Su no a is taglius po is pranus "ad personam" arribbat finzas a Facebook: 2.251 is iscrittus. Odg in sa provìnzia de su Campidanu de Mesu

(IlMinuto) – Casteddu, 11 de su mes”e gennargiu – Crescit de momentu in momentu e arribbat in Facebook sa lota contra “is taglius de 1000 eurus” a is pranus po is personas cun disabilidadis. Su gruppu, fundau de Rossella Pinna, assessori de sa “Sanità e Assistenza sociale” de su Campidanu de Mesu (Pd), in pagus diris at biu s’iscrizioni de 2.251 personas. “Sa Regioni Sardigna – si podit liggiri in is informazionis de su gruppu – cun sa Finanziaria de su 2010 at istabiliu taglius de 1000 eurus po totus is 28.351 pranus “ad personam” de sa lei 162/98 – pranus de agiudu a is personas cun disabilidadis. Pedeus s’aumentu de su dinai previdiu in su capitolu de su Bilanciu regionali e una politica prus attenta a is bisongius de is personas dèbilis”. Su no a is taglius est arribbau puru in s’assembrea provinziali de su Campidanu de Mesu: sa consillera Simona Lobina (Prc) at difatis presentau unu odg contra a is taglius a is pranus personalis chi esti stetiu firmau de totus is rappresentantis de su centrusinistra. “Su Consillu provinziali – si podit liggiri in su testu – narat no a is taglius po s’ispesa soziali poita custus bollint nai diminuiri s’assistenzia, is dirittus, sa vida civili, prus a totu po is prus dèbilis e po cussus chi tenint prus bisongius”.