> Archive: mes'e marzu 2010 | ilMinuto - notizie Mediterranee - edizione Sardegna ilMinuto – notizie Mediterranee – edizione Sardegna

Archìviu de mes'e marzu 2010

Mostras e eventus de su 1 de su mes”e arbili

Pubblicau su 31/03/2010 a is 18:33 in Cultura | 0 cummentus
Argumentus:

(IlMinuto) – Casteddu, 31 de su mes”e marzu -

 

 

 

 

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

Casteddu, finzas a su 13 de su mes”e arbili, Galleria d’arti “La Bacheca” – “Faces” – aparada de Carmen Laurio

 

Casteddu, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 

Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 6 de su mes”e arbili, ex Liceu Artisticu, mostra de pintura de Francesco Argiolu e Paolo Demontis

 

Casteddu, finzas a su 7 de su mes”e arbili, S’Umbra Progetus Fotograficus, mostra “Cagliari senza chiedermi un perché”

 

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 

Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 


Casteddu, finzas a su 7 de su mes”e arbili, Teatru Civicu de Casteddu ‘e susu mostra “Ovolando” – ous de collezioni

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 

Casteddu, finzas a su 4 arbili THotel, mostra collettiva “Carta al T”

 


Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 


Casteddu, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 


Cuartuciu, finzas a su 20 de su mes”e làmpadas, Domusart, mostra archeológica “Luce sul tempo

 

Casteddu, finzas a su 31 de mes”e marzu, Cineworld, proiezioni de su film “Distanze” de Pierfrancesco Zappareddu

 

Tàtari, finzas a su 10 de su mes”e arbili, Sosushi, “Onirica” – mostra fotografica de Patrizia Cau

 

Tàtari, finzas a su 9 de su mes”e arbili, “La settimana santa a scoperta dei tesori d’arte e della confraternita”

 

 
Casteddu, finzas a s’11 de su mes”e arbili, Palazu de Citadi, Cida Santa – mostra de is pratas sacras de is cunfrarias

 

Casteddu, finzas a su 2 de su mes”e arbili, rapresentazioni de su “Processo a Gesù” in is cuarteris de Casteddu

 

Cuartu Sant’Alèni, finzas a su 31 de su mes”e marzu, Saba Michelangelo Pira, mostra Polaroid Expressions

 


Nùgoro, finzas a su 7 de su mes”e arbili, Caffè Tettamanzi, mostra fotografica de Salvatore Madau

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 


Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 


Casteddu, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

Traghetu Terranòa-Civitavecchia de su 20 de su mes”e marzu: clientis arrapignaus de sa gabbina po fai postu a is manifestantis de su Pdl a sa bia de Roma? Sa testimónia de su curridori

Pubblicau su 31/03/2010 a is 17:54 in Sociedadi | 0 cummentus
Argumentus:

(IlMinuto) – Casteddu, 31 de su mes”e marzu – A prus de dexi diris de su viàgiu de su traghetu Terranòa-Civitavecchia de su 20 de su mes”e marzu funt giai casi milla is clientis iscritus a su grupu Facebook nàsciu cun s’iscopu de “donai boxi a totus cussus arrapignaus, cun pagu cuscénzia, de is diritus insoru, e de is próprius gabbinas. Gabbinas pagadas de meda tempus primu, ma liadas po essi donadas a is tesseraus de su Pdl chi furiant andendi a Roma po sa manifestazioni” de 21 de su mes”e marzu. Su grupu, lamau “Traghetto Olbia- Civitavecchia Snav Tirrenia – utenti scippati dei diritti”, bollit “arregolli testimónias e bollit denunciai cussu chi est acontéssiu”.
Sa Tirrenia ‘e totu – segundu cantu scritu in su social network de su giornalista Giovanni Runchina de Radio Sintony – “at amitiu su dannu a su serbíziu mancau” donendi perou is curpas a su guastu de su “sistema informaticu in s’inzénneru de is billetus”.
Si is iscritus a su grupu sfiorant su migliari, a immoi scéti unu clienti, s’atleta Paolo Floris, contat su própriu disdíciu.
“No iat tenni motivu de m’esponni aici – afirmat Floris, cussu merì in viàgiu po Civitavecchia po participai a una maratona – si totu custu no fessit beru.
Isperu ca puru is aterus fazant su própriu e alloghint su billetu comenti apu fattu deu. S’ant liau unu diritu nostru, senz”e contai ca chini nd’at aprofitau siat de destra o de sinistra”.

Vinyls: sighint is fueddus tra Eni e Ramco

Pubblicau su 31/03/2010 a is 15:46 in Traballu | 0 cummentus
Argumentus:

(IlMinuto) – Casteddu, 31 de su mes”e marzu – Sa mobilitazioni de is traballantis de sa Vinyls de Pòrtu Turre – chi de prus de 30 diris ocupant s’ex presoni de seguresa in s’isola de S’Asinàra – at otentu unu primu importanti arrasutau. Oi – segundu cantu nau martis a mangianu in S’Asinàra de su presidenti de sa Regioni – iat a depi essi pùbblicau su bandu de còmpora internazionali de s’impresa e “intru cenàbara” s’Eni e sa multinazionali de su Qatar iant a depi arribbai a un’acórdiu po su lassidu de su ciclu de su cròru de Assèmini, a custu iat a depi sighiri sa còmpora de sa Vinyls. Su cuminzu de sa produzioni in s’istabilimentu de Pòrtu Turre parrit immoi prus acanta.

Torrant a crèsciri is prézius. In Casteddu +0,4 po centu in su mes”e marzu

Pubblicau su 31/03/2010 a is 14:42 in Ecunumia | 0 cummentus
Argumentus:

(IlMinuto) – Casteddu, 31 de su mes”e marzu – Torrat a crèsciri sa carestia in sa citadi de Casteddu. In su mes”e marzu s’índixi de is prézius a su consumu, fattu connosci custu mangianu de su Serbíziu “informatica e Statistica” de su Comunu, est difatis cresciu de su 0,4 po centu (a pustis de unu cumenzu, in is primus diris de s’annu, a aumentu de is prézius zeru”). Su nùmeru prus mannu (+0,8 po centu) esti stetiu registrau po sa sezioni “Ricreu, ispetaculus e cultura”. Custu mesi s’índixi est cresciu finzas a arribbai a su 2,0 po centu, in aumentu si castiaus a su mes”e fiàrgiu, candu su furiat firmau a s’1,5.

Unu Campus universitariu po salvai su "Sardinia Radio Telescope": sa lítera oberta de su Comitau

Pubblicau su 31/03/2010 a is 13:56 in Sociedadi | 0 cummentus
Argumentus:

(IlMinuto) – Casteddu, 31 de su mes”e marzu – Fai nasci acanta de su “Radiotelescopio” de Santu ‘Asili ‘e Monti unu Campus universitariu fabbricau segundu is princípius de su rispàrmiu de s’energia. Est custa sa proposta chi s’esponenti de su Comitau “Pro Sardinia Radio Telescope”, Max Cordeddu, at fattu a su presidenti de sa Regioni e a su presidenti de sa “Fondazione Banco di Sardegna” cun d’una lítera oberta.
Su Campus – narant is circa 3milla citadinus chi ant addiriu a su Comitau – iat a podi donai “un’arrespusta diversa a su dinai púbbricu donau totu de sa Srt”.
“Su progetu – iacrarant – fait fronti a sa mancànzia de logus chi iant a podi serbiri po aghilliri is medas turistas chi iant a podi essi interessaus a su “Sardinia Radio Telescope”, e in prus, iat a portai postus de traballu e su dinai necessàriu po fai bivi su ‘radiotelescopio’”.
“In prus – acrarant – po donai dinai a Srt s’iant a podi bendi, in logus precisus, is modellineddus de su ‘radiotelescopio’, is maglietas, is tassas e is cartolinas: unu beru e própriu business”.

 

Sound Spring Festival: in Santu Sparau su punk de is Misfits

Pubblicau su 31/03/2010 a is 12:51 in Cultura | 0 cummentus
Argumentus:

(IlMinuto) – Casteddu, 31 de su mes”e marzu – Ant essi is notas de su grandu punk a oberri sa stagioni de is concertus de su 2010 in Sardigna. Is protagonistas de su Sound Spring Fest de Santu Sparau (16 de su mes”e arbili, Campu sportivu comunali) ant essi difatis is Misfits: s’istorica band de su New Jersey at a afestai is 33 annus de carriera própriu in su palcu sadru.
Sa band – chi finzas a immoi at pubblicau noi album in studiu e duus live – est tra is pagus a ai scipiu coniugai s’aza de su punk a s’incannada de s’heavy metal.
Po custu is Misfits funt tra is band preferias de is Metallica, chi iant sonau e registrau unus cantu branus de su grupu. Su grupu de oi, mancanti de su fundadori Glenn Danzig (chi iat lassau su grupu in su 1983), est guidada de su 1995 de su bassista Jerry Only.
A oberri su Sound Spring Festival ant essi is The Giannies e su Teatro degli Orrori, band definia de is aprontadoris de s’associazioni Kuntra de Thiniscòle “sa band prus amada e cantada de is ùltimus mesis in Italia”.

Elezionis provinzialis: Milia s’arretirat. "No mi fazu aperdiai"

Pubblicau su 31/03/2010 a is 11:10 in Política | 0 cummentus
Argumentus:

(IlMinuto) – Casteddu, 31 de su mes”e marzu – “Graziano Milia no abarrat in sa cadriga e no si fait aperdiai. Pigat atu de su fattu ca medas circant de ‘assartillai s’imprastu’ e de sfrutai is circustànzias. S’arretirat de su cunfrontu comenti candidau de su centru sinistra”. Cun custus fueddus su presidenti in càriga de Provìnzia de Casteddu, Graziano Milia, fait connosci atressu de Facebook sa decisioni de no si candidai: no at essi prus issu su candidau de su centru sinistra a is elezionis amministrativas de su mes”e maju.
“In Sardigna – precisat su políticu cuartesu – si fueddat de unu possíbbili candidau in sa provìnzia de Casteddu chi ‘forsis at isbagliau’, 11 annus fait, candu furiat síndigu de Cuartu Sant’Alèni, faendi una delíbbera in Giunta imbecis de dda fai in Consillu po donai una gara pubblica, po ddu aperdiai, nonostanti su códixi éticu, billazau e rigurosu, de su partidu aundi est iscritu no agatit nudda de ‘ostativo’. No si ndi podit prus”.
Sa candidadura de Milia – donada po segura finzas a sa cundenna de s’esponenti democraticu a un’annu e cuatru mesis po abbusu de ufíciu – esti stetia impidia de s’Idv e de su Prc.
Su comitau políticu regionali de Rifondazione iat difatis pediu de esclúdiri de is candidaduras de s’alleànzia de centru sinistra is personas cun “cundennas penalis, po su prus po is reatus contra a sa pubblica amministrazioni”.

Master and Back: pubblicaus is nòminis de chini at bintu is caminus de ammaistramentu de su 2009

Pubblicau su 31/03/2010 a is 10:15 in Traballu | 0 cummentus
Argumentus:

(IlMinuto) – Casteddu, 31 de su mes”e marzu – Funt 643 is giòvanus chi ant a podi participai a is caminus de ammaistramentu de su progetu Master and Back de sa Regioni Sardigna. Ariseru, a pustis de mesis meda longus de abetu e de dúbbiu, funti stetius difatis pubblicaus is nòminis de chini at a podi participai a is caminus de imparu in su campu de sa sciénzia e de sa ténnica, de sa mexina, de is sciénzias de sa sociedadi e de sa natura e in su campu de s’arti e de is istudius de sa citadi.
“Su dinai po su programma – acrarat una nota – esti stetiu donau puru de su “Fondo Sociale Europeo” e previdit de finanziai is caminus de ammaistramentu a foras de su territoriu regionali”.

Castia sa lista de is nòminis: http://www.regione.sardegna.it/documenti/1_265_20100330194258.pdf

 

 

Massaria: 46,5 millionis de eurus po is Cunsórzius de bonífica

Pubblicau su 31/03/2010 a is 09:23 in Ecunumia | 0 cummentus
Argumentus:

(IlMinuto) – Casteddu, 31 de su mes”e marzu – “Mai comenti oi sa Regioni bollit agiudai is Cunsórzius de bonífica cun d’una summa importanti, abetendi de fai unu pianu de riforma sériu chi torrit a donai a is entis is fainas giustas e chi assegurit a su mundu de sa massaria serbízius giustus, primu tra totus su préziu de s’àcua”. Est cantu at afirmau s’assessori de s’”Agricoltura”, Andrea Prato, cummentendi sa decisioni de sa Giunta de donai 46,5 millionis de eurus po is Cunsórzius de bonífica: 31,5 ant essi pigaus po sa cura de is òperas de bonífica e po sa gestioni de is impiantus e de sa reza. Aterus 15 ant essi impitaus po fai is traballus previdius de su Pianu regionali de Bonífica.

"Jazzop Sassari" a sa VII edizioni: a mangianu tres concertus in su Palazu de Citadi

Pubblicau su 31/03/2010 a is 08:48 in Cultura | 0 cummentus
Argumentus:

 

(IlMinuto) – Casteddu, 31 de su mes”e marzu – Est arribbada a sa VII edizioni “Jazzop”, sa rassigna aprontada de s’associazioni “Blue Note Orchestra” de Tàtari. Ocannu sa manifestazioni at essi aghillia in su Palazu de Citadi in is domínigus 18 de su mes”e arbili, 16 de su mes”e maju e 6 de su mes”e làmpadas, a su mangianu, cosa meda strambeca.
Ant essi presentadas tres òperas originalis, chi ant essi fattas connòsciri in is diris chi benint. Sa manifestazioni esti stetia aprontada cun su dinai de s’Assesorau a is “Culture” de su Comunu de Tàtari e de sa Regioni Sardigna.