> 2010 mes’e marzu 24 | ilMinuto

Archíviu de sa diri 24/03/2010

Apuntamentus de cras 25 de su mes”e marzu

(IlMinuto) – Casteddu, 24 de su mes”e marzu -

 

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

Casteddu, finzas a su 27 de su mes”e marzu, Galleria “Sotto piano Beaux Arts” – “Riflessioni e stati d’animo in quattro grandi lavori” – mostra de is òperas de Flaviano Ortu

Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

Casteddu, finzas a su 7 de su mes”e arbili, Teatru Civicu de Casteddu ‘e susu mostra “Ovolando” – ous de collezioni

Terràrba, finzas a su 26 de su mes”e marzu, Círculu culturali d’arti Prometeo, mostra colletiva de pintura “Paesaggi di guerra”

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

Casteddu, finzas a su 4 arbili THotel, mostra collettiva “Carta al T”

Casteddu, finzas a su 28 de su mes”e marzu, Cittadella dei Musei, “vietato non toccare” – mostra sensoriali

Aristanis, finzas a su 31 de su mes”e marzu, mostra “Una vita da rockstar” de Ilaria Corda

Casteddu, finzas a su 31 de su mes”e marzu, Gallery Caffè, mostra “Una vita da rockstar” de Ilaria Corda

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

Nùgoro, finzas a su 26 de su mes”e marzu, Caffè Tettamanzi, mostra personali de Nicolina Carta

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

Casteddu, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

Casteddu, finzas a su 27 de su mes”e marzu, Mk Spazio Cultura, mostra personali de Gianvittorio “Corallo e Artigianato sardo”

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

Casteddu, finzas a su 31 de mes”e marzu, Cineworld, proiezioni de su film “Distanze” de Pierfrancesco Zappareddu

Cuartu Sant’Alèni, finzas a su 30 de su mes”e marzu, Liceu Artisticu Brotzu, mostra “Poveri ma(il) belli” – si podit bisitai in orariu de iscola de is 8 a is 14

Tàtari, finzas a su  10 de su mes”e arbili, Sosushi, “Onirica” – mostra fotografica de Patrizia Cau

Tàtari, finzas a su 9 de su mes”e arbili, “La settimana santa a scoperta dei tesori d’arte e della confraternita”

Casteddu, finzas a su 27 de su mes”e marzu, Centru comunali d’Arti e Cultura “Il Ghetto”, mostra Marc Chagall “il veggente di Vitebsk

Casteddu, finzas a s’11 de su mes”e arbili, Palazu de Citadi, Cida Santa – mostra de ispratas sacrus de is cunfrarias

Casteddu, finzas a su 2 de su mes”e arbili, ispetàculu po is istradas de su “Processo a Gesù” in is cuarteris de Casteddu

Serdiana, Iscuola Primaria, ispetàculu de sa cumpangia “Teatro del Vento”

Casteddu, associazioni Itzokor, dibbàtidu po chistionai de “Energie rinnovabili e forma architettonica”

Casteddu, Saba Cosseddu, cuferéntzia po chistionai de “Ornamenti e gioielli medievali provenienti dagli scavi del Nord Sardegna”

Casteddu, 10.30, Ridotto de su Teatru Massimo, ispetàculo po pipius – andat in iscena “L’usignolo”

Casteddu, 11.00. Teatru Lirico, “Zitti, zitti… piano, piano”

Casteddu, 17.30, Mediateca de su Lazzaretto de Sant’Elia, cursu de imparu po chistionai de “Pedofilia e maltrattamenti sui bambini”

Casteddu, 16.00,  Ispedali Binaghi, ispetàculu de su “Processo a Gesù” in is cuarteris de Casteddu

Casteddu, 16.30, Bibblioteca de su Cuarteri Regina Elena, “Canta e il cervo”

Casteddu, 16.30, saba cuferéntzia de sa Bibblioteca regionali, presentada de su liburu “La Carta del Giudice cagliaritano Orzocco Torchitorio”

Casteddu, 17.00 (repitu a is 21.00), Teatru Massimo, “I giganti della montagna”

Sarròccu, 18.00, Tzda, Riuione de s’Irs

Casteddu, 18.30, Libbreria Murru, presentada de su liburu “Partigiane del genoma” de Luisa Corimbi

Tèmpiu, 21.00, Teatru de su Carmine, “Cose che mi sono capitate”


Cuartu Sant’Alèni
, 22.00, Fbi, ispetàculu de su duu cómicu “Pozzoli & DeAngelis”

Meixina: Sosdesease.it abbàtit is barrieras lingisticas tra maladius e patologias

(IlMinuto) – Casteddu, 24 de su mes”e marzu – Abbàtiri is barrieras linguisticas chi no permitint de isfrutai beni sa poténzia de Internet po imparai, cunfrontai e connosci esperiénzias in dognia tipu de patologia in totu su mundu, o casi.
Est cantu permitit de fai su progetu Sosdesease.it de sa Econfidence (azienda chi s’agatat in su Parcu Scientificu e Tennologicu de sa Sardigna, in Pula): seti portalis nazionalis de patologias (Usa, Giaponi, Germania, Gran Bretagna, Francia, Italia, Spagna) in cincu línguas.
“Custu at a permiti a dogniunu – scriri s’amministradori Sandro Laconi in d’una nota pubblicada in su situ www.sardegnaricerche.it - de agatai cussu chi circat in sa própriu língua (…) e de chistionai cun is maladius de aterus logus chi tenit sa própriu maladia lindepinta”.

Tàtari: annullau su sit in de is abitantis de s’ex asilu de via Bottego. Primas arrespustas de Palazu Ducale

(IlMinuto) – Casteddu, 24 de su mes”e marzu – Primas arrespustas de su Comunu de Tàtari a is abitantis de s’ex asilu de via Bottego, in su cuarteri de Latte Dolce in Tàtari. In sa diri de martis s’est tentu un’atóbiu in Palazu Ducale a sa presénzia de s’assessori a is “Politiche per la Casa”, Nicola Sanna, de s’assessori de s’”Ambiente”, Francesco Sircana, de un’ambasciada de abitantis de su logu, de Pietro Serra (Gc) e de su consilleri comunali Antonello Sassu.
In s’atóbiu s’est fattu su bilànciu de sa cosa circhendi un’acórdiu tra s’amministrazioni comunali e is abitantis de s’asilu. Po is diris chi benint esti stetiu programmau un’interventu de bonífica, chi at essi precediu de una bisita de s’assessori de s’”Ambiente”.
In sa reunioni, is residentis de s’ex asilu ant arregordau is cundizionis de vida meda malas chi ddus acumpangiant de annus: no scéti infiltrazionis de àcua in is fius eletricus, sciarrocus de is murus e sórigas aintru ‘e domu, puru genti chi depit andai a pigai s’àcua in is funtanas e chi dda depit callentai cun sa luxi de su soli.
“Seus satisfaus de s’esitu de su vertici de martis a merì – afirmat in d’una nota Pietro Serra de Gioventù Cristiana – e immoi abetaus s’agiudu de su Comunu. Po gióbia eus decidiu de annullai su sit-in a facc”e su Palazu Ducale, ma no bollit nai ca no eus a acastiai asuba de custa tragédia de via Bottego e via Nobile”.

A Manca in cungressu. S’organizazioni puntat a su "rexinamentu in is comunidadis"

(IlMinuto) – Casteddu, 24 de su mes”e marzu – Terzu cungressu nazionali po A Manca pro s’Indipendentzia. S’organizazioni comunista e indipendentista donat apuntamentu a is iscritus “militantis” po su 27 e su 28 de su mes”e marzu in Nùgoro, in sa sedi de via Aurelio Saffi. Is militantis – acrarat in d’una nosta su Diretivu políticu nazionali – “ant essi impignaus a fai su bilànciu críticu de is atividadis chi si funt tentas a cumenzai de su mes”e argiolas de su 2008 (data de s’últimu cungressu) e a discútiri is diversas propostas cungressualis e is contribbutus chi benint de s’area de is iscritus “sustenidoris”. In is annus chi benint s’organizazioni puntat a costruiri “unu cuncretu rexinamentu in is comunidadis de su progetu socialista e indipendentista de scioberu democraticu, unu progetu diversu de su sciàsciu chi s’ant impostu 150 annus de zerachia economica, giuridica, política e culturali italiana”, chi fazat diventai operativa “sa línia anticolonialista ‘de is citadis a is periferias’”.

Stracquadanio (Pdl) in su canali La 7: in Sardigna una centrali nucleari po fruniri a s’Alcoa. De Cappellacci dúbbius de pagu contu

 

(IlMinuto) – Casteddu, 24 de su mes”e marzu – “S’amigu miu Cappellacci tenit calincunu dúbbiu (po su fàbbricu de una centrali nucleari in Sardigna, ndr), perou su Presidenti de sa Sardigna narat custa cosa comenti si fessat una cositedda de pagu contu. Ingúnis eus tentu una chistioni meda séria: s’Alcoa, azienda meda importanti (…) in custu momentu in Sardigna. S’Alcoa est in manigius cun su Guvernu, chi est ammostendi una firmesa meda manna po podi salvai is postus de traballu. Sa produzioni de s’azienda tenit bisóngiu de unu consumu artu de energia (…). Si podeus tenni una produzioni de energia acanta est mellus, in prus su nucleari tenit bisóngiu de àcua meda”. Cun custus fueddus, naus ariseru in su cursu de sa trasmissioni de su canali la 7 “Regionando”, su deputau de su Pdl, Giorgio Stracquadanio, at pigau una posizioni po sa chistioni de sa decisioni de is logus aundi poniri is centralis nuclearis bófias de sa majoria de is parlamentaris de centru-destra. Su políticu de sa Lombardia, chi fait parti de sa “Commissione Affari Costituzionali”, collegat su mantenimentu de is atividadis de s’Alcoa de Portovesmi a su fàbbricui de una centrali nucleari in s’Isola, giudichendi “de pagu contu” cantu nau de su Presidenti de sa Regioni Sardigna candu at chistionau de cust’argumentu.
“Sceberai su nucleari po una parti de is consumus de energia – acrarat su deputau de centru-destra de sa Regioni Lombardia – esti stetia un’iscera fatta de sa majoria de su guvernu. Custa esti stetia una proposta meda clara a is eletoris primu de sa campagna de is elezionis (…). Si Salvini (rapresentanti de sa Lega Nord presenti po su dibbàtidu in televisioni, ndr) narat ca sa Lombardia, su Venetu, su Piemonti andant ainnàntis cun s’energia de cussus ‘e totu narant duas cosas beras: funt is territorius aundi ddoi est su prus artu consumu de energia e duncas, si giai produsint po cussas ‘e totu, forsis no est su casu de poniri is centralis in cussus logus, po unu motivu meda simpli: s’energia depit essi distribbuia e in su cursu de custa divisioni ‘s’energia si perdit’”.