Archíviu de sa diri 11/03/2010

Apuntamentus de cras 12 de su mes”e marzu

Pubblicau su 11/03/2010 a is 17:12 in Cultura | 0 cummentus
Argumentus:

(IlMinuto) – Casteddu, 11 de su mes”e marzu -

Tàtari, finzas a su 20 de su mes”e marzu, Sosushi, mostra “Tsunani”

Terràrba, finzas a su 26 de su mes”e marzu, Círculu culturali d’arti Prometeo, mostra colletiva de pintura “Paesaggi di guerra”

Tàtari, finzas a su 18 de su mes”e marzu, Caffè e Teeria Mannoni, Mostra de Maria Grazia Carta

Casteddu, finzas a su 4 arbili T Hotel, mostra collettiva “Carta al T”

Casteddu, finzas a su 20 de su mes”e marzu, Casteddu de san Michele, X edizioni de sa rassigna multimediali “Di luce e di tempo”

Casteddu, finzas a su 20 de su mes”e marzu, Spazio Zoom, “Sottocasa” – mostra de Paolo Ghiggini e Patrizia Lombardo

Casteddu, finzas a su 28 de su mes”e marzu, Cittadella dei Musei, “vietato non toccare” – mostra sensoriali

Tàtari, finzas a su 19 de su mes”e marzu, butega “Proposte d’interni”, mostra “Fusione di Forme” de Enrik Francesco Ciensi

Casteddu, finzas a su 18 de su mes”e marzu, Bibblioteca regionali, mostra fotografica “Il mondo in una stanza”

Aristanis, finzas a su 31 de su mes”e marzu, mostra “Una vita da rockstar” de Ilaria Corda

Casteddu, finzas a su 31 de su mes”e marzu, Gallery Caffè, mostra “Una vita da rockstar” de Ilaria Corda

S’Alighera-Utieri-Tàtari, finzas a su 13 de su mes”e marzu, mostra Cmyk

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

Nùgoro, finzas a su 26 de su mes”e marzu, Caffè Tettamanzi, mostra personali de Nicolina Carta

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

Casteddu, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

Casteddu, de 12 a su 27 de su mes”e marzu, Mk Spazio Cultura, mostra personali de Gianvittorio “Corallo e Artigianato sardo”

Berlin, Festsaal Kreuzberg, Brinc@ Festival cun Balentia, Bentesoi, Lame e Fogli d’Oltremare, Train to Roots

Casteddu, Saba Cosseddu, atóbiu po chistionai de “Le gemme incise della Sardegna romana” cun Emanuela Cicu

Casteddu, 17.30, Teatru Massimo, andat in iscena “Il Gabbiano” di Anton Cechov

Cuartu Sant’Alèni, 18.00, Libbraría Primalibri, Paolo Nori legit calencuna parti de “I malcontenti”

Silanos, 18.00, Auditorium comunali, “Chenapura in s’oru de sa Losa de Osana”

Bolotana,18.30, ex Àula consiliari, aMpI atobiat cun is citadinus

Sìnnia, 18.30, Museu Archeológicu, atóbiu cun Francesco Casula po chistionai “Il grande inganno. 1861-2011. L’unico stato al mondo che non vuole sapere quando è nata, dove è nata e qual è la sua storia”

Casteddu, 20.00, Barrique, “I malconeti di Paolo Nori” – reading de s’autori

Casteddu, 20.30, Teatru Lirico, Concertu de s’Orchestra de su Teatru Lirico

Casteddu, 21.00, Teatru Massimo, andat in iscena “Il gabbiano” de Anton Cechov

Terràrba, 21.50, Teatru Civicu, proiezioni de su film “Nazirock”

Tièsi, 22.30, Carrubi, concertu de su grupu “If I die today”

Tàtari, 23.00, Pancho Villa, serada musicali

Cuartu Sant’Alèni, 23.00, Fbi, “Golpe all’Fbi” – serada de “disco-antidisco”

Euroallumina. Schirru (Pd): "Aprontai debressi una mesa nazionali"

Pubblicau su 11/03/2010 a is 15:33 in Política | 0 cummentus
Argumentus: traballu

(IlMinuto) – Casteddu, 11 de su mes”e marzu – Est necessàriu ca sa nazioni donit atenzioni a sa vertanza Eurollumina-Rusal cun s’obertura de un’atóbiu tra su Guvernu e sa multinazionali russa. Est cantu narat sa deputata democràtica Amalia Schirru, chi custu mangianu at presentau un’interrogazioni firmada de totus is parlamentaris de su Pd. “A pustis de un’annu de sa serrada de s’istabilimentu – ispiegat Schirru – in custas diris sa mobilitazioni de is 400 traballantis est torrada a cumenzai. No est difícili immaginai ca su disisperu de is operàjus possat arribai a azionis giai fattas de is traballantis de s’Alcoa scéti calincunu mesi fait”.
“A pustis de s’isceda segundu sa cali sa multinazionali Rusal at a sighiri cun d’un’ateru annu de cassa integrazioni – narat s’esponenti democràtica – su Guvernu si furiat impignau a riuniri is partis inturu su 15 de su mes”e marzu, ma no iat fruniu ispiegazionis po is puntus de su ‘Protocollo d’Intesa’ chi no funti stetius arrespetaus de sa multinazionali”.
“Est po custu motivu – finit – ca esti stetiu necessàriu torrai a chistonai de sa vertenza Eurollumina, poita si torrit a aprontai un’atóbiu nazionali po fai su puntu de sa cosa, e po agatai una soluzioni (…) e vitai ca sigat sa cassa integrazioni”.

(Italiano) Documento: risoluzione della Comissione Diritti civili su rispetto Protocollo Stato-Regione su territorialità pena

Pubblicau su 11/03/2010 a is 15:05 in Política | 0 cummentus
Argumentus: presonis

Commissioni Diritus civilis: sa Giunta regionali pedat a su Guvernu s’arrespetu de sa territorialidadi de pena

Pubblicau su 11/03/2010 a is 14:59 in Política | 0 cummentus
Argumentus: presonis

(IlMinuto) – Casteddu, 11 de su mes”e marzu – Sa Giunta regionali si depit ativai debressi po aplicai in totus is próprius partis su protocollu de intesa tra su Stadu e sa Regioni po sa territorialidadi de sa pena. Est custu su chi pedit in Consillu regionali cun d’unu determinu, su nùmeru 15, aprovau su 3 de su mes”e marzu, a sa Giunta Cappellacci sa Commissioni Diritus civilis. Unu determinu chi su Comitau po sa Territorialidadi de sa Pena difinit “meda importanti”. Un’arrasutau otentu grazias a s’”agiudu de is movimentus e de is associazionis chi cumbatint po s’arrespetu de is diritus civilis”.
“S’ausenzia de su cumprimentu de sa territorialidadi de sa pena – precisat su determinu de sa Commissioni – creat istrobbus mannus a is presoneris sadrus (ndr: comenti est capitau a Bruno Bellomonte, presoneri in su presoni de Sianu, Catanzaru, de su mes”e argiolas 2009) e a is famílias insoru faendi diventai sa cosa infernali po mori de is strociduras de is diritus de sa persona”. “Su Comitau – si podit ligiri in d’una nota – at a sighiri a s’impignai finzas a chi is diversus determinus, mozionis e leis bengat arrespetaus diaderus senz”e abarrai scéti fueddus”

Legi su determinu: http://www.ilminuto.info/notizia.php?id_notizia=1989

Euroallumina. Is sindacaus a s’assessori de s’Industria. "S’azienda presentit unu pranu industriali nou"

Pubblicau su 11/03/2010 a is 13:08 in Ecunumia | 0 cummentus
Argumentus: traballu

(IlMinuto) – Casteddu, 11 de su mes”e marzu – Is númerus de s’allumíniu a foras de istadu sighint a ammanniai e oi ddoi funt totus is condizionis po torrai a cumenzai sa produzioni. Cun custa cunvinzioni is traballantis de s’Euroallumina de Portovesmi – a pustis de ai rallentau su tràvigu in sa strada 130 in s’artària de Su Masu – funt andaus custu mangianu in Casteddu po protestai a facc”e sa sedi de sa Regioni in viale Trento. Is sindacaus ant espostu a s’assessori de s’”Industria”, su giornalista Sandro Angioni, is arrexonis de is traballantis: is organizazionis sindacalis ant a firmai s’acórdiu po un’ateru annu de cassa integrazioni scéti si s’Eurollumina at a ponni asuba de sa mesa is documentus po unu pranu industriali nou po s’istabilimentu de Portovesmi.

Zuncheddu (Rossomori): cun su dl "salva liste" seus arribbaus a unu "fascismu nou"

Pubblicau su 11/03/2010 a is 12:14 in Política | 0 cummentus
Argumentus: partidus

(IlMinuto) – Casteddu, 11 de su mes”e marzu – “Seus in d’unu tempus aundi su ‘fascismu nou’ est legítimu, unu fascismu passau atréssu s’assensu afartau de su prus artu rapresentanti de su Stadu Italianu”. Aici sa consillera regionali, de calencuna diri a sa presidenza de is Rossomori, definit cussu chi lamant decretu “salva liste” aprovau de su Guvernu po agiudai sa presentada de su Pdl in su Laziu e in Lombardia. “Su Presidenti Napolitano – precisat Zuncheddu – firmendi su dl ‘salva liste’ de Berlusconi, at difendiu su profanamentu de is arrégulas democraticas e at decretau sa trisinadura de unu sistema intreu. Ddoi est su bisóngiu de si dimandai ita podit ai ispintu su Presidenti de sa Repúbbrica italiana a renunziai a su própriu cómpitu chi est primu de totu cussu de custòdi de sa Costituzioni e si no iat nau si a is cumandus apretosus de unu ‘poderi forti’, ita iat essi acadessiu?”
“Napolitano – concluit sa sardista de sinistra – cun sa própriu firma donat a is italianus e a nosu sadrus unu signali de arrutroxa cedendi a su pesanti ammalezu de Berlusconi po no salvai nudda, ansis, po decretai su sciúsciu definitivu de sa repúbbrica italiana”.

Totu cussu chi ddoi est de sciri in matéria de birra bella: arribbat in Sardigna su Master de Slow Food

Pubblicau su 11/03/2010 a is 11:07 in Cultura | 0 cummentus
Argumentus: coxina

(IlMinuto) – Casteddu, 11 de su mes”e marzu – Comenti cumprèndiri si una birra est bella? A custa dimanda at a donai un’arrespusta su “Master of Food Birra” aprontau de Slow Food chi s’at a tenni de su 12 a su 14 de su mes”e marzu in sa provìnzia de Crabònia e Igrèsias (po pediri iscedas prus precisas tocat a dimandai a Nicoletta Piras 328 2924549).
Su cursu, s’at a tenni in cuatru lezionis e previdit s’atastu de 20 tipus de birra europeas de cussas fattas a manu e puru de cussas fattas in is industrias. “Custus cuatru atóbius – si podit ligiri in d’una nota – presentant unu riassuntu de sa chistioni de is matérias primas, de is principalis tipus, stilis e logus de produzioni, ma no est finia innoi, s’at a fueddai puru de comenti s’imparat a atastai e a ricònosciri sa birra prus bella”.

Obertura in Pau de su "Museu de s’Ossidiana"

Pubblicau su 11/03/2010 a is 09:56 in Cultura | 0 cummentus
Argumentus: mostras

(IlMinuto) – Casteddu, 11 de su mes”e marzu – S’ossidiana, imbidri raru e naturali de nàscida vulcànica, tenit unu própriu museu. S’Istrutura esti stetia oberta sàbudu passau in Pau, una biddixeda de 300 ànimas chi s’agatat in provìnzia de Aristanis. Su Museu de s’Ossidiana de Pau est s’unicu de custu tipu in Europa e at arregortu una fibera de campionis chi arribbant de diversus continentis e de su Monti Arci.
“Su caminu museali de s’istrutura – si podit ligiri in d’una nota – est aprontau segundu su princípiu de sa connoscénzia naturali e participada in crai iscientifica, ténnologica, naturalistica, sociologica e istorica de s’ossidiana”. Su Museu si podit bisitai totu s’annu de su mércuris a su domìnigu in via San Giorgio 8 (10.00-12.00, 16.00-19.00)

Daniele Luttazzi in su mes”e arbili in Casteddu cun "Va dove ti porta il clito"

Pubblicau su 11/03/2010 a is 08:43 in Cultura | 0 cummentus
Argumentus: teatru

(IlMinuto) – Casteddu, 11 de su mes”e marzu – Daniele Luttazzi torrat in Casteddu. A pustis de un’annu de s’ispetàculu “Decameron” chi iat registrau su “totu ocupau”, s’autori de sàtira e atori si presentat a su pubblicu sardu (17 de su mes”e arbili, Fiera Campionaria) cun “Va dove ti porta il clito”, un’ispetàculu tra is prus famosus: “Parodia sprontia de unu bestseller meda famosu – si podit ligiri in d’unu comunicau – ‘Va dove ti porta il clito’ esti stetiu, in su tempus suu, argumentu de unu dibbatimentu de sa giustízia chi est finiu in faori de Luttazzi. A pustis de 15 annus s’ispetàculu torrat in is teatrus annovau, ma cun totu s’ironia chi scarafiat e chi est sa calidadi sua. Po mori de custa Luttazzi at bintu su Prémiu de sa satira politica ‘Forte dei marmi’ 1996″.

Apuntamentus de oi

Pubblicau su 11/03/2010 a is 07:36 in Cultura | 0 cummentus
Argumentus: