (a is 10 o a is 15) finzas a su 13 de su mes”e gennargiu.

Alzheimer, in Serrenti nascit s’Assótziu "Familiari"

(IlMinuto) – Casteddu, 30 totussantus – Donai ascurtu a is maladius, a is familias e a totus is figuras soziu-sanitarias protagonistas. Nascit cun custu obbietivu s’Assótziu “Familiari Alzheimer” de Serrenti, bófia de sa psicologa Stefania Becciu a pustis de un’importanti esperiénzia comenti stagista in su “Centro studi internazionale Alzheimer” de Pordenoni. “Unu Centru chi – si podit ligiri in d’una nota – de annus proponit unu modellu bonu po is maladius, is famiglias e is operadoris”. Unu modellu ‘arregortu’ de s’Assótziu de Stefania Becciu. “S’Assótziu ‘Familiari Alzheimer’ – ispiegat su comunicau – nascit po cundividi in su territoriu nostru s’esperiénzia fatta in su “Centro studi” in matéria de Alzheimer e at a garantiri un’agiudu fissu po is maladius e is famiglias insoru, po podit aici ammenguai sa suferénzia de totus”.

Sindacaus: a sa Fiera de Casteddu s’atóbiu de su Populu sadru

(IlMinuto) – Casteddu, 30 totussantus – Finit oi a su “Palazzo dei Congressi” de sa Fiera de Casteddu cussu chi Cgil, Cisl e Uil definint unu “caminu cumenzau in is territorius de sa Sardigna po costruiri unu modellu nou de isviluppu economicu” po s’Isola. Unu caminu chi arribat a s’acabbu cun s’atóbiu de is rappresentanzas de su Populu sadru, cun sa partecipazioni de is associazionis de is provìnzias e de is comunus, de sa regioni, de su volontariau, de sa Confindustria, de s’artigianau, de su mundu de sa coperazioni, de cussu de s’immigrazioni e de is sadrus in su mundu. A is 14 – a sa fin”e su discursu de su segretariu generali de sa Cgil Enzo Costa – est previdia s’aprovazioni de unu documentu finali.

Unilever: is ex traballantis, acabaidda cun is "boxis" chi fueddant de su futuru de s’istabilimentu comenti cos”e pagu contu. Is sindacaus fazant claresa.

(IlMinuto) – Casteddu, 30 totussantus – Un’atóbiu chi depit fai claresa in sa vizenda de s’Unilever de Casteddu e chi depit fai acabai is “boxis sempri prus diffundias e abbetiosas chi aumentant su trumentu de is ex traballantis giai destruidus de custa vizenda senz”e fini”. Est cantu pedint is ex traballantis de s’istabilimentu de viale Marconi a is segreterias provinzialis de Flai Cgil, Fai Cisl e Uila-Uil. “Is ex traballantis – si podit liggiri in su documentu mandau a is sindacaus – no si scarescint ca in is ùltimus tres annus de custa drammàtica vizenda ant tentu arretumbu scéti is ‘boxis’. Primu is ‘boxis’ insistentis de criadura de su situ, a fueddus negadas medas bortas, in veci a pustis cunfirmadas cun is fattus. Àncora, is ‘boxis’ de s’azienda, candu chistionat de genti chi depiat comporai s’atividadi, boxis chi funt abarradas in su bentu, mai cunfirmadas e mai negadas. In is ùltimas cidas ddoi funt àncora e sempri ‘boxis’ chi zumiant de presúmias trattativas e de sa zessioni de su situ de parti de s’Unilever a presúmius comparadoris po un’ipotéticu cumenzu de s’attividadi produtiva”.

 

Po ndi sciri de prus: http://www.ilminuto.info/notizia.php?id_notizia=518

Basket in carrozina: isconfitta romana po sa Bads Cuartu

(IlMinuto) – Casteddu, 30 de su mes”e totussantus – Segunda isconfitta de fil”e pari po sa Bads de Cuartu. Sabudu in Roma, s’isquadra de Cuartu Sant’Alèni at perdiu po 83 a 69 contra sa “Lottomatica” Elecom Sport, sa soziedadi chi est a su primu postu in sa classífica de su campionau A1 de basket in carrozzina. A pustis de una bella partenza in su primu tempus (17-15) is cuartesus ant zediu a is capazidadis de is atletas de sa Lottomatica.