Archíviu de sa diri 16/03/2010

Apuntamentus de cras 17 de su mes”e marzu

Pubblicau su 16/03/2010 a is 15:08 in Cultura | 0 cummentus
Argumentus:

(IlMinuto) – Casteddu, 16 de su mes”e marzu -

Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos”

Casteddu, finzas a su 7 de su mes”e arbili, Teatru Civicu de Casteddu ‘e susu mostra “Ovolando” – ous de collezioni

Tàtari, finzas a su 20 de su mes”e marzu, Sosushi, mostra “Tsunani”

Terràrba, finzas a su 26 de su mes”e marzu, Círculu culturali d’arti Prometeo, mostra colletiva de pintura “Paesaggi di guerra”

Tàtari, finzas a su 18 de su mes”e marzu, Caffè e Teeria Mannoni, Mostra de Maria Grazia Carta

Casteddu, finzas a su 4 arbili T Hotel, mostra collettiva “Carta al T”

Casteddu, finzas a su 20 de su mes”e marzu, Casteddu de san Michele, X edizioni de sa rassigna multimediali “Di luce e di tempo”

Casteddu, finzas a su 20 de su mes”e marzu, Spazio Zoom, “Sottocasa” – mostra de Paolo Ghiggini e Patrizia Lombardo

Casteddu, finzas a su 28 de su mes”e marzu, Cittadella dei Musei, “vietato non toccare” – mostra sensoriali

Tàtari, finzas a su 19 de su mes”e marzu, butega “Proposte d’interni”, mostra “Fusione di Forme” de Enrik Francesco Ciensi

Casteddu, finzas a su 18 de su mes”e marzu, Bibblioteca regionali, mostra fotografica “Il mondo in una stanza”

Aristanis, finzas a su 31 de su mes”e marzu, mostra “Una vita da rockstar” de Ilaria Corda

Casteddu, finzas a su 31 de su mes”e marzu, Gallery Caffè, mostra “Una vita da rockstar” de Ilaria Corda

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

Nùgoro, finzas a su 26 de su mes”e marzu, Caffè Tettamanzi, mostra personali de Nicolina Carta

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

Casteddu, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

Casteddu, finzas a su 27 de su mes”e marzu, Mk Spazio Cultura, mostra personali de Gianvittorio “Corallo e Artigianato sardo”

Casteddu, finzas a su 24 de su mes”e marzu, “spazio P, mostra personali de Bruno Meloni “Esposizione Alfa Omega”

Casteddu, finzas a su 19 mes”e marzu, via Università 40, mostra de Philippe Rekacewicz

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

Casteddu,”Ridotto” de su Teatru Massimo, “Teatro Ridens”

Tàtari, Teatru Civico, Cínema nou po s’ambienti

Crabònia, 17.30, Saba cuferénzia de sa Bibbliotèca comunali, “Le identità locali – città e paesi si raccontano” - Carla Perra at a chistionai de “paesaggio archeologico di Carbonia dalla preistoria all’età romana”

Casteddu, 20.30, Palazu Régiu, Ideal Jazz, De Pasolini e de s’improvisazioni

Casteddu, 21.00, Teatru Civicu, rassigna “Cinema e omosessualità femminile” – proiezioni de su film “L’altra metà dell’amore”

Casteddu, 21.00, Accademia Danza y Teatro, Lezionis de tangu e milonga cun Roberto Reis

Massaria. S’apellu de is otu Provìnzias sadras a sa Regioni: "Torrai a pòniri in discussioni s’usu de su dinai"

Pubblicau su 16/03/2010 a is 14:53 in Política | 0 cummentus
Argumentus: massaria

(IlMinuto) – Casteddu, 16 de su mes”e marzu – Torrai a pòniri in discussioni su dinai po otèniri “unu pranu nou chi fazat progetus chi tocant is territorius” e chi pertochit sa massaria de sa Sardigna. Est cantu ant pediu a sa Regioni is otu presidentis de is provìnzias sadras Roberto Deriu, Graziano Milia, Pasquale Onida, Alessandra Giudici, Pietrina Murrighile, Pierluigi Carta, Pierfrancesco Gaviano e Fulvio Tocco, in ocasioni de s’atóbiu de s’Ups, “Unione delle Province Sarde”, chi s’est tenta ariseru in Samassi.
“S’amministrazioni pubblica – at ispiegau su presidenti de sa Provìnzia de su Campidanu de Mesu Tocco – depit donai una manu a s’economia regionali po afrontai custu momentu de crisi”. Is otu presidentis bollint “fai sistema”. Ant duncas pediu de presentai is abbisóngius de is territorius a is Commissionis “Agricoltura” e “Programmazione” de su Consillu regionali.
“Sa massaria – at nau su presidenti de sa provìnzia de Aristanis Onida – est sa fonti prus importanti de energias rinnovabbilis de sa Regioni”.
“Sa Sardigna – at ispiegau su consilleri de sa Provìnzia de Casteddu Sandro Cancedda – depit diventai unu logu chi aghillit sa massaria prus moderna e produtiva”. Cun cust’iscopu, at nau Cancedda, su bilànciu de sa provìnzia de Casteddu at a tenni unu capítulu “Vivere la Campagna”.

Euroallumina: protesta de 150 traballantis asuta ‘e sa sedi de sa Regioni

Pubblicau su 16/03/2010 a is 12:54 in Traballu | 0 cummentus
Argumentus: manifestada

(IlMinuto) – Casteddu, 16 de su mes”e marzu – Sighit sa batalla de is operàjus de s’Euroallumina de Portovesmi po pediri de torrai a cumenzai sa produzioni in s’istabilimentu de su Surcis. Custu mangianu unu grupu de 150 traballantis at manifestau a facc”e sa sedi de sa Regioni in viale Trento, in Casteddu, cun s’iscopu de straviai su rinnou po un’ateru annu de sa cass”e integrazioni .
In d’unu atobixeddu cun is assessoris de s’”Industria” e de sa “Programmazione”, is sindacaus – abetendi s’atóbiu de su 18 de su mes”e marzu in sa sedi de su Ministeru de su “Sviluppo economico” – ant arregordau a is esponentis de sa Giunta is impignus pigaus de su Guvernu e de sa Regioni cun is traballantis de Euroallumina.

Cínema etnograficu: sa música popolari est su coru de sa XV Rassigna internazionali de Nùgoro

Pubblicau su 16/03/2010 a is 11:57 in Cultura | 0 cummentus
Argumentus: cínema

(IlMinuto) – Casteddu, 16 de su mes”e marzu – “Sa produzioni e sa circulazioni in sa música popolari in su mundu globali”. At essi custu su tema de sa XV Rassigna Internazionali de Cínema Etnograficu, in programma in Nùgoro de su 20 a su 25 de su mes”e cabudanni. Is autoris interessaus ant a tenni tempus finzas a su 31 de su mes”e maju po s’iscriri e participai a sa sezioni de is documentarius. Is òperas scioberadas ant a cuncurri po s’assignamentu de su Prémiu “Grazia Deledda” po su film prus bellu, de su Prémiu po su film prodúsiu e girau in is logus de su Mediterraneu, po su film prus bellu de autori sadru e po sa “pellícula” prus rivoluzionaria. De su 1982 sa Rassigna, chi s’at a tenni dognia duus annus in Nugòro, est didicada “a is documentarius chi si funt giraus de pagu tempus, custus documentarius depint essi de tipu etno-antropologicu”.

Elezionis provinzialis. Demuru (Irs): "Nesciuna alleànzia. Si presentaus a solus"

Pubblicau su 16/03/2010 a is 10:39 in Política | 0 cummentus
Argumentus: partidus

(IlMinuto) – Casteddu, 16 de su mes”e marzu – S’Irs non at a fai nescinu tipu de alleànzia políticu-eletorali in ocasioni de is amministrativas de su mes”e maju. Est cantu arremaciat cun d’una nota su segretariu nazionali de s’Irs Ornella Demuru.
“In is ùltimas cidas – ispiegat Demuru – fontis de diversu tipu, fueddaus puru de calincunu situ web, pubblicant sa nova in sa cali s’afirmant possíbbilis alleànzias eletoralis tra Irs e ateras forzas piliticas”.
“Irs no scéti dennegat custas ipótesi – ispiegat s’esponenti indipendentista – ma bollit arremaciai, comenti giai nau in d’unu comunicau passau e firmau de s’Esecutivu nazionali, ca s’at a presentai a sola cun is próprius candidaus presidentis e cun is próprius listas a is elezionis provinzialis chi s’ant a tenni in su beranu de su 2010″.

Tàtari: cunvegnu po chistionai de s’istoria citadina de sa "Cida Santa"

Pubblicau su 16/03/2010 a is 10:03 in Cultura | 0 cummentus
Argumentus: cunvegnus

(IlMinuto) – Casteddu, 16 de su mes”e marzu – “La Settimana Santa a Sassari”: est custu su títulu de su cunvegnu chi s’at a tenni custumerì a is 17.30 in sa saba cuferénzias de s’Archíviu istoricu comunali tataresu. Po s’apuntamentu ant a fueddai su diretori de s’Archíviu, Paolo Cau, e is istoricus Mario Tola e Francesco Ledda.
“Su cunvegnu – est nau in d’una nota – si collocat in s’ambitu de s’avaloramentu e de s’arregodu de sa tradizioni de sa Cida Santa de Tàtari: una citadi, comenti totus is citadis europeas de ‘Antico Regime’, aundi is festas religiosas faiant parti de s’interessu soziali de sa vida, comenti momentu de connoscénzia de s’identidai colletiva”.
“Sa Cida Santa de Tàtari – ispiegant is aprontadoris – est forsis pagu connoscia, si pensaus a totus is Cidas Santas chi si faiant in is citadis régias de s’isola, ma no po custu est de prus pagu importu”.

Politicas giovanilis: in Casteddu cumenzant is cursus de imparu "no formalis"

Pubblicau su 16/03/2010 a is 09:43 in Imparu | 0 cummentus
Argumentus: imparu

(IlMinuto) – Casteddu, 16 de su mes”e marzu – Ténnica de su sonu, web mastering, informatica de basi, dizioni e lígia espressiva. Ant essi custas is matérias chi s’ant a fai in is cursus de imparu “no formalis” aprontaus de s’Ufíciu de is “Politiche giovanili” de su Comunu de Casteddu.
Po participai a is lezionit fattas de maistus pràticus, tocat a presentai sa dimanda intru su 23 de su mes”e marzu.

Po ndi sciri de prus: http://www.comune.cagliari.it/portale/it/bandi_e_avvisi.wp?contentId=BND14562

Fresu (Prc): "A foras de is candidaduras chi at tentu cundenna penalis"

Pubblicau su 16/03/2010 a is 08:51 in Política | 0 cummentus
Argumentus: partidus

(IlMinuto) – Casteddu, 16 de su mes”e marzu – Esclúdiri de is candidaduras is personas “chi apant tentu cundennas penalis, est a nai chi apant tentu cundennas po reatus contras a sa pubblica amministrazioni”. Est cantu pedit – cun d’unu documentu aprovau domìnigu passau cun 29 votus a favori e noi renúnzias a su votu – su comitau politicu regionali de su Prc castiendi a is elezionis amministrativas de su mes”e maju. Su pensu de Rifondazione iat a podi tenni cusseguénzias po is candidaduras in sa Provìnzia de Casteddu, aundi cida passada su presidenti Graziano Milia esti stetiu cundennau a un’annu e cuatru mesis po aprofitu de ufíciu.
In su testu aprovau – ispiegat su segretariu regionali de Rifondazione comunista Gianni Fresu – “arremaciaus s’assoluta importànzia de s’afortiamentu de un’alleànzia programmatica de is forzas democraticas sadras. Un’alleànzia regionali chi no depit essi fatta cun su Psdaz e cun s’Udc, partidus chi ant fattu binci su Guvernu de Cappellacci.
De su Prc sadru arribbat unu no senz”e torrada a unu possíbbili acàpiu eletorali cun custus partidus.
“Primu de sceberai is nòminis pensaus chi siat necessàriu – precisat su segretariu – costruiri un’acórdiu programmaticu chi ispieghit beni sa nostra línia”. Cun custu obbietivu Rifondazione proponit de fai, “senz”e abetai meda”, tres eventus-dibbatidu chi tenint comenti tema sa difesa de sa Costituzioni, su nucleari e is energias rinnovabbilis, sa batalla a su disimpreu e a sa poberesa.
“Cufromma a su programma – concluit Fresu – depit essi iscritu unu documentu políticu” chi ispieghit e fissit “is critérius éticus e is modus democràticus, modus atressu is calis s’arribat a su sceberu de is rapresentanzas amministrativas”.

Apuntamentus de oi

Pubblicau su 16/03/2010 a is 07:12 in Cultura | 0 cummentus
Argumentus:

(IlMinuto) – Casteddu, 16 de su mes”e marzu -

Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos”