> Massaria: 46,5 millionis de eurus po is Cunsórzius de bonífica | ilMinuto

Massaria: 46,5 millionis de eurus po is Cunsórzius de bonífica

(IlMinuto) – Casteddu, 31 de su mes”e marzu – “Mai comenti oi sa Regioni bollit agiudai is Cunsórzius de bonífica cun d’una summa importanti, abetendi de fai unu pianu de riforma sériu chi torrit a donai a is entis is fainas giustas e chi assegurit a su mundu de sa massaria serbízius giustus, primu tra totus su préziu de s’àcua”. Est cantu at afirmau s’assessori de s’”Agricoltura”, Andrea Prato, cummentendi sa decisioni de sa Giunta de donai 46,5 millionis de eurus po is Cunsórzius de bonífica: 31,5 ant essi pigaus po sa cura de is òperas de bonífica e po sa gestioni de is impiantus e de sa reza. Aterus 15 ant essi impitaus po fai is traballus previdius de su Pianu regionali de Bonífica.

© RIPRODUZIONE RISERVATA

0 Arrespustas a “Massaria: 46,5 millionis de eurus po is Cunsórzius de bonífica”


Is cummentus funt serraus.