Archíviu de sa diri 22/03/2010

Apuntametus de cras 23 de su mes”e marzu

Pubblicau su 22/03/2010 a is 18:08 in Cultura | 0 cummentus
Argumentus:

(IlMinuto) – Casteddu, 22 de su mes”e marzu -

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

Casteddu, finzas a su 27 de su mes”e marzu, Galleria “Sotto piano Beaux Arts” – “Riflessioni e stati d’animo in quattro grandi lavori” – mostra de is òperas de Flaviano Ortu

Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

Casteddu, finzas a su 7 de su mes”e arbili, Teatru Civicu de Casteddu ‘e susu mostra “Ovolando” – ous de collezioni

Terràrba, finzas a su 26 de su mes”e marzu, Círculu culturali d’arti Prometeo, mostra colletiva de pintura “Paesaggi di guerra”

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

Casteddu, finzas a su 4 arbili THotel, mostra collettiva “Carta al T”

Casteddu, finzas a su 28 de su mes”e marzu, Cittadella dei Musei, “vietato non toccare” – mostra sensoriali

Aristanis, finzas a su 31 de su mes”e marzu, mostra “Una vita da rockstar” de Ilaria Corda

Casteddu, finzas a su 31 de su mes”e marzu, Gallery Caffè, mostra “Una vita da rockstar” de Ilaria Corda

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

Nùgoro, finzas a su 26 de su mes”e marzu, Caffè Tettamanzi, mostra personali de Nicolina Carta

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

Casteddu, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

Casteddu, finzas a su 27 de su mes”e marzu, Mk Spazio Cultura, mostra personali de Gianvittorio “Corallo e Artigianato sardo”

Casteddu, finzas a su 24 de su mes”e marzu, “spazio P, mostra personali de Bruno Meloni “Esposizione Alfa Omega”

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

Casteddu, finzas a su 31 de mes”e marzu, Cineworld, proiezioni de su film “Distanze” de Pierfrancesco Zappareddu

Cuartu Sant’Alèni, finzas a su 30 de su mes”e marzu, Liceu Artisticu Brotzu, mostra “Poveri ma(il) belli” – si podit bisitai in orariu de iscola de is 8 a is 14

Tàtari, finzas a su 9 de su mes”e arbili, “La settimana santa a scoperta dei tesori d’arte e della confraternita”

Casteddu, finzas a su 27 de su mes”e marzu, Centru comunali d’Arti e Cultura “Il Ghetto”, mostra Marc Chagall “il veggente di Vitebsk

Casteddu, finzas a su 23 de su mes”e marzu, Fiera de Casteddu, “Hospitando Sardegna”

Tàtari, finzas a su 10 de su mes”e arbili, Sosushi, “Onirica” – mostra fotografica de Patrizia Cau

Tàtari, Palazu de citadi, “Un nuovo cinema per l’ambiente2

Sarròccu, Iscuola primaria, Rassigna “Teatro Ragazzi”

Casteddu, 17.30, Mediateca de su Lazzaretto de Sant’Elia, cursu de imparu po chistionai de “Pedofilia e maltrattamenti sui bambini”

Serrenti, 17.30, ex Mattatoiu comunali, “Ernesto Che Guevara. Uomini e rivoluzioni”

Casteddu, 17.30, Bibblioteca, comunali Pirri, presentada de su liburu “Tranquillo come una salma”

Casteddu, 20.00, Cineworld, “La Sonnambula” de Vincenzo Bellini in differita de su Teatru Lirico de Casteddu

Casteddu, 20.30, via Monte Santo 28, rassigna “Sante Ragioni – peccato non discuterne”

Nùgoro, 21.00, Teatru Eliseo, “Cose che mi sono capitate”

Casteddu, 21.30, Canone Inverso, “Boss’n'Jazz” – concertu

Ex miniera de Futtèi. Petizioni po pediri s’agiudu de sa Regioni. Gig "No est atesu su sciàsciu de ambienti"

Pubblicau su 22/03/2010 a is 17:12 in Ambienti | 0 cummentus
Argumentus: movimentus

(IlMinuto) – Casteddu, 22 de su mes”e marzu – “Tui puru podis donai s’agiudu tuu a manera chi su territoriu de su comunu de Futtèi (…) pozat essi bonificau e pozat essi scongiobau su perígulu de un’avelenamentu de totu sa regioni”. Est cantu scrint in Facebook is aprontadoris de una petizioni, destinada a su presidenti de sa Giunta regionali e a s’assessori de s’”Industria”, po pediri sa bonífica de s’ex miniera de Futtèi. “Puru tui – acrarant – podis agiudai in modu cuncretu sa batalla de is ex minadoris de sa Sgm oi in cassa ‘e integrazioni, chi de 18 diris ocupant una saba de su Palazu regionali in Casteddu, in viale Tranto”. Su documentu, indirizau a Cappellacci e Angioni, dimandat ca is minadoris de sa Sardinia Gold Mining siant impitaus is atividadis de bonífica de su situ e in su cambiamentu de area in d’una “risorsa noa economica e de traballu”.
In su situ chi aghillit s’ex miniera de oru – acrarat su ‘Gruppo di Intervento Giuridico’ – “ddoi est su perígulu de sciàsciu a s’ambienti. Scéti grazias a s’impreu de is traballantis lissenziaus de sa sociedadi mineraria s’est evitau in extremis un’arriunu mannu po s’ambienti. Finzas a candu? E su presidenti de sa Regioni Ugo Cappellacci aundi est? Pruscatotu, ita at fattu po evitai sa cosa?”.
“S’arriscu chi su cianuru, s’arsénicu e ateras sustànzias bessant a foras impestendi s’arriu Santu Miali e is cundotas chi portant s’àcua in su Campidanu e in Casteddu – acrarat sa consillera provinziali de su Prc, Simona Lobina – est sempiri prus cuncretu”.

Sa petizioni: www.subarralliccu.officinevida.eu

Time in Jazz XXIII. Fresu: "Música po respirai impari"

Pubblicau su 22/03/2010 a is 15:56 in Cultura | 0 cummentus
Argumentus: música

(IlMinuto) – Casteddu, 22 de su mes”e marzu – Torrat Time in Jazz. De su 10 a su 16 de su mes”e austu su festival imbentau e dirigiu de Paolo Fresu at a biri sa participazioni de Belchidda e de aterus logus de su Logudòro e de sa Gallùra.
“Una cida de música (e no scéti) – est nau in d’una nota – de su mangianu a tradu mannu ‘e noti, in logus e ispazius diferentis, de is crésias de su satu a is boscus de su Limbara, cun su palcu mannu in Prazza “del Popolo” in Belchidda po aghilliri comenti sempiri is concertus de su merì”. In su programma 2010 ddoi funt nòminis importantis comenti: Ornette Coleman, Ralph Towner, Enrico Rava, Mario Brunello, Dhafer Youssef, Enrico Pieranunzi.
Comenti sempiri su Festival at a tenni unu tema chi ddu rapresentat. Arribbau a sa XXIII edizioni, Time in Jazz sighit in su sinnu de s’ària su ciclu de cuatr’annus dedicau a is cuatru elementus naturalis e cumenzau s’annu passau cun s’àcua.
“De su 1998 – acrarat Paolo Fresu – annu de sa nàscida sua, su festival no s’acuntentat de consumai scéti música, ma arziat custu linguàgiu a istrumentu po comunicai in modu biu.
Cun su passai de is annus – precisat su jazzista – si seus acataus de cantu sa música e su jazz movit is ànimus e is cuscénzias. Time in Jazz no est diventau scéti unu momentu po consumai música bella, ma est pruscatotu unu momentu po dda respirai cun is aterus. Própriu comenti si respirat s’ària.

Proposta de lei Schirru (Pd): "Nudda pensioni de "reversibilità" a chini bocit su maridu o sa mulleri"

Pubblicau su 22/03/2010 a is 15:25 in Política | 0 cummentus
Argumentus:

(IlMinuto) – Casteddu, 22 de su mes”e marzu – Chini bocit su maridu o sa mulleri at essi escludiu de su diritu de pigai sa pensioni de “reversibilità”. Est cantu previdit sa proposta de lei presentada de sa parlamentari sadra de su Pd, Amalia Schirru, a pustis de unu fatu de crònaca contau de sa trasmissioni “Mi manda Rai Tre”. “Sa puntada de su 13 de su mes”e marzu – si podit ligiri in d’una nota – iat biu comenti protagonista sa giòvana nugoresa Vanessa Cardia; su babbu de custa iat difatis otentu de s’Inpdap, pighendidda a issa, sa pensioni de “reversibilità” de sa mulleri chi at bociu in su 1998″.

Spricullítu Almalaurea. Universidadi de Casteddu: scéti su 30 po centu de is laureaus traballat a pustis de un’annu de is istudius

Pubblicau su 22/03/2010 a is 14:28 in Imparu | 0 cummentus
Argumentus: universidadi

(IlMinuto) – Casteddu, 22 de su mes”e marzu – A pustis de un’annu de is istudius, scéti su 30 po centu de is laureaus de s’Universidadi de Casteddu – contra a sa média nazionali de su 42% – at agatau traballu. Est cantu narat su XII Raportu de Almalaurea fueddendi de su traballu de is laureaus italianus. Sa parti prus manna de is laureaus no si firmat a sa laurea de primu livellu: in s’Ateneu de Casteddu su 69,8% de is istudiantis sceberat difatis de sighiri a studiai po arribbai a sa laurea specialistica.

Irs e Sni narant no a is "duas línguas sadras" de sa Provìnzia de Casteddu

Pubblicau su 22/03/2010 a is 13:15 in Política | 0 cummentus
Argumentus: sardu

(IlMinuto) – Casteddu, 22 de su mes”e marzu – “Duas línguas: un’ammàchiu”. Cun custus fueddus s’Irs giudicat cussu chi at fattu sa provìnzia de Casteddu de aprovai una “norma de sa scritura de sa varianti de su sardu ‘e meridioni (“Arregulas po ortografia, morfologia e fueddus de sa norma campidanesa de sa lingua sarda”), cun s’arrisurtau – precisat unu comunicau de s’Irs – de bolli cumpartiri sa língua sadra in duas línguas, bias in manera arbitrària cometi ‘campidanesu’ e ‘logudoresu’”. Bullat sa delíbbera puru su cordinadori nazionali de Sardigna Natzione, Bustianu Cumpostu. “Partendi de su datu legislativu de tutela de sa língua sadra in duas línguas diversas e contrapostas”.
Po sa chistioni de sa língua sa conc”e sa Provìnzia tenit puru su pesu de su mancau impreu de su diani de 482. Mancau impreu – precisat Irs – “Chi no si podit giustificai,mancau impreu de una summa meda manna de dinai donada de su stadu italianu po sa língua sadra (367.000,50 eurus in su 2005, 149.000,25 in su 2006, 30milla in su 2007 otentus cun sa lei 482/1999).

"Sa Pompia". Su candíu de Thiniscòle a sa cunchista de is mercaus mundiallis

Pubblicau su 22/03/2010 a is 12:23 in Cultura | 0 cummentus
Argumentus: massaria

(IlMinuto) – Casteddu, 22 de su mes”e marzu – “Pompia”: est custu su nòmini de un’agrùmini meda mannu, légiu e deformi, de orígini disconnotas, coltivau de séculus in su satu de Thiniscòle. De su frutu connotu comenti “Citrus Mostruosa” – chi arribbat a pesai puru 700 grammus – si faint, grazias a is rezetas passadas de boxi in boxi, s’omónimu druci, unu candíu meda mannu, e unu licori digestivu. Su candiu, arregalu de coia meda disigiau, podit essi allogau po annus aciufau in su mebi “millefiori” de su logu. Custu est unu prodotu unicu, de promovi e de fai connosci in Sardigna e in su mundu. Cun cust’obbietivu sàbudu passau, in s’Àula Magna de s’Istitutu Ténnicu Cumerciali “Luigi Oggianu” de Thiniscòle, s’est tentu unu cunvegnu aprontau de sa Pro loco de sa bidda. Atóbiu chi at biu sa participazioni de s’assessori de s’”Agricoltura” de Nùgoro, Franca Carroni, e Marco Caredda de s’Item de Nùgoro. “Is massajus de custu frutu – acrarat una nota – si lamentant po s’ausenzia de agiudu de parti de sa Regioni e de Parti de s’Italia”, ma, grazias a s’impignu de un’imprendidora de su logu, Francesca Pau, su prodotu cuminzat a essi presenti in is Fieras internazionalis. Tra no meda tempus Pau at a portai “Sa Pompia” in San Pietroburgu e in sa Fiera Internazionali de Bucarest, in su mes”e totussantus.

Parcu Archeológicu de is Fenicius. Onida e Tocco: "Necessàriu s’arreconnoscimentu de sa Giunta regionali"

Pubblicau su 22/03/2010 a is 09:40 in Política | 0 cummentus
Argumentus: arti

(IlMinuto) – Casteddu, 22 de su mes”e marzu – Poita su Progetu Phoenix diventit realidadi est necessàriu ca sa Giunta arreconnoscat legalmenti su Parcu Archeológicu de is Fenicius. Est cantu s’est nau in is diris passadas in d’un’atóbiu tra su presidentis de sa provìnzia de aristanis, Pasquale Onida, de sa provìnzia de su Campidanu de Mesu, Fulvio Tocco, e de is síndigus de Guspini, Àrbus, Acidrànu, Santa Justa, Crabas e Aristanis.
Sa cosa previdit s’agiudu de su sistema de is “Enti locali” – cun sa creazioni de unu cumitau ténnicu-operativu – de is Universidadis de Tàtari, de Casteddu e de sa “Soprintendenza” Archeológica chi, assotilladas in d’unu cumitau iscietificu, “torrint a modulai su progetu originàriu”.

Belchidda: totu prontu po sa IX edizioni de su "Rally dei Nuraghi e del Vermentino"

Pubblicau su 22/03/2010 a is 08:44 in Sport | 0 cummentus
Argumentus: manifestada

(IlMinuto) – Casteddu, 22 de su mes”e marzu – Est arribbau a sa IX edizioni su “Nuraghi e del Vermentino” de Belchidda. A pagus diris de s’obertura de is iscrizionis funt giai medas is scuadras de sa Sardigna, de sa Liguria, de su Piemonti e de sa Lombardia, chi ant addiriu a s’eventu: tra is aterus, ant cunfirmau sa própriu participazioni Sergio Morabito e Tania Gaivan. Tra sàbudu 17 de su mes”e arbili (tucada a is 18.00 in prazza de Popolo) e domìnigu 18 is team s’ant a cunfrontai in otu proas. In pàliu puru su “Trofeo Matteo Mannazzu”, po su mellus curridori, e su “Trofeo Pasquale Pianezzi”, riservau a su pilotu prus giòvanus.

Apuntamentus de oi

Pubblicau su 22/03/2010 a is 07:36 in Cultura | 0 cummentus
Argumentus:

(IlMinuto) – Casteddu, 22 de su mes”e marzu -