> 01 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 1/04/2010

Mostras e eventus de su 2 de su mes”e arbili

(IlMinuto) – Casteddu, 1 de su mes”e arbili -

 

 

 

 

 

 

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

Casteddu, finzas a su 13 de su mes”e arbili, Galleria d’arti “La Bacheca” – “Faces” – aparada de Carmen Laurio

 

Casteddu, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 

Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 6 de su mes”e arbili, ex Liceu Artisticu, mostra de pintura de Francesco Argiolu e Paolo Demontis

 

Casteddu, finzas a su 7 de su mes”e arbili, S’Umbra Progetus Fotograficus, mostra “Cagliari senza chiedermi un perché”

 

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 

Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 


Casteddu
, finzas a su 7 de su mes”e arbili, Teatru Civicu de Casteddu ‘e susu mostra “Ovolando” – ous de collezioni

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 

Casteddu, finzas a su 4 arbili THotel, mostra collettiva “Carta al T”

 


Nùgoro
, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine

 

Biddanòa Forru
, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 


Casteddu
, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 


Cuartuciu
, finzas a su 20 de su mes”e làmpadas, Domusart, mostra archeológica “Luce sul tempo

 

Casteddu, finzas a su 31 de mes”e marzu, Cineworld, proiezioni de su film “Distanze” de Pierfrancesco Zappareddu

 


Tàtari
, finzas a su 10 de su mes”e arbili, Sosushi, “Onirica” – mostra fotografica de Patrizia Cau

 

Tàtari, finzas a su 9 de su mes”e arbili, “La settimana santa a scoperta dei tesori d’arte e della confraternita”

 

 
Casteddu, finzas a s’11 de su mes”e arbili, Palazu de Citadi, Cida Santa – mostra de is pratas sacras de is cunfrarias

 

Casteddu, finzas a su 2 de su mes”e arbili, rapresentazioni de su “Processo a Gesù” in is cuarteris de Casteddu

 

Nùgoro, finzas a su 7 de su mes”e arbili, Caffè Tettamanzi, mostra fotografica de Salvatore Madau

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 


Casteddu
, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 


Casteddu
, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

Stampaxi: assembrea pùbblica de Urban Center po salvai su campixeddu de via Fara de su ciumentu: Su comitau: "Eus a firmai su sbàlliu de s’amministrazioni comunali"

(IlMinuto) – Casteddu, 1 de su mes”e arbili – “S’isvilupu de sa citadi no podit essi lassau in is manus (…) de sa lógica de ‘Mercau’”. Aici su comitau Urban Center “po sa melloria de sa vida in s’area metropolitana” cummentat s’aprou de parti de su Consillu comunali de su 30 de su mes”e marzu de su pianu precisu de recúperu de Stampaxi. Unu pianu chi previdit su cumprimentu de parchegius, butegas e domus in s’area tra Santa Margherita e via Fara (aundi ddoi furiant domus fattas sciusciai in su 1994 de sa Giunta Delogu): no at essi “arresparmiau” nemmancu s’istoricu campixeddu de via Sant’Anna, meda amau de sa genti de Stampaxi”.
Is abbitantis de su cuateri – segundu cantu previdit un’odg de su Pd aprovau de su Consillu – ant a depi abetai e s’ant a depi acuntentai de su cumprimentu de unu fàbbricu sportivu nou in via Cammino Nuovo. Su Comitau Urban Center no tenit perou intenzioni de mollai sa cosa. “Cun su pianu de recúperu de Stampaxi – si ligit in d’una nota pùbblicada in su situ de su Comiatu – sa ‘tuva libberisca’ de Via Fara at a benni in parti donada a su cumprimentu de domus noas, de aposentus po su cumérciu e po is artesanus, e no est finia innoi, at essi donada puru po parchegius. Bolleus fai cantu possíbbili po evitai a s’amministrazioni comunali de fai erroris incendiendusì in modus e in scioberus chi funt cun craresa sballiaus, in su métodu e in su méritu”.
“Po custu motivu – concluint – promoveus a is 17 de martis 6 de su mes”e arbili un’assembrea pùbblica in sa prazza de su Camino Nuovo”.

Su Postale: a iscola de sadru in su bus de sa Prvìnzia de Aristanis

(IlMinuto) – Casteddu, 1 de su mes”e arbili – In sa Provìnzia de Aristanis sa língua sadra viagiat in pullman: “su Postale de sa limba sarda”. Su bus, dispostu po s’ocasioni, at a fai unu tour tra is comunus chi ant addiriu a su progetu. Aintru de su bus, is operadoris de S’Ufíciu de sa língua e de sa cultura sadra de sa Provìnzia ant a fai biri a is prus giòvanus is materialis de imparu de sa língua sadra, de is normas nazionalis e internazionalis po sa tutela de is minorànzias linguisticas e de s’istoria medievali sadra (donendi prus atenzioni a su Giudicau de Arborèa).
Sa cosa esti stetia presentada in is diris passadas de su Presidenti de sa Provìnzia, de is rapresentantis de s’Ufíciu e de sa sezioni “Promozione” de s’amministrazioni provinziali.
Su calendàriu at essi pùbblicau in su situ de sa Provìnzia e in cussu de s’Ufíciu de sa Língua e de sa Cultura Sadra (www.dischente.or.it).

Si podint cumenzai is traballus po s’ammanniamentu de sa disgàrriga de su Siccesu. Schirru (Pd): "Sa Giunta regionali est surda"

(IlMinuto) – Casteddu, 1 de su mes”e arbili – “Est craru ca sa Giunta regionali est surda in is cunfrontus de is dimandas de d’Unioni de is comunus e de s’amministrazioni provinziali ‘e totu chi pedint impari s’arrefudu a su permissu po s’ammanniamentu de sa disgàrriga”. Est cantu afirmat sa parlamentari de su Pd, Amalia Schirru, cummentendi su permissu donau de sa Giunta po s’ammanniamentu de sa disgàrriga de su Siccesu in su territoriu de su comunu de Serdiana.
“S’abbisóngiu prus importanti – acrarat s’esponenti democratica – iat  essi cussu de programmai is diversas azionis po fai in modu ca su muntoni de s’àliga bengat sprazia in su territoriu provinziali senz”e pesai sempiri in is próprius logus”.
“Iat essi stetia bella – precisat Schirru – un’azioni forti de parti de sa Giunta in is cunfrontus de sa Soziedadi Ecoserdiana, po donai seguresas prus fortis in matéria de gestioni de su situ, agiudendi diadérus is amministrazionis interessadas”.

Sciénzia: in S’Alighera cunvegnu po chistionai de su Dna de procus e sirbonis

 

(IlMinuto) – Casteddu, 1 de su mes”e arbili – S’istudiu de su Dna de su procu e de su sirboni (Sus scrofa) comenti crai po istudiai su cambiamentu e sa biodiversidadi de is tipus masedus e arestis de custa raza.
At essi custu su tema de su cunvegnu “Genomics of Pig (Sus Scrofa): evolution and diversity” in programma su 7 de su mes”e arbili in “Porto Conte Ricerche” (S’Alighera).
Su cunvegnu – si ligit in d’una nota pubbricada in su sito de sa Regioni Sardigna – est aprontau de su “Dipartimento di Zoologia” de s’Universidadi de Tàtari e de su “Dipartimento di Scienze animali” de s’Universidadi de s’Illinois.