> 02 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 2/04/2010

Mostra e eventus de custu fin”e cida

(IlMinuto) – Casteddu, 2 de su mes”e arbili -

 

 

 

 

 

 

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

Casteddu, finzas a su 13 de su mes”e arbili, Galleria d’arti “La Bacheca” – “Faces” – aparada de Carmen Laurio

 

Casteddu, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 

Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 6 de su mes”e arbili, ex Liceu Artisticu, mostra de pintura de Francesco Argiolu e Paolo Demontis

 

Casteddu, finzas a su 7 de su mes”e arbili, S’Umbra Progetus Fotograficus, mostra “Cagliari senza chiedermi un perché”

 

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 

Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 


Casteddu
, finzas a su 7 de su mes”e arbili, Teatru Civicu de Casteddu ‘e susu mostra “Ovolando” – ous de collezioni

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 

Casteddu, finzas a su 4 arbili THotel, mostra collettiva “Carta al T”

 


Nùgoro
, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine

 

Biddanòa Forru
, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 


Casteddu
, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 


Cuartuciu
, finzas a su 20 de su mes”e làmpadas, Domusart, mostra archeológica “Luce sul tempo

 

Casteddu, finzas a su 31 de mes”e marzu, Cineworld, proiezioni de su film “Distanze” de Pierfrancesco Zappareddu

 

Tàtari, finzas a su 10 de su mes”e arbili, Sosushi, “Onirica” – mostra fotografica de Patrizia Cau

 

Tàtari, finzas a su 9 de su mes”e arbili, “La settimana santa a scoperta dei tesori d’arte e della confraternita”

 

 
Casteddu, finzas a s’11 de su mes”e arbili, Palazu de Citadi, Cida Santa – mostra de is pratas sacras de is cunfrarias

 

Casteddu, finzas a su 15 de su mes”e arbili, Mk Spazio Cultura, mostra de pintura de Giuseppe Bosich
 


Nùgoro, finzas a su 7 de su mes”e arbili, Caffè Tettamanzi, mostra fotografica de Salvatore Madau

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 


Casteddu
, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 


Casteddu
, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

Nucleari: "duellu cun líteras" in su web tra sa scritora indipendentista Murgia e su senadori Pdl Massidda

(IlMinuto) – Casteddu, 2 de su mes”e arbili – Is afirmaduras televisivas de su parlamentari de su Pdl Giorgio Stracquadanio po su possíbbili fàbbricu de una centrali nucleari in s’Isola no ant concuistau is primus pàginas de is giornalis sadrus, ma in su web s’est obertu unu dibbatidu chi at interessau s’autora de “Il mondo deve sapere” Michela Murgia e su senadori berlusconianu Piergiorgio Massidda, possíbbili candidau de su centrudestra a sa presidénzia de sa Provìnzia de Casteddu in is elezionis de su 30 e de su 31 de su mes”e maju.
A su primu fueddu de s’esponenti de su Pdl in su própriu blog (“Stimau Stracquadanio, innoi su nucleari no ddu bolleus”, piergiorgiomassidda.blogspot.com) est sighiu unu post (michelamurgia.altervista.org) aundi sa scritora – chi est contra a su nucleari – at fattu connosci cussu chi iat nau tempu primu su políticu paulesu, est a nai is afirmaduras in favori de s’àtomu.
S’arrespusta de su senadori no s’est fatta abetai: “Deu – at acrarau – no seu contràriu a su nucleari in Sardigna po mori de timorias de pipialla chi sa sciénzia at ammostau essi senz”e motivu, ddu seu poita tengu una bidea diversa de su modellu de isvilupu de s’Isola mia”.
Sa bincidora de su Prémiu Dessì, indipendentista chi est acanta a is pensus de s’Irs, at arramaciau cun cussu chi at nau in matéria de nucleari una conca manna de sa sciénzia: “No cundividu s’opinioni chi tenit fustei po su nucleari (…) po su própriu motivu ispiegau de su físicu e prémiu Nobel Carlo Rubbia: su nucleari est fundau asuba de fontis chi funt spaciendi, est tennicamenti passau, impestat in modu senz”e torrada e oi tenit unu raportu prézius-benefízius chi no si podit afrontai si cunfrontau cun is ateras fontis diaderus límpias, comenti cussa de su soli”.

Ambienti: in Tàtari una cida dedicada a su rispàrmiu de s’energia in s’edilizia

(IlMinuto) – Casteddu, 2 de su mes”e arbili – Promòviri su rispàrmiu de s’energia in s’edilizia. Cun custu s’obbietivu su Cumunu de Tàtari at aprontau duus apuntamentus in s’iscola Edili, in sa zona industriali de Predda Niedda.
De su 6 a su 10 de su mes”e arbili s’istrutura at aghilliri unu workshop cun sa participazioni de 24 aziendas de su cumpartu (is stand ant a podi essi bisitaus, senz”e pagai, de su 7 a su 10 de su mes”e arbili, de is 9.30 a is 13.00 e de is 16.00 a is 19.00).
Cenàbara 9 de su mes”e arbili, in sa saba cuferénzias de s’Iscola edili, s’at a tenni unu seminàriu po ténnicus, libberus professionistas, traballantis de is pùbblicas amministrazionis, amministradoris de su territoriu, istudiantis de is iscolas professionalis e amantis de su tema de s’energia.
Ant essi presentadas is tennicas noas po sa produzioni de is energias rinnovabbilis e po su rispàrmiu de s’energia. S’apuntamentu at a cumenzai a is 9.30 e at a sighiri po totu sa diri, s’at a fueddai de su stadu de s’arti e de ita fai in futuru po su cumpartu.

Sardinia Mob Fest: cuminzat cun sa "libberazioni de Villa Certosa" su 25 de su mes”e arbili de su "Popolo Viola" de s’Isola

(IlMinuto) – Casteddu, 2 de su mes”e arbili – At a cumenzai cun sa rapresentazioni de sa “libberazioni de Villa Certosa” – chi at essi fatta própriu acanta de sa domu de su presidenti de su Consillu – sa cida de festa e de mobilitazioni de su “Popolo Viola” de sa Sardigna, su “Sardinia Mob Fest 2010″, in programma de su 25 de su mes”e arbili a su 2 de su mes”e maju.
“Is chistionis de s’Isola nostra e su disígiu de manifestai is bideas nostras – acrarant is aprontadoris – s’ant cumbintu de sa possibbilidadi de promovi una mobilitazioni sadra chi siat un’ocasioni po ponni impari is energias fantasiosas”.
Po meda prus de una cida, aintru de un’acampamentu de sa Sardigna de Tramuntana, s’ant a tenni concertus, dibbatidus, manifestazionis libberas e fantasiosas.
Tra is momentus prus importantis in is seti diris ddoi at essi puru sa manifestazioni-corteu contra a su nucleari, in programma po su 26 de su me”e arbili – anniversàriu de su sciàsciu de Chernobyl – in su mollu Brin de su portu de Terranòa.

Po ndi sciri de prus: www.sardiniamobfest.eu

"Sarroch Summer Groove": su 29 de su mes”e austu arribbant is Placebo

(IlMinuto) – Casteddu, 2 de su mes”e arbili – Arribbat s’”alternative rock” po s’edizioni 2010 de su “Sarroch Summer Groove”, su classicu apuntamentu de s’istadi musicali in Sardigna. Su 29 de su mes”e austu, in su Stadiu Comunali de Sarròccu, arribbant difatis is Placebo. Ant essi in sa bidda po sa primu de is unicas duas diris italianas de su stadiabi (s’atera est du 3 de su mes”e cabudanni in sa Villa Manin de Passarianu de Codroipu, in provìnzia de Udini).
Cun dexi millionis de album bendius in giru po su mundu in is ùltimus 15 annus, sa rock band ingresa arribbat po sa primu borta in s’Isola portendusì apabas s’unda de sa fortuna arregalada de “Battle for the sun”, su sestu album fattu in studiu e bessiu s’annu passau in su mes”e làmpadas, apustis de tres annus de s’ultimu traballu “Meds”. Fortuna cunfirmada de sa pubblicazioni, su mes”e passau, de su síngulu, “Bright lights” – pigau de s’album “Battle for the sun” – chi cun d’unu traballu musicali diversu cumparrit in su progetu de su tour de Brian Molko (boxi, ghitarra e tastieras), Stefan Olsdal (bassu e tastieras) e Steve Forrest (bateria).