> Archive: mes'e marzu 2010 | ilMinuto - notizie Mediterranee - edizione Sardegna ilMinuto – notizie Mediterranee – edizione Sardegna

Archíviu de sa diri 1/03/2010

Apuntamentus de cras 3 de su mes”e marzu

Pubblicau su 1/03/2010 a is 14:42 in Cultura | 0 cummentus
Argumentus:

(IlMinuto) – Casteddu, 1 de su mes”e marzu -

 

 

 

 
Tàtari, finzas a su 20 de su mes”e marzu, Sosushi, mostra “Tsunani”

 

Casteddu, finzas a s’8 de su mes”e marzu, Associazioni culturali Itzokor, mostra documentaria “Una razza da difendere, una menzogna da costruire

 

Casteddu, finzas a su 10 de su mes”e marzu, “Si alza un vento” – mostra de Luisanna Atzei

 

Terràrba, finzas a su 26 de su mes”e marzu, Círculu culturali d’arti Prometeo, mostra colletiva de pintura “Paesaggi di guerra”

 

Casteddu, finzas a su 7 de su mes”e marzu, Palazzu Regio, “Enrico Berlinguer: vita e politica” – mostra fotografica

 
Nùgoro, finzas a su 5 de su mes”e marzu, Caffé Tettamanzi, mostra de Marcello Minnia

 

Tàtari, finzas a su 18 de su mes”e marzu, Caffè e Teeria Mannoni, Mostra de Maria Grazia Carta

 
Casteddu, finzas a su 6 de su mes”e marzu, Laboratorio 168, mostra-mercau curada de Roberta Vanali

 
Casteddu, finzas a su 4 arbili T Hotel, mostra collettiva “Carta al T”

 

Casteddu, finzas a su 20 de su mes”e marzu, Spazio Zoom, “Sottocasa” – mostra de Paolo Ghiggini e Patrizia Lombardo

 

Casteddu, finzas a su 20 de su mes”e marzu, Casteddu de san Michele, X edizioni de sa rassigna multimediali “Di luce e di tempo”

 

Casteddu, finzas a su 28 de su mes”e marzu, Cittadella dei Musei, “vietato non toccare” – mostra sensoriali

 

Casteddu, finzas a su 9 de su mes”e marzu, Galleria d’arte “La Bacheca”, mostra personali de Serena Fazio

 
Tàtari, finzas a su 19 de su mes”e marzu, butega “Proposte d’interni”, mostra “Fusione di Forme” de Enrik Francesco Ciensi

 

Casteddu, finzas a su 18 de su mes”e marzu, Bibblioteca regionali, mostra fotografica “Il mondo in una stanza”

 

Aristanis, finzas a su 31 de su mes”e marzu, mostra “Una vita da rockstar” de Ilaria Corda

 

Casteddu, finzas a su 31 de su mes”e marzu, Gallery Caffè, mostra “Una vita da rockstar” de Ilaria Corda

 

S’Alighera-Utieri-Tàtari, finzas a su 13 de su mes”e marzu, mostra Cmyk

 

Santu Juanni Sruexu, 8.30, presidiu in solidariedadi a sa família Giordi

 

Casteddu, 9.00, Centru serbítzius po is Impresas, “Impresa al femminile: la sfida dello start up” – intervistas e testimónia

 

Casteddu, 10.30, Teatru Alfieri, “Paladini di Francia – spada avete voi, spada avete io!”

 

Cuartu Sant’Alèni, 21.00, Ocumare, Ocumare “Cheaphouse…”

Gettiamo le Basi: Scanu e Sanna (Pd) ignorant is arrisurtaus de sa Commissioni de inchiesta po s’Uraniu "impoverito"

Pubblicau su 1/03/2010 a is 14:35 in Política | 0 cummentus
Argumentus:

(IlMinuto) – Casteddu, 1 de su mes”e marzu – “Is senadoris de su “Partito Democratico” Gian Piero Scanu e Francesco Sanna oferrint a La Russa un’ocasioni guturrosa po fai pubblicidadi a su controllu chi s’est faendi in su Poligonu interforze de su Saltu de Quirra e donai un’antízipu in meritu a sa “beridadi de Istadu” chi at essi traballada cun insisténzia de su mes”e làmpadas chi benit: sa ‘bombing test area’ prus manna de Europa, su bobboi de is forzas armadas, est una matiperla ecologica”. Est custu su giudíssiu de su Comitau sadru Gettiamo le Basi po s’interrogazioni parlamentari Pd chi chistionat de is efetus, po s’ómini e po s’ambienti, de is esercitazionis militaris in su poligonu de Quirra. “Est necessàriu aclarai – scrint Scanu e Sanna – senz”e meda gírius, sa cundizioni ambientali ladina po ndi liai is dúbbius e is ànsias chi ddoi funt in sa popolazioni e po evitai eventualis arréjonus disastrosus”.
Cun custa dimanda de ispiegazioni – dinunziat Gettiamo le Basi – is duus parlamentaris ammostant de ignorai is arrisurtaus de sa Commissioni de inchiesta po s’Uraniu “impoverito”.
“Sa Commissioni – ispiegat su Comitau – at pigau atu de is datus de is mortis e de is maladius tra is militaris, datus chi no si podint atacai. Militaris mandaus comenti chi fessant peza pudéscia in is teatrus de guerra, e militaris in serbíziu in is poligonus (prus che ateru sadrus!) e ancora datus chi fueddant de sa popolazioni chi s’agatat in mesu a is atividadis pagu bellas de is poligonus”. Funti stetias difatis is conclusionis de sa Commissioni de inchiesta a portai a s’aprou de su Dpr 37 del 2009, chi previdit sa recumpensa – puru si cun critérius chi escluint totu sa popolazioni de Teulada e una parti manna de cussa de Quirra – de is ammarturaus de s’uraniu “impoverito” o de is ateras “nanoparticelle” de is metallus pesantis.
“Ma is senadoris nostrus – concluit su Comitau – no scint nudda. No ant mai fattu nudda castiendi s’istrossa de sa sanidadi e cussa de s’ambienti de s’Isola dinunziada po annus, in is primus pàginas de is giornalis sadrus, in parlamentu de is deputaus e is senadoris (chi no funt sadrus, pagus ma determinaus), de is associazionis antimilitaristas sadras puru in sa Commissioni “Difesa” de sa Camera e in sa Commissioni de “Inchiesta”.

Sa família Giordi no est sola. Irs: "Manifestazioni paxiosa contra a s’imprendamentu de s’azienda insoru"

Pubblicau su 1/03/2010 a is 13:17 in Política | 0 cummentus
Argumentus:

(IlMinuto) – Casteddu, 1 de su mes”e marzu – Crescit sa solidariedadi a sa família Giordi de Santu Juanni Sruexu. A is 8.30 is militantis de su movimentu de Gavino Sale ant a pigai parti a una manifestazioni paxiosa contra a s’imprendamentu de s’azienda de família, una família chi si ocupat de massaria (no s’iat a tratai de una domu comenti intendiu de atera fonti in d’unu primu momentu). S’azienda s’agatat in sa localidadi is Sannas.
“Su cordinamentu de s’Irs de su Surcis Igresienti – si podit liggiri in d’una nota – cunsiderat sa manifestazioni un’ocasioni importanti po difèndiri su diritu a su traballu e fait apellu a su sensu de responsabbilidàdi de s’amministrazioni comunali de Santu Juanni Sruexu e a su spíritu de solidariedadi de totu sa popolazioni de su Surcis Igresienti, a manera ca sa manifestazioni paxiosa de martis a mangianu possat costituiri unu traguardu chi tengat una soluzioni po totu s’acuntéssia, permitendi s’annullamentu de s’imprendamentu e s’aviada de unu caminu de soluzioni a una fazenda meda grai po un’azienda chi tenit s’ispériu de podi torrai a traballai”.

"Vietato non toccare": in Casteddu sa mostra chi abbatit totus is barrieras

Pubblicau su 1/03/2010 a is 12:35 in Cultura | 0 cummentus
Argumentus:

(IlMinuto) – Casteddu, 1 de su mes”e marzu – Unu museu po totus. Senz”e is barrieras architetònicas, de is sensus e de is sentidus. Est cantu offerit a chini dda bisitat “Vietato non toccare”, sa mostra aprontada de s’”Ufficio Disabilità” de s’Universidadi de Casteddu in sa saba “Esposizione” de sa “Cittadella dei Musei”. Sa mostra at essi oberta po totu su mes”e marzu. “‘Vietato non toccare’ – si podit liggiri in d’una nota – est unu caminu musicali chi si podit tocai e fragai”: is personas chi ant a fai sa bisita a sa mostra dd’ant traessai cun is ogus imbendaus – guidaus de unu spertu – e dd’ant a fai scéti cun s’agiudu de su fragu, de is manus e de is origas.

Traballu: sa Regioni pubblicat su bandu po pigai a traballai 47 personas diversamenti àbbilis

Pubblicau su 1/03/2010 a is 11:38 in Traballu | 0 cummentus
Argumentus:

(IlMinuto) – Casteddu, 1 de su mes”e marzu – Sa Regioni Sardigna at a pigai 47 personas diversamenti àbbilis in is listas particularis po su collocamentu de is personas diversamenti àbbilis. Ddu narat cun d’unu comunicau s’Assessorau de is “Affari generali”.
Podint participai a su bandu totus cussus chi at fattu 18 annus e chi tenint unu diploma de instruzioni de is iscolas superioris de primu gradu, chi a oi no tenit traballu, chi funt iscrittus in is listas particularis de su collocamentu de is provìnzias sadras e chi funt cittadinus italianus o de un’ateru istadu chi fait parti de s’Unioni europea.
Is dimandas ant a depi arribbai a is ufícius de s’Assessorau de is “Affari generali” intru is 13.00 de su 2 de su mes”e arbili.

Castia is documentus:

http://www.regione.sardegna.it/j/v/58?s=1&v=9&c=161&c1=1297&id=18873

Diritu a sa domu: cras in Santu Juanni Sruexu atóbiu contra a s’isbarazzu de sa família Giordi

Pubblicau su 1/03/2010 a is 10:06 in Sociedadi | 0 cummentus
Argumentus:

(IlMinuto) – Casteddu, 1 de su mes”e marzu – Tra 24 oras sa família Giordi – babbu in carrozella a pustis de un’ictus a conca, mamma e filla senz”e traballu, fillu prus piticu studianti – no ant a tenni prus una domu aundi bivi. Cras a is 9.00 sa domu de Giordi in Santu Juanni Sruexu, bidda de 6milla personas in su Surcis-Igresienti, at essi bendia a s’asta po pagus migliaja de eurus e sa costruzioni at essi fatta isbarazzai. A dinunziai sa cosa est Mario Flore, indipendentista e promotori de su comitau “Per il bene di tutti”. Po nai no a s’isbarazzu e impediri ca sa família Giordi siat “ghetada in istrada” cras a mangianu a is 8.30 s’at a tenni un’atóbiu a facc”e sa domu, in via Sannas 8.

Informazioni: Sdr (Caligaris), su ‘Milleproroghe’ tupat sa buca a is aràdiu-tv de su territoriu

Pubblicau su 1/03/2010 a is 09:06 in Política | 0 cummentus
Argumentus:

(IlMinuto) – Casteddu, 1 de su mes”e marzu – “Unu colpu de segura po struncai sa vida de s’informazioni de aràdius e tv territorialis chi at a tenni arretumbus in Sardigna po s’ocupazioni e chi at a agiudai ancora una borta is network nazionalis prus mannus”. Aici su presidenti de s’associazioni “Socialismo, Diritti e Riforme”, Maria Grazia Caligaris, cummentat su dinai liau a is finanziamentus po is aràdius e is televisionis territorialis de su decretu “Milleproroghe”, aprovau in is diris passadas de sa Camera. “Est necessàriu precisat s’esponenti socialista – un’interventu, fattu acoitu, de sa “Commissione Diritti civili e Informazione” de su Consillu regionali e de su Corecom e est necessàriu puru un’interventu frimmu de su Presidenti Cappellacci e de is parlamentaris elìgius in Sardigna”. “Bociri is contribbutus po s’editoria atressu un’emendamentu insertau in cussu chi si lamat decretu lei ‘Milleproroghe’ bolit nai – afirmat Caligaris – annichilai is atividadis de informazioni de aràdius e tv de su territoriu chi (…) funt afrontendi cun fatiga sa crisi economica de custus annus”. “Si su decretu – concluit – iat a depi passai puru in su Senau senz”e essi modificau iat a benni scancellada sa boxi de is aràdius istoricas de s’Isola. Si iat a colpiri in modu meda grai s’identidadi de una terra aundi est nàscia ‘Radio Sardegna’, sa primu aràdiu líbbera a pustis de sa ditadúra fascista”.

De Su pannigheddu de paperi a s’origami: in su Thotel in mostra "tutu su paperi de su mundu"

Pubblicau su 1/03/2010 a is 08:27 in Cultura | 0 cummentus
Argumentus:

(IlMinuto) – Casteddu, 1 de su mes”e marzu – Incisioni, stampa, mapa, òpera d’arti: funt migliaja is usus chi si podint fai de su paperi, símbulu de modernidadi e elementu chi agiudat sa circa artistica. Su paperi est a su centru de sa mostra “Carta al T”, aghillia in su THotel de Casteddu finzas a su 4 de su mes”e arbili.
In sa mostra, chi si podit bisitai de is 9 a is 23, si podint osservai is produzionis de numerosus participantis, tra custus ddoi funt is giapponesus Misato Inaba, Mariko Isozaki e Yusuke Tonami. In sa terra de su Sol Levanti s’invenzioni de su paperi Washi at permitiu de trasformai s’impiegu de su materiali in d’un’arti mirífica.

(Italiano) Documento: "1 marzo, 24 ore senza di noi". L’appello della Tavola permanente contro il razzismo

Pubblicau su 1/03/2010 a is 07:07 in Sociedadi | 0 cummentus
Argumentus:

"Una giornata senza di noi": su Prc sadru addirit a s’isciòpiru

Pubblicau su 1/03/2010 a is 06:59 in Política | 0 cummentus
Argumentus:

(IlMinuto) – Casteddu, 1 de su mes”e marzu – “Eus a essi in is diversas prazzas arraspetendi in prenu s’autonomia de is sugetus promotoris e eus a essi parti de unu caminu chi bidit in su primu de su mes”e marzu una diri meda meda importanti”. Cun custus fueddus su segretariu regionali de Rifondazione Comunista, Gianni Fresu, annunziat ca su Prc sadru at a addiriri a is diversas manifestazionis aprontadas po s’isciòpiru de is immigraus “1 marzo 2010, una giornata senza di noi”.
“Giai de sa diri ifatu – narat Fresu – eus a tenni s’abbilénzia de afortiai is raportus nous chi funt nascendi cun is personas chi in sa sociedadi bollint costruiri un’echilíbbriu soziali fundau asuba de sa paridadi de is diritus sozialis, civilis e politicus”.