Archíviu de sa diri 19/01/2010

Apuntamentus de cras 20 de su mes”e gennargiu – ispeciali "Foghidonis de Santu Srebastianu"

Pubblicau su 19/01/2010 a is 16:16 in Cultura | 0 cummentus
Argumentus:

(IlMinuto) – Casteddu, 19 de su mes”e gennargiu -

Casteddu, finzas a su 20 de su mes”e gennargiu, “Festa del Libro”

Casteddu, finzas a su 30 de su mes”e gennargiu, “foyer di platea” de su Teatru Lirico, mostra de “Tapies a Chillida, grafica originale”

Crabònia, finzas a su 7 de su mes”e fiàrgiu, Museu de is “Paleo Ambienti Sulcitani”, “Le Lézard aux plumes d’or” – mostra de Mirò a Crabònia

Casteddu, finzas a su 31 de su mes”e gennargiu, Centru comunali d’arti e cultura su “Ghetto”, mostra fotografica “Cagliari a 360°”

Nùgoro, finzas a su 12 de su mes”e fiàrgiu, Caffè Tettamanzi, mostra “Sguardi d’Arte nel Tempo” de Costantino Fenu

Casteddu, finzas a su 31 de su mes”e gennargiu, Espace S&P,”Period noir” – mostra personali de Bob Marongiu

Casteddu, finzas a su 14 de su mes”e fiàrgiu, Centru comunali d’arti e cultura Il Lazzaretto, “Cagliari per l’Arte” – esposizioni

Tàtari, de 16 de su mes”e gennargiu finzas a su 26 de u mes”e fiàrgiu, Caffè e Teeria Mannoni, mostra de pintura “Essenza in riflessi”

Seui, 16-21 de su mes”e gennargiu, “Is fogoronis”

Casteddu, finzas a su 26 de su mes”e gennargiu, Galleria d’arti “la Bacheca”, mostra de s’òpera “VII Cielo” – installazioni de su gruppu Santissimi

Brevie, 19-20 de su mes”e gennargiu, “Sebastianu fogus”

Bultzi, Crèsia de San Sebastiano, Festa de Santu Srebastianu – patronu de sa bidda

Sestu, Festa de Santu Srebastianu

Ollastra, Festa de Santu Srebastianu

Assòu, Festa de Santu Srebastianu

Serdiana, Festa de Santu Srebastiano

Casteddu, 10.00, Iscola de Santa Caterina, “Festa del Libro” – cunsigna de su liburu “Fiabe sarde”

Casteddu, 11.00, Sala prove de su Teatru Lirico, “Ragazzi all’opera”

Casteddu, 16.00, Centru comunali d’arti e de cultura su Ghetto, “I segreti della città: lettura di Cagliari e dei suoi luoghi attraverso la topografia”

Serrenti, 17.00, ex Mattatoiu, presentazioni e interpretazioni de su liburu “Rosmarino e caccia grossa”

Casteddu, 18.00, Centru comunali Area 3, presentazioni de su romanzu “Accabadora” de Michela Murgia

Sorgono, 18.30, Biblioteca comunali, Assembrea fondativa de sa “Federazione della Sinistra” de su centru de sa Sardigna

Casteddu, 18.30, Manàmanà, presentazioni de su liburu “Stefanino nacque ricco” – romanzu de Manlio Massole

Casteddu, 20.30, Palazzu Regio, “Pianure liquide” – paesaggiu musicalis de Sardigna

Casteddu, 21.00, Teatru Massimo, “Passaggio in India”

"Isole del Gusto" 2010: sa Camera de Cummérciu de Aristanis promòvit is ristorantis de su territoriu

Pubblicau su 19/01/2010 a is 16:09 in Ecunumia | 0 cummentus
Argumentus: coxina

(IlMinuto) – Casteddu, 19 de su mes”e gennargiu – Promòviri is ristorantis e is agriturismus de su territoriu. Est custu s’obbiettivu de “Isole del Gusto” 2010, un’iniziativa aprontada de sa Camera de Cummérciu de Aristanis. De ocannu su progetu si sboddicat in dua fasis iscrobadas. Sa primu – rivolgia a is ristorantis, is starias e in is lucandas – acumpangiat su Carnovali e si tenit de su 30 de su mes”e gennargiu a su 7 de su mes”e marzu. Sa segunda, dedicada a is agriturismus e a s’ittioturismus, est in programma po is mesis chi benint. Is ristorantis interessaus a pigai parti a s’iniziativa depint contatai a s’”Ufficio promozionale” de sa Camera de Cummérciu intru cras 20 de su mes”e gennargiu.

Po pediri informazionis: tel. 0783 2143244 fax. 0783 214 3244
email: promozione@or.camcom.it

Vinyls: sa produzioni no torrat a partiri. Rudas: "Senz”e unu tentativu de su Guvernu cun s’Eni sa chímica est condannada a sa morti"

Pubblicau su 19/01/2010 a is 14:54 in Traballu | 0 cummentus
Argumentus: sindacaus

(IlMinuto) – Casteddu, 19 de su mes”e gennargiu – In sa Vinyls de Pòrtu Turre sa produzioni no at a podi torrai a partiri primu de unu mesi. Est cantu est beniu a foras de s’atóbiu de ariseru in Roma tra s’azienda, s’Eni, su Guvernu e is sindacaus de categoria. “Cun dispraxeri no funt arribbadas is noas chi bolliaus – si podit liggiri in d’una nota de sa Filcem Cgil – e abbarrat unu stadu meda forti de incertesa po su futuru de sa Vinyls. Ddoi funt cuatru compradoris possíbbilis, su prus certu parrit sa ‘compagnia petrolifera’ de su Qatar Ramco”. Su segretariu de sa Cgil de Tàtari, Antonio Rudas, esti stetiu meda aspru. “Tocat a dda finiri cun custa cumédiedda. Senz”e un’interessamentu forti e claru de parti de su Guvernu a sa responsabilidadi de s’Eni – narat su sindacalista – sa chímica est condannada a sa morti. Pensu ca siat nezzessariu arziai su tiru de sa protesta, perou primu tocat a si fai un’azaminu de cuscénzia de ainturu e totu”.

No a su dinai liau a is pianus de assistu de sa 162. Diversamenti abilis e associazionis portant su própiu arràbiu in Consillu regionali

Pubblicau su 19/01/2010 a is 13:14 in Sociedadi | 0 cummentus
Argumentus: manifestada

(IlMinuto) – Casteddu, 19 de su mes”e gennargiu – Est arribbada a facc”e su Consillu regionali s’opposizioni a is “tagli indiscrimininati da mille euro” a is pianus de assistu po is personas cun handicap medas grais previdius de sa lei 162 de su 1998. Custu mangianu 250 personas- traballantis de su settori, rappresentantis de is associazionis, diversamenti abilis e familias – ant manifestau in via Roma po pediri un’aumentu de is finanziamentus. S’iniziativa, promòvia de s’onlus “Pensiero felice” de S’Alighera at coinvolgiu dexinas de associazionis de totu sa Sardigna, su gruppu Facebook “No ai tagli indiscriminati da 1000 euro ai piani legge 162″ – chi at arregortu a oi casi 4milla iscrittus – e su “Comitato delle famiglie per la 162″. Una delegazioni de 20 manifestantis at essi arricia de is cappogruppu de sa “Commissione Sanità” in d’unu momentu de pàusa de su Consillu. A su merì (14.00, Hotel Regina Margherita) est previdia un’assembrea oberta de su “Comitato per la 162″. Atóbiu aundi s’isperat de aghilliri puru is autoridadis regionalis cumpetentis. Cida passada is rappresentantis de totu s’opposizioni iant presentau una mozioni urgenti, cun sa dimanda de convocazioni estraordinaria de su Consillu regionali chi serbit po otèniri su stanziamentu de su dinai nezzessariu – circa 28 millioni de eurus – a evitai de ndi liai totu su chi spetat a is pianus de assistu.

Provìnzia de Crabònia-Igrèsias: Gaviano pedit a Cappellacci 10 millionis de eurus po ponni in seguresa su territoriu

Pubblicau su 19/01/2010 a is 12:05 in Política | 0 cummentus
Argumentus: ambienti

(IlMinuto) – Casteddu, 19 de su mes”e gennargiu – Sa Provìnzia de Crabònia-Igrèsias tenit bisóngiu immediatu de 10 millionis de eurus de sa Regioni po ponni in seguresa su territoriu a pustis de cussu chi est acontessiu a Pasca Manna passada e a pustis puru de sa próina meda mala de is diris passadas. Est cantu narat cun d’una nota su presidenti Pierfranco Gaviano. “A pustis de is avaloramentus fattus in su territoriu in is oras passadas – spiegat Gaviano – esti stetia aprontada un’istima de is ispesas po is prinzipalis logus problematicus, po is calis esti stetiu pediu custu dinai de usai senz”e perdi tempus (…). Cun custa dimanda – precisat su Presidenti – sa Provìnzia bollit finiri is traballus giai cumenzaus, e bollit puru programmai aterus traballus contra a dognia eventuali sciasciu”.

Ornella Demuru (Irs): cominzat su "beranu indipendentista"

Pubblicau su 19/01/2010 a is 10:51 in Política | 0 cummentus
Argumentus: partidus

(IlMinuto) – Casteddu, 19 de su mes”e gennargiu – “In sa cultura sadra su 17 de su mes”e gennargiu signat su cuminzu de su beranu e puru po s’Irs in custa diri istorica s’oberrit unu beranu indipendentista”. Dd’at nau Ornella Demuru, sa segretaria politica noa e cordinadora de Indipendentzia Repubrica de Sardigna, chi esti stetia eligia domìnigu de s’assembrea de su movimentu in santa Cristina de Paùle.

"Tavolaxquattro": in Tàtari mostra de fotografias chi tenit po tema sa cosa ‘pappai in Sardigna e in Giapponi

Pubblicau su 19/01/2010 a is 10:26 in Cultura | 0 cummentus
Argumentus: mostras

(IlMinuto) – Casteddu, 19 de su mes”e gennargiu – At a sighiri finzas a su 6 de su mes”e fiargiu in su Sosushi de Tàtari sa mostra de fotografias “Tavolaxquattro”: unu viaggiu de su Giapponi a sa Sardigna dedicau a sa cosa ‘e pappai, in totus is formas. Is autoris, Emilio Canu, Gian Luca Deidda, Massimiliano Caria e Salvatore Madau, ant creau unu percursu de fotografias chi – si podit liggiri in d’una nota – “passendi atressu sa cultura tradizionali sadra, s’accostat a cussa orientali e a is diversus saboris de cuss”e totu, cun d’unu viaggiu dedicau a sa cos”e pappai in totus is formas e is traballus chi ddoi funt a palas de cussa”.

"Parola di attrice": in Casteddu convegnu chi chistionat de sa femina in su teatru

Pubblicau su 19/01/2010 a is 09:31 in Cultura | 0 cummentus
Argumentus: cunvegnus

(IlMinuto) – Casteddu, 19 de su mes”e gennargiu – Cali est su ruolu de sa femina in su teatru de oi? A custa dimanda at a tentai de arrespondiri su convegnu “Parola di attrice”, aprontau de sa “compagnia B” e in programma custumerì a is 17.30 in su “Ridotto” de su Teatru “Massimo”, in Casteddu. “Su progetu – si podit liggiri in d’una nota – nascit de sa voluntadi de circai e de esaminai su mestieri de s’attrici in sa soziedadi de oi (…). Cun custu convegnu si bolit donai boxi a su Principiu feminili in totus is formas. Attrici e registas feminas de dognia generazioni ant a chistionai de su teatru in d’una prospettiva feminili”.

Alcoa a is dipendentis: su Guvernu no arrespetat is impignus, nesciuna proposta formali po su préziu de s’energia

Pubblicau su 19/01/2010 a is 08:44 in Ecunumia | 0 cummentus
Argumentus: traballu

(IlMinuto) – Casteddu, 19 de su mes”e gennargiu – “Alcoa no podit pigai nesciuna decisioni po is istabilimentus italianus de Portovesmi, in Sardigna, e Fusina, in Veneto”. Est cantu scririt sa multinazionali de s’allumíniu in d’una lítera rivolgia a is dipendentis de is istabilimentus italianus. Alcoa puntat su didu contra a su Guvernu, po no ai arrespetau is impignus pigaus is primus diris de s’annu. “No esti stetia formalizada sa proposta po abbàtiri is tarifas energeticas, comenti acordau in s’atóbiu de su 7 de su mes”e gennargiu in Roma. In sa pràtica nudda est cambiau de s’ùltimu atóbiu e no ddoi est ancora una soluzioni forti po is istabilimentus italianus”. In programma po custu mangianu, in s’istabilimentu de Portovesmi, un’assembrea cun sa participazioni de is segretarius nazionalis de is metalmeccanicus de Cgil, Cisl e Uil.

Apuntamentus de oi

Pubblicau su 19/01/2010 a is 07:37 in Cultura | 0 cummentus
Argumentus:

(IlMinuto) – Casteddu, 19 de su mes”e gennargiu -