Archíviu de sa diri 17/03/2010

Apuntamentus de cras 18 de su mes”e marzu

Pubblicau su 17/03/2010 a is 16:55 in Cultura | 0 cummentus
Argumentus:

(IlMinuto) – Casteddu, 17 de su mes”e marzu -

Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos”

Casteddu, finzas a su 7 de su mes”e arbili, Teatru Civicu de Casteddu ‘e susu mostra “Ovolando” – ous de collezioni

Tàtari, finzas a su 20 de su mes”e marzu, Sosushi, mostra “Tsunani”

Terràrba, finzas a su 26 de su mes”e marzu, Círculu culturali d’arti Prometeo, mostra colletiva de pintura “Paesaggi di guerra”

Tàtari, Caffè e Teeria Mannoni, Mostra de Maria Grazia Carta, ùltima diri

Casteddu, finzas a su 4 arbili T Hotel, mostra collettiva “Carta al T”

Casteddu, finzas a su 20 de su mes”e marzu, Casteddu de san Michele, X edizioni de sa rassigna multimediali “Di luce e di tempo”

Casteddu, finzas a su 20 de su mes”e marzu, Spazio Zoom, “Sottocasa” – mostra de Paolo Ghiggini e Patrizia Lombardo

Casteddu, finzas a su 28 de su mes”e marzu, Cittadella dei Musei, “vietato non toccare” – mostra sensoriali

Tàtari, finzas a su 19 de su mes”e marzu, butega “Proposte d’interni”, mostra “Fusione di Forme” de Enrik Francesco Ciensi

Casteddu, Bibblioteca regionali, mostra fotografica “Il mondo in una stanza” – ùltima diri

Aristanis, finzas a su 31 de su mes”e marzu, mostra “Una vita da rockstar” de Ilaria Corda

Casteddu, finzas a su 31 de su mes”e marzu, Gallery Caffè, mostra “Una vita da rockstar” de Ilaria Corda

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

Nùgoro, finzas a su 26 de su mes”e marzu, Caffè Tettamanzi, mostra personali de Nicolina Carta

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

Casteddu, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

Casteddu, finzas a su 27 de su mes”e marzu, Mk Spazio Cultura, mostra personali de Gianvittorio “Corallo e Artigianato sardo”

Casteddu, finzas a su 24 de su mes”e marzu, “spazio P, mostra personali de Bruno Meloni “Esposizione Alfa Omega”

Casteddu, finzas a su 19 mes”e marzu, via Università 40, mostra de Philippe Rekacewicz

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

Casteddu, Associazioni Itzokor, atóbiu po chistionai de: “Appunti medievali: un caso di regalità sacra nella Castiglia del XIII secolo”

Casteddu, 10.00, THotel, XII Congressu de sa Cgil sadrapipius de is 2 a is 6 annus

Tàtari, 17.30, facoltadi de “Lettere e Filosofia”, dibbatidu po chistionai de “Percorrere la differenze. lesbiche e gay nel movimento Lgbtq”

Pisa, 18.00, Círculu Agorà, dibbatidu po chistionai de “Da Quirra a Camp Derby: nuove politiche militari tra Sardegna e Toscana”

Casteddu, 21.00, Associazioni Danza y Teatro, Lezione de Tangu cun Roberto Reis

Tàtari: cundizionis drammàticas in via Bottego. In s’ex asilu de Latte Dolce si bivit "tra topis e arpaus"

Pubblicau su 17/03/2010 a is 16:19 in Sociedadi | 0 cummentus
Argumentus: movimentus

(IlMinuto) – Casteddu, 17 de su mes”e marzu – “Pipius costrintus a bivi in d’unu logu cun pérdidas de àcua in is filus de sa currenti, murus de mesu chi nd’arruint, pabimentus movius po mori de sa pesadura de sa fogna, topis e arpaus aintru de is domus”. Est custa sa cundizioni in sa cali bivint de annus is personas de s’ex asilu de via Bottego, in su cuartieri de Latte Dolce, in Tàtari, segundu cantu denunziau – cun medas fotografias – cun d’unu comunicau arribbau in sa mail de IlMinuto. “Seus dispraxius – iscririt in d’una nota Pietro Serra – poita in totus custus annus no s’est moviu nesciunu po agiudai custa genti. Intrai aintru de custu logu esti stetia una cosa tra is prus malas de cantu si possat pensai. Calincunu pipiu, su prus piticu tenit scéti dexi mesis, depit bivi in d’unu logu chi est perigulosu e chi puru is Vigili de su Fogu ant declarau in custu modu. Funt passadas tres amministrazionis comunalis, perou totu est abarrau comenti fiat”.
“Apu biu – sighit Serra, capu mannu de s’associazioni Gioventù Cristiana – cosas chi no podint essi contadas. Genti chi in domu teniat unu gatu po pigai is topis, genti chi, po si sciacuai, at depiu callentai s’àcua in ampuddas de pràstica”.

Chistioni Bellomonte. A Manca pro s’Indipendentzia: "Bollint fai de Bruno unu buratineddu cunfundiu e ammachiau"

Pubblicau su 17/03/2010 a is 15:33 in Política | 0 cummentus
Argumentus: presonis

(IlMinuto) – Casteddu, 16 de su mes”e marzu – “Chini est in A Manca, e ancora de prus is dirigentis mannus de su movimentu, scint meda beni ca s’essi parti de formazionis políticas italianas de dognia tipu est dessintotu in contraddizioni cun sa militanza indipendentista”. Aici su Diretivu políticu nazionali de A Manca pro s’Indipendentzia cummentat is fueddus chi at usau su Tribbunali de su “Riesame” de Roma po donai una spiegazioni a s’arrefudu de sa dimanda de spresonamentu po Bruno Bellomonte, presoneri de noi mesis in su presoni de Sianu, Catanzaru, de su mes”e làmpadas de su 2009. “A sa luxi de su cuntatu tra Bellomonte e Fallico – iscrit su Tribbunali de su “Riesame” romanu – e de su tipu assolutamenti claru de is arréxonis intercetadas, sa militanza de Bellomonte in creazionis autonomistas (atividadi chi de fatu iat at depi essi lícita) parrit piusaprestu dispintai cun forza sa participazioni de s’indagau in s’amigànzia pagu pulia batacollada in sa parti B2.
“Is magistraus de su Tribbunali de su “Riesame” – afirmat su comunicau de A Manca – arragollint in prenu is tesis de su Pm Saviotti e afacilant sa dignidadi de sa militanza de Bruno circhendi de ndi fai unu buratineddu cunfundiu e ammachiau”.
“Is militantis de aMpI – precisat su Diretivu políticu de A Manca – no podint tenni dópias militanzas, no podint fai parti de ateras organizzazionis políticas e ancora de mancu podint addiriri a organizzazionis chi no riconoscint s’abbisóngiu de sa lota de libberazioni nazionali e soziali (…). A Manca tenit una línia e unu Statutu e ddu su fait arrespetai cun firmesa”.
S’acusa at de pagu tempus serrau is spricullitus a carrigu de Bellomonte. Immoi at essi su Gup a decídiri si ddoi funt is cundizionis po su rinviu a giudíziu e su sbodicamentu de su processu.

"Wonderful town": in Casteddu sa cumédia de música de Bernstein

Pubblicau su 17/03/2010 a is 14:27 in Cultura | 0 cummentus
Argumentus: música

(IlMinuto) – Casteddu, 17 de su mes”e marzu – Sa cumédia pigat sa forma de unu concentu e torrat in su Teatru Lirico de Casteddu. Sàbudu e domínigu s’”Orchestra” e su “Coro del Lirico”, guidaus de Wayne Marshall, ant a proponiri difatis ”Wonderful town”: sa famosa òpera de música iscrita po su teatru de Leonard Bernstein. In sa primu bessida de s’òpera in Broadwau, in su 1953, s’òpera iat bintu cincu Tony Awards.

"Lesbiche e gay nel movimento Lgbtq": cras a merì in Tàtari un’atóbiu cun Ellena e Milletti

Pubblicau su 17/03/2010 a is 12:57 in Cultura | 0 cummentus
Argumentus: movimentus

(IlMinuto) – Casteddu, 17 de su mes”e marzu – “Percorrere le differenze: lesbiche e gay nel movimento Lgbtq”. At essi custu su tema de s’atóbiu aprontau de su “Movimento omosessuale sardo” in programma cras in Tàtari (17.30, Facoltadi de Lettere e Filosofia). Po s’atóbiu ant essi presentis is esponentis de su movimentu “femminista” Liliana Ellena, istudiosa de istória, e Nerina Milletti, gay, cun s’iscopu de fai connosci – si ligit in d’una nota – “s’istória imbusticada de su movimentu Lgbtq (lesbico, gay, bisex, trans e queer) e (…) de chistionai de is raportus tra gay in s’istória”.
Su dibbatidu at a cumenzai de s’esàminu de su testu “Il movimento delle lesbiche in Italia” (Milanu, Il dito e la luna, 2008) aundi at essi analizada s’istória de su movimentu de is féminas gay in is úrtimus 40 annus.

Master and Back. Su Comitau a s’assessori de su "Lavoro" Manca: "S’órdini pubblicu no est in is cumpeténzias nostras"

Pubblicau su 17/03/2010 a is 12:04 in Política | 0 cummentus
Argumentus: master and back

(IlMinuto) – Casteddu, 16 de su mes”e marzu – Su Comitau Master and Back dennegat su chi at nau s’assessori de su “Lavoro” Franco Manca – pubblicau ariseru in su situ de sa Regioni Sardigna – po su serbíziu de assistu a is candidaus M&B. Centinas de personas in fiba a facc”e sa sedi de s’”Agenzia regionale del Lavoro”, in Casteddu, tra domìnigu e lùnis, cun s’obbietivu de portai is dimandas po is back. Segundu s’esponenti de sa Giunta Cappellacci su serbíziu de assistu iat essi stetiu “concodrau cun su Comitau Master and Back”. Is interessaus no cunfirmat su chi narat Manca: “Su Comitau Master and Back – si podit ligiri in d’una nota – no s’est ocupau de sa gestioni de s’órdini pubblicu, biu ca no est in is próprius cumpeténzia”.

Galsi. Rossomori: "Po comenti seus postus est innútili e fait dannu a s’ambienti"

Pubblicau su 17/03/2010 a is 10:47 in Política | 0 cummentus
Argumentus: ambienti, Galsi

(IlMinuto) – Casteddu, 16 de su mes”e marzu – “Po comenti seus postus su “Gasdotto” Galsi arriscat de essi un’òpera innútili po sa Sardigna”. Est cantu denunziat cun d’una nota sa consillera regionali e presidenti de is Rossomori Claudia Zuncheddu.
“Nonostanti siat progetau s’atraessamentu de totu s’Isola – ispiegat sa sardista de sinistra – is acapióngius e is rezas po ddu distribbuiri a is areas de is citadis e a cussas industrialis no funt ancora finanziadas in prenu e no funt progetadas”.
No bastat. Is Rossomori precisant is arriscus meda mannus po s’ambienti acapiaus a su fàbbricu de s’òpera. Po custu ant presentau una mozioni in Consillu regionali cun s’obbietivu de fai impignai sa Giunta regionali a “avinculai s’opinioni insoru in s’ambitu de s’avaloramentu de is efetus chi custu iat a tenni po s’ambienti e de dognia atera atividadi amministrativa (…) a s’arrespetu de is pratus de “Posidonia oceanica” e de is areas de mari chi tenint una grandu importànzia naturalística (…) e de is logus de importànzia colletiva de sa Sardigna”.
Su giudíziu de is sardistas de sinistra po sa política ambientali de sa Giunta Cappellacci est sicu. “Batacollaus – afirmat Zuncheddu – su modu de custu guvernu regionali dessintotu fridu a sa chistioni de s’ambienti e chi, po mori de sa mandronia de sa conca e po mori de sa totali ignorànzia in matéria, no s’impignat a istudiai formas chi agiudint su caminu de su “gasdotto”, formas chi siant prus pagu perigulosas e chi no strupint su logu”.

Domu: su Tar blocat is permissus de su Suap po costruiri domus. Sdr: "Afuscu po un’argumentu delicau"

Pubblicau su 17/03/2010 a is 09:09 in Ecunumia | 0 cummentus
Argumentus: movimentus

(IlMinuto) – Casteddu, 16 de su mes”e marzu – Su Suap no podit donai permissus in matéria de domus. Est cantu at stabbiliu su Tar de sa Sardigna annullendi su permissu nùmeru 90 de su Suap de su 9 de mes”e cabudanni de su 2008, donada de su Comunu de Altzaghèna. Ddu narat cun d’unu comunicau su presidenti de s’associazioni “Socialismo Diritti Riforme”, Maria Grazia Caligaris. S’associazioni at promòviu po gióbia 18 de su mes”e marzu (17.00, Casteddu, Hotel Mediterraneo) un’atobiu dibbatidu po chistionai de “Piano Casa: una risposta, tante domande”.
“Custa decisioni – ispiegat Caligaris – arriscat de fai cresci s’afuscu po sa chistioni domu, una chistioni meda delicada, e at a tenni recaidas malas po su “‘piano casa’”.
“Is dimandas presentadas a su Suap – concluit Caligaris – po sa chistioni domus, no ant a podi essi pigadas in cunsidériu e no ant podi essi donaus nemmancu is permissus. Funt difatis cupetentis scéti is ufícius de s’assessorau a s”Urbanistica’”.

Cgil sadra: in Casteddu su XII Congressu a pustis de 1500 assembreas in su territoriu

Pubblicau su 17/03/2010 a is 08:33 in Traballu | 0 cummentus
Argumentus: sindacaus

(IlMinuto) – Casteddu, 16 de su mes”e marzu – S’at tenni su 18 e su 19 de su mes”e marzu in su THotel de Casteddu su XII Congressu de sa Cgil sadra. Sa fasi regionali – abetendi su congressu nazionali de su mes”e maju – at biu 70milla iscritus a su sindacau, chi ant participau a prus de 1500 assembreas in is logus de traballu de totu s’Isola. Is traballus ant essi obertus de su relatu de su segretariu regionali Enzo Costa.

Apuntamentus de oi

Pubblicau su 17/03/2010 a is 07:35 in Cultura | 0 cummentus
Argumentus: