> 2010 mes’e arbili 07 | ilMinuto

Archíviu de sa diri 7/04/2010

Mostras e eventus de s’8 de su mes”e arbili

(IlMinuto) – Casteddu, 7 de su mes”e arbili -

 

 

 

 

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

Casteddu, finzas a su 13 de su mes”e arbili, Galleria d’arti “La Bacheca” – “Faces” – aparada de Carmen Laurio

 

Casteddu, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 

Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 

Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 

Tàtari, finzas a su 16 de su mes”e arbili, ex Ispedali Rizzeddu, mostra fotografica di Robert Knoth po chistionai de sa destrossa de Cernobyl a cura de su grupu territoriali de Greenpeace

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine

 

Biddanòa Forru
, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo

 

Tàtari, finzas a su 10 de su mes”e arbili, Sosushi, “Onirica” – mostra fotografica de Patrizia Cau

 


Tàtari
, finzas a su 9 de su mes”e arbili, “La settimana santa a scoperta dei tesori d’arte e della confraternita”

 

 
Casteddu
, finzas a s’11 de su mes”e arbili, Palazu de Citadi, Cida Santa – mostra de is pratas sacras de is cunfrarias

 

Casteddu, finzas a su 15 de su mes”e arbili, Mk Spazio Cultura, mostra de pintura de Giuseppe Bosich
 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 


Casteddu
, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

"Certificate No. 000358/- il costo umano della catastrofe nucleare": in Tàtari sa mostra de Greenpeace chi chistionat de Cernobyl

(IlMinuto) – Casteddu, 7 de su mes”e arbili – Su 26 de su mes”e arbili de su 1986 unu dannu mannu in sa centrali nucleari de Cernobyl, in Ucraina, iat sciambullau cussa chi insaras furiat s’Urss, ma no scéti cussa, totu su pianeta. A 24 annus de cantu acontéssiu Greenpeace at scioberau de arregodai su fattu cun d’una mostra de fotografias chi tenit comenti títulu: Certificate No. 000358/- il costo umano della catastrofe nucleare”, in programma in s’Ispidali Rizzeddu, in Tàtari, de cras a su 16 de su mes”e arbili (de su lùnis a su sàbudu 17.30-20.30, su domìnigu 15.30-20.30). S’aparada de Robert Knoth – premiau in su “World Press Photo 2006″ – s’ammostat cun precisioni is cosseguénzias chi su sciasciu at tentu po s’ómini.
“Ancora oi – acrarat sa síntesi de su raportu de Greenpeace chi fueddat de sa cosa – millionis de personas sighint a bivi in d’un’area chi at a abarrai impestada in modu meda grai po medas annus ancora po mori de is radizionis. Is cosseguénzias radiogràficas e sanidarias de sa destrossa s’ant a intendi po séculus. Sa cosa no at pretocau scéti s’Ucraina, sa Bielorussia e sa Russia: prus de sa metadi de su Cesio 137 chi s’agatat in s’ària est arribbau in aterus logus de s’Europa, tra custus ddoi est s’Italia”.
In is fotografias ammostadas is acuntéssias personalis s’ammisturant cun is zonas abbandonadas de s’ómini e impestadas, cun is istorias de vida, de sa vida de dognia diri in is citadis e in is biddas impestadas, s’acostant a is ritratus de genti malàdia de malis causaus de is radiazionis.

Po ndi sciri de prus e po si prenotai: greenpeacegl.sassari@gmail.com

Su raportu de Greenpeace chi chistionat de sa destrossa de Cernobyl:
http://www.greenpeace.it/cernobyl/rapporto.html

Cuncursu "Ercole Olivario": s’ollu de Ittiri bincit in sa categoria "fruttato leggero"

(IlMinuto) – Casteddu, 7 de su mes”e arbili – Grandu cunchista po s’industria agrualimentari de sa Sardigna. S’ollu extravergini fattu de s’azienda Giuseppe Tore de Ittiri at difatis bintu in sa categoria “fruttato leggero” in su cuncursu “Ercole Olivario” in programma in Spoletu po sa fin”e su mes”e marzu.
Unu cuncursu meda rapresentativu po su cultivu nazionali de s’olia: ant difatis participau a is scioberus regionalis 260 ollus chi rapresentànt 17 regionis.
S’azienda de Ittiri at a podi arregordai s’arreconnoscimentu in su contra-marcu e in is indicus pubblicidarius.

"Dialoghi nulesi": a s’iscoberta de is studiu de Bentzon cun Cosimo Zene

(IlMinuto) – Casteddu, 7 de su mes”e arbili – “Dialoghi nulesi. Storia, memoria, identità di Nule nell’antropologia di F.W. Bentzon”. Est custu su títulu de su liburu de Cosimo Zene, antropologu, chi at essi presentau sàbudu in Tadasune (18.00, ‘Casa Pinna’) in ocasioni de sa rassigna “Tad’A. La magia della memoria”.
“Zene – est nau in d’una nota – proponit unu cunsidériu asuba de su “Fondo di Bentzon” allogau in s’Isre de Nùgoro. Donat luxi a s’istudiu in su campu chi s’antropologu danesu iat fattu in is annus 1965-1971 in Nùle. Unu annotu a sa sociedadi atressu música e cantu”.

Rossomori: sàbudu in Bilàrtzi su Comitau federali

(IlMinuto) – Casteddu, 7 de su mes”e arbili – “Abbisus de su segretariu po chistionai de su stadu de is circustànzias pulíticas e de is elezionis”. Est custu su prus importanti argumentu in s’odg de su Comitau federali de is Rossomori, avisau po sàbudu chi benit in Bilàrtzi (15.30, Auditorium de su comunu). Is personas de su parlaménteddu de is sardistas de sinistra ant a depi puru scioberai su tesoréri e sa “Commisione di Garanzia”.