> 09 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 9/04/2010

Mostras e eventus de custu fin”e cida

(IlMinuto) – Casteddu, 9 de su mes”e arbili -

 

 

 

 

 

 

 

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 18 de su mes”e arbili, Galleria G28, installazioni fotografica “Retrospective”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa
 

 
Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla
 

Casteddu, finzas a su 13 de su mes”e arbili, Galleria d’arti “La Bacheca” – “Faces” – aparada de Carmen Laurio

 

Nùgoro, finzas a su 16 de su mes”e arbili, Caffé Tettamanzi, mostra po chistionai de “Salvatore Satta nell’arte di Alfonso Silba”

 

Casteddu
, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 
Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 
Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 

Tàtari, finzas a su 16 de su mes”e arbili, ex Ispedali Rizzeddu, mostra fotografica di Robert Knoth po chistionai de sa destrossa de Cernobyl a cura de su grupu territoriali de Greenpeace

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 
Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 12 de su mes”e arbili, Centru comunali “Il Lazzaretto”, “Stazione temporanea dell’Iperrealismo” – mostra

 
Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 
Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 
Tàtari, finzas a su 10 de su mes”e arbili, Sosushi, “Onirica” – mostra fotografica de Patrizia Cau

 
Tàtari, finzas a su 9 de su mes”e arbili, “La settimana santa a scoperta dei tesori d’arte e della confraternita”

Casteddu, finzas a s’11 de su mes”e arbili, Palazu de Citadi, Cida Santa – mostra de is pratas sacras de is cunfrarias
 

Casteddu, finzas a su 15 de su mes”e arbili, Mk Spazio Cultura, mostra de pintura de Giuseppe Bosich
 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 
Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

Lega in Sardigna. Bota e arrespusta Sni-Psdaz. Cumpostu: "Est unu partidu coloniali". Sanna: "Nesciuna opinioni negativa"

(IlMinuto) – Casteddu, 9 de su mes”e arbili – “Su Psdaz e deu puru no eus mai tentu unu giudíziu negativu e nesciunu dúbbiu políticu in is cunfrontus de sa Lega Nord.
Ansis, su cunfrontu in matéria de riformas e de federalismu, s’at biu prus de una borta protagonistas de atividadis annuadas, impari a is leader nazionalis de su carruzu, a cuminzai de s’atuali ministru de s”Interno’ Roberto Maroni”. Est cantu at declarau ariseru in d’unu comunicau su segretariu nazionali de su Psdaz, Giacomo Sanna, arremaciendi cussa chi definit “sa presénzia de is listas de sa Lega Nord in Sardigna po is elezionis amministrativas chi benint, comenti una presénzia senz”e fundóriu e pagu oportuna”. No est de su própriu pensu Bustianu Cumpostu, cordinatori nazionali de Sardigna Natzione Indipendentzia. “Sa Lega Nord – scririt Cumpostu – presentendi is próprius listas a is elezionis provìnzialis sadras, s’at a cumportai in Sardigna comenti unu calisisiat partidu italianu. Immoi est claru ca sa Lega no est unu partidu chi cumbatit po is diritus de unu pópulu senz”e stadu ma bollit scéti is privilégius chi su Nord Italia at pigau in arregalu de unu stadu sabaudu imbentau a usu e consumu de su Nord e a dannu de su Sud, e meda de prus, de sa colónia Sardigna”.
Si Sni acusat sa Lega de colonialismu, Sanna parrit in veci tímiri sa “cuncurrénzia” de sa scuadra de Bossi. “Bideus comenti un’errori – precisat – ponni in gara, si puru aintru de sa própriu alleànzia de centrudestra in Sardigna, is listas de su Psdaz e cussas de sa Lega Nord, duas forzas políticas chi tenint comenti baloris prus importantis cussus de su diritu de is pópulus a s’autonomia e su federalismu”.
Cumpostu assignat s’isbarcu de sa Lega in Sardigna puru a is cumparziduras tra is scuadras indipendentistas.
“Si sa Lega ponit is arréxinis in Sardigna – scririt – est po mori ca ddoi est una sparzimenta meda mala. S’indipendentismu, chi tenit a immoi ses partidus, no arrennescit a propòniri a is eletoris sadrus un’isperu giudiziosu delegabbili”.
“Sni – concluit su leader indipendentista – pedit a is eletoris de negai su votu no scéti a sa Lega Nord, partidu coloniali nou, ma puru a cussus partidus ca nonostanti si declarint indipendentistas, arrefudendi alleànzias e pensus indebbilitant s’indipendentismu, e de fattu, afortiant is partidus italianus”.

Provìnzia de Aristanis: bandu pùbblicu po sa bunífica de is edifízius. Cuntribbutus finzas a 5milla eurus

(IlMinuto) – Casteddu, 9 de su mes”e arbili – In Italia s’impiegu de s’amiantu est illegali de su 1992, ma is edifízius de bunificai funt ancora medas. Cun s’obbietivu de cumpletai s’òpera de “bunífica”, sa Provìnzia de Aristanis at promòviu unu bandu po s’assignamentu a privaus de cuntribbutus a “fondo perduto” finzas a 5milla eurus po interventus de bunífica in edifízius, istruturas, butegas, atividadis cummerciallis e atividadis de is artesanus provinzialis.
Is dimandas de finanziamentu ant a depi arribbai in sa Provìnzia de Aristanis intru is 12.00 de su 20 de su mes”e maju.

Mostras: sa vida de dognia diri in is township ammostadas in is 40 fotografias de Lindeka Qampi

(IlMinuto) – Casteddu, 9 de su mes”e arbili – Khtletisla est una bidonville de unu millioni e 200milla abbitantis, in su territoriu de “Città del Capo”, in Sudafrica.
Sa fotografa Lindeka Qampi, chi bivit in sa township, nd’at immortalizau is línias prus importantis in “Daily life”: 40 fotografias chi ant essi aparadas de cras a su 26 de su mes”e arbili in is aposentus de sa Galleria “S’Umbra – Progetti fotografici”, in Casteddu.
Sa castiada de Qampi – si ligit in d’una nota  – est “meda atesu de sa bisioni lastimosa e stacada spaciada de custu arranconi de mundu”.
“A pustis de su diploma – acrarat sa fotografa – po tutu sa vida apu bendiu bistiris, própriu comenti fadiat mamma mia. Apu cumenzau a fai fotografias in su mes”e arbili de su 2006. No sciendi de cali parti cumenzai apu principiau fotografendi sa família mia (…). De insaras su progetu miu est sa vida de dognia diri, est a nai comenti bivit sa genti”.
Is fotografias de Lindeka Qampi ant essi bendidas a unu préziu abbastànzia bàsciu, po agiudadi sa connoscénzia. Sa Galleria no at a pigai dinai de is bendidas.

S’efétu de is minieras po s’ambienti e is formas de vida: Floris presentat is arrisurtaus de tres annus de istudius

 

(IlMinuto) – Casteddu, 9 de su mes”e arbili – Is minieras de sa Sardigna funt stestias po centu e cent’annus un’importanti risorsa po s’economia e po su is postus de traballu, prusetotu in is territorius de su Campidanu de Mesu. Ma cali efétu ant tentu custas atividadis po s’ambienti e po is formas de vida? A custa dimanda at a arrespundi Ignazio Floris de s’Universidadi de Tàtari, chi po tres annus at istudiau po mandai ainnantis unu spricullítu chi esaminat 38milla bobbois, 24milla tipus de meli e in prus anàlisi de su terrenu, de s’arena, de s’àcua e de su matedu. “Is atividadis de is minieras – ispiegat s’assessori provinziali Giuseppe De Fanti – ant lassau cambiamentus in s’ambienti chi imponint spricullítus de istúdiu po fai calincuna cosa po ddu torrai a sanai”.
Is arrisurtaus ant essi presentaus custumerì (17,00, Saloni Murgia in Guspini). Po s’ocasioni at essi donau unu liburu chi contat custus istúdius.