> 08 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 8/04/2010

Pinna (Psdaz): "Destra o sinistra? S’Obbietivu est s’acrescimentu de su Partidu: sa Lega fait lezioni: Bossi in Sardigna? No grazias"

(IlMinuto) – Casteddu, 8 de su mes”e arbili – “Bossi a pustis de sa secessioni padana, at a fai puru sa secessioni sadra? A pustis de essi Alberto da Giussano bollit puru essi Mariano d’Arborea? Dilgrasciadamènti su terrenu de sa batalla indipendentista no previdit suspiduras. Su federalismu previdit ca dognia pópulu si libberit a solu”. Est cantu afirmat oi cun d’unu discursu in su situ de su Partito Sardo D’Azione Michele Pinna, maistu de filosofia, 57 annus, de sempiri diretori de s’”Istituto di Studi e Ricerche Camillo Bellieni” de Tàtari, fundau de iss”e totu in su 1089.
Su Partito Sardo D’Azione no at aghilliu beni sa nova de sa scuadra de Bossi de presentai is próprius listas a is elezionis provinzìalis sadras. “Si Bossi iat a bolli benni in Sardigna comenti indipendentista-libberadori – acrarat Pinna – naraus no grazias poita in custa matéria, de Tuveri e a pustis de custu, dutrina e istoria tenus de ndi biri e sa língua sadra nostra est meda diversa de is dialetus padanus”.
Immoi comenti immoi su Psdaz scit beni de no tenni cuncurrentis “federalistas” in sa destra. “S’alleànzia cun su centru destra – precisat s’istudiosu – iat a aumentai su poderi contratuali de su partidu sadru in is cunfrontus de is alleaus, puru sacrifichendi calincuna, assumancu in aparénzia, profetosa alleànzia territoriali a sinistra, comenti cussa de Tàtari, e comenti calincunu narat, iat a podi agiudai s’acrescimentu de su Psdaz tenedi unu nùmeru bàsciu de cuncurrentis sardistas in su centru destra. A su contràriu de su centru sinistra no si fait cunfusioni in is linguàgius sardistas”. Segundu Pinna s’alleànzia de centrusinistra iat ai difatis “incorporau Irs, Rossomori e Sardigna Natzione”.
“S’obbietivu primu – precisat – (est in custu ca sa Lega fait lezioni) destra e/o sinistra abarrat s’acrescimentu de su partidu e no po oi ma po su futuru”.

Mostras e eventus de su 9 de su mes”e arbili

(IlMinuto) – Casteddu, 8 de su mes”e arbili -

 

 

 

 

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla
 

Casteddu, finzas a su 13 de su mes”e arbili, Galleria d’arti “La Bacheca” – “Faces” – aparada de Carmen Laurio

 

Nùgoro, finzas a su 16 de su mes”e arbili, Caffé Tettamanzi, mostra po chistionai de “Salvatore Satta nell’arte di Alfonso Silba”

 

Casteddu
, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 
Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 
Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 

Tàtari, finzas a su 16 de su mes”e arbili, ex Ispedali Rizzeddu, mostra fotografica di Robert Knoth po chistionai de sa destrossa de Cernobyl a cura de su grupu territoriali de Greenpeace

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 
Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

 
Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 
Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 
Tàtari, finzas a su 10 de su mes”e arbili, Sosushi, “Onirica” – mostra fotografica de Patrizia Cau

 
Tàtari, finzas a su 9 de su mes”e arbili, “La settimana santa a scoperta dei tesori d’arte e della confraternita”

Casteddu, finzas a s’11 de su mes”e arbili, Palazu de Citadi, Cida Santa – mostra de is pratas sacras de is cunfrarias
 

Casteddu, finzas a su 15 de su mes”e arbili, Mk Spazio Cultura, mostra de pintura de Giuseppe Bosich
 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 
Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

"Aprile dell’Architettura": in Casteddu cuferénzias cun Olmo, Nieto, Sobeano e Di Battista

 

(IlMinuto) – Casteddu, 8 de su mes”e arbili –  ”Architettura e Novecento. Diritti, conflitti, valori”:  at essi custu su tema de sa primu cuferénzia de “Aprile dell’Architettura a Cagliari”. A cumenzai is apuntamentus cun istudiosus meda famosus in su mundu at essi – cras a merì a is 17.30 in s’Àula magna de via Corte d’Appello – Carlo Olmo, istudiosu de stória e présidi de sa facultadi de Architetura de su Politecnicu de Torinu de su 2000 a su 2007.
At a sighiri, martis 13 de su mes”e arbili, s’atóbiu cun Nicola Di Battista, chi tenit su títulu “Architetture per la città pubblica”. Gióbia 22 de su mes”e arbili ant a serrai sa manifestazioni is architetus spagnolus Nieto e Sobejano, cun sa cuferénzia chi tenit po tema  “Memory and Invention”.

 

Regioni: a is Comunus 30 millionis po cumbàtiri sa poberesa

(IlMinuto) – Casteddu, 8 de su mes”e arbili – Sa Giunta regionali at donau 30 millionis de eurus po “Azionis po cumbàtiri sa poberesa”. Sa summa at essi impitada – si ligit in d’una nota uficiali – po donai agiudus economicus a is personas e a is famílias de “segura poberesa”, de contribbutus po abbàtiri is costus de is serbízius necessàrius (gas, luxi, àcua) e de su finanziamentu no prus mannu de 800 eurus mesilis po podi fai funzionai is serbízius útilis a sa comunidadi.
Is 30 millionis ant essi sparzius tra is Comunus in custu modu: su 35 po centu de sa summa at essi dividiu in partis ugualis tra totus is 377 amministrazionis comunalis de sa Sardigna, un’ateru 35 po centu at essi dividiu po nùmeru de residentis e su 30 chi abarrat in proporzioni a su nùmeru de is disimperaus a su 31 de su mes”e paschixèdda de su 2008.

E-Polis: 3 diris de isciòpiru contra a su’"annou" de is cuntratus a términu. Su Cdr: "Chini est s’editori?"

(IlMinuto) – Casteddu, 8 de su mes”e arbili – Oi is ligidoris no ant a agatai in edícola “IlSardegna” e is aterus giornalis de su grupu E-Polis. Is giornalistas ant difatis sceberau de fai un’isciòpiru de tres diris – cumenzendi de ariseru – po protestai contra a s’ausenzia de annou po is cuntratus a términu.
“Ausenzia de annou” chi, in is fatus, est comenti unu lissenziamentu po is dipendentis interessaus.
“Sa crónica mancànzia de genti in E-Polis – afirmat una nota de su Comitau de redazioni – est aggravada po mori de no ai circau aterus giornalistas po tupai s’ausenzia de chini at lassau s’incàrrigu”.
“S’assembrea – de is redatoris – precisat su Cdr – espressat puru pensamentu po mori de una crisi economica sempiri prus longa a sa cali s’aciungit s’ausenzia de is capu mannus de s’azienda e sa pagu claresa chi ddoi est de meda tempus po mori de is dubbius ingíriu a is calis no si scit chini siat s’editori”.