> Archive: mes'e arbili 2010 | ilMinuto - notizie Mediterranee - edizione Sardegna ilMinuto – notizie Mediterranee – edizione Sardegna

Archíviu de sa diri 12/04/2010

Mostras e eventus de su 13 de su mes”e arbili

Pubblicau su 12/04/2010 a is 17:59 in Cultura | 0 cummentus
Argumentus:

(IlMinuto) – Casteddu, 12 de su mes”e arbili -

 

 

 

 

 

 

 

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 18 de su mes”e arbili, Galleria G28, installazioni fotografica “Retrospective”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa
 

 
Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla
 

Casteddu, finzas a su 13 de su mes”e arbili, Galleria d’arti “La Bacheca” – “Faces” – aparada de Carmen Laurio

 

Nùgoro, finzas a su 16 de su mes”e arbili, Caffé Tettamanzi, mostra po chistionai de “Salvatore Satta nell’arte di Alfonso Silba”

 

Casteddu, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 
Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 
Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 

Tàtari, finzas a su 16 de su mes”e arbili, ex Ispedali Rizzeddu, mostra fotografica di Robert Knoth po chistionai de sa destrossa de Cernobyl a cura de su grupu territoriali de Greenpeace

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 
Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 
Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

 

Casteddu, finzas a su 15 de su mes”e arbili, Mk Spazio Cultura,

mostra de pintura de Giuseppe Bosich
 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 
Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

Iscola pùbblica: Ministeru annunziat unu "sagrestu" nou in Sardigna. Cobas e precarius prontus a s’isciòpiru po is scrutinus"

Pubblicau su 12/04/2010 a is 17:36 in Imparu | 0 cummentus
Argumentus:

(IlMinuto) – Casteddu, 12 de su mes”e arbili – Nuis nieddas in s’orizonti po s’istruzioni pùbblica. In d’un’atóbiu cun is sindacaus confederalis chi s’est tentu pagu tempus fait su Ministeru de s’Istruzioni at difatis annunziau un’irminorigamentu de is traballantis de 25.558 “unidadis” (fonti: www.orizzontescuola.it) po s’annu iscolasticu 2010/2011.
Custus irminorigamentus – chi castiaus is datus de su ‘Sole 24 Ore’ – ant a ferri prusatotu a sa Campania, a sa Sicilia, a sa Calabria e, ancora una borta, a sa Sardigna.
S’Isola nostra at a incassai un’atera reduzioni de is traballantis de su 5,18 po centu.
Ma po is Cobas de s’Iscola “sa partida no est po nudda finia”. “Teneus duus mesis de tempus – acrarat s’imbassadori nazionali Piero Bernocchi – po aprontai unu fin”e annu iscolastuscu meda trumbullau (…)”.
“Depeus preparai totus impari – precisat Bernocchi – a cumenzai de is precarius, is màrtiris prus mannus de custu mocidórgiu, (…), unu generali e meda trumbullau isciòpiru de is scrutinus chi firmit unu’istrópiu nou”.
In Sardigna at giai addiriu a sa cosa su “Coordinamento precari della Scuola di Oristano”. Su movimentu de protesta crescit de diri in diri puru grazias a unu grupu Facebook. “Su carnovali de is manifestazionis de is happening e de sa protesta est acabbau”, ant scritu is precarius in su social network.
“Immoi cumenzat sa carésima de sa protesta. Is precarius de s’iscola isciopirant in sa diri de is scrutinius!”.

Ex Nuova Scaini de Biddexidru: progetus de traballu po is 83 dipendentis

Pubblicau su 12/04/2010 a is 15:54 in Traballu | 0 cummentus
Argumentus:

(IlMinuto) – Casteddu, 12 de su mes”e arbili – Acórdiu fattu po is 83 traballantis de s’ex Nuova Scaini. Is dipendentis – arribbaus a sa cuarta e ùltima pròroga de sa mobilidadi “in deroga” – ant a podi essi impitaus in is progetus de traballu chi is entis ant a presentai tra pagu tempus.
S’acórdiu esti stetiu firmau oi de s’assessori regionali de su “Lavoro”, Franco Manca, e de is rapresentantis de is provìnzias e de is comunus protagonistas.
Is progetus, finanziaus finzas a su 31 de su mes”e paschixèdda de su 2010, ant a podi biri sa participazioni de is impresas e ant a podi essi annovaus in is annus chi benint.

Tàtari: ispetàculu cun Geppi Cucciari po agiudai s’associazioni "Oncoematologia" Pinna

Pubblicau su 12/04/2010 a is 14:53 in Cultura | 0 cummentus
Argumentus:

(IlMinuto) – Casteddu, 12 de su mes”e arbili – Geppi Cucciari, Doc Sound, Associazione Estemporanda: ant essi custus is principalis protagonistas de s’ispetàculu “Unisciti a noi in una Danza di Note per la Vita”, chi s’at a tenni su 15 de su mes”e arbili in su teatru Verdi de Tàtari.
Obbietivu de s’eventu est cussu de arregòlliri dinai in faori de s’Associazioni de “Oncoematologia” Mariangela Pinna onlus de Tàtari. Sa manifestazioni est aprontada de is associazionis Pgs (Polisportive giovanili salesiane) e Panathlon club Tàtari.

"Mai più soli": su progetu de Sdr po is presoneris de sa colónia penali de Isili

Pubblicau su 12/04/2010 a is 14:31 in Sociedadi | 0 cummentus
Argumentus:

 

(IlMinuto) – Casteddu, 12 de su mes”e arbili – Arrespundi a is bisóngius de is personas chi no tenint sa libbertadi, chi no podint tenni sa famíglia acanta po afrontai is bisóngius  primarjus de sa vita insoru, comenti si sciacuai e si bistiri. Nascit cun cust’iscopu su progetu “mai più soli”, un’idea po is presoneris prus poberus de sa colónia penali de Isili.
Su progetu de s’associazioni “Socialismo Diritti e Riforme” – agiudada de s’Assessorau de is “Politiche Sociali” de sa Provìnzia de Casteddu – at a diventai una realidadi cras a is 12.00 in sa Colónia penali, cun sa cunsigna de calincunu prodotu po si sciacuai e sabonis po puliri bistiris e localis.
“In d’unu momentu audi si pensat scéti a nosu ‘e totu – narat sa presidenti de Sdr, Maria Grazia Caligaris – est necessàriu nudriai a sa cultura de s’atenzioni po is personas chi no staint beni. Pèrdiri su diritu a sa libbertadi po un’errori fattu no bollit nai ca si depat renunziài a s’isperu de una vida mellus”.
S’ocasioni – si ligit in d’una nota – at a donai sa possibbilidadi de chistionai de sa “custodia attenuata” de sa colónia de Isili chi, nàscia in s’Otuxentus, donat a is presoneris sa possibbilidadi de traballai in foras, traballai sa terra de is campus e atendi is brebeis in d’unu terrenu mannu 750 ètarus.

 

Filcams Cgil: in Sardara atóbiu po chistionai de su futuru de su turismu in Sardigna

Pubblicau su 12/04/2010 a is 12:37 in Ecunumia | 0 cummentus
Argumentus:

(IlMinuto) – Casteddu, 12 de su mes”e arbili – “Il futuro del turismo, la qualità del lavoro come elemento di competitività”: est custu su títulu de s’atóbiu chi sa Filcams Cgil at aprontau po gióbia chi benit in is “Antiche Terme di Sardara”, a cumenzai de is 10.00.
S’eventu arribbat de un’istudiu de su cumpartu, istudiu bófiu de su sindacau e donau a fai a su sociologu Domenico Moro. In su dibbatidu ddoi ant essi s’assessori regionali de su “Turismo”, Sebastiano Sannitu, su segretariu generali de sa Cgil sadra, Enzo Costa, e is rapresentantis de Confindustria, de Confcommercio e de Federalberghi.
Is traballus ant essi serraus de su relatu de su segretariu nazionali Filcams Franco Martini.

Benis e atividadi culturalis: sa provìnzia de Crabònia e Igrèsias donat dinai po 7 progetus

Pubblicau su 12/04/2010 a is 12:01 in Cultura | 0 cummentus
Argumentus:

(IlMinuto) – Casteddu, 12 de su mes”e arbili – Cumenzant is contribbutus po s’avaloramentu de benis e atividadis culturalis in sa provìnzia de Crabònia e Igrèsias.
In is diris passadas s’est difatis concludia s’istrutoria de su bandu po is associazionis e is oganísimus de su territoriu.
Ant essi finanziaus – dogniunu cun 6milla eurus – is primus seti progetus in graduatoria. “Su bandu – at cummentau su presidenti de sa Provìnzia, Pierfranco Gaviano – at bófiu rapresentai un’atera oportunidadi de finanziamentu po s’avaloramentu de is propriedadis culturalis de su territoriu, atressu sa promozioni de sa connoscénzia de is benis culturalis, s’avaloramentu de is propriedadis archeológicas, architetonicas, artisticas, istoricas e de su paesaggiu (…)”.

Elezionis: in Casteddu su Pcl candidat a Tradori po sa presidénzia. Ma serbint is firmas

Pubblicau su 12/04/2010 a is 11:19 in Política | 0 cummentus
Argumentus:

(IlMinuto) – Casteddu, 12 de su mes”e arbili – “Si ndi andint totus. Guvernint is Traballantis”. Cun custu slogan su “Partito comunista dei lavoratori” pedit a is citadinus de firmai sa lista de is candidaus de s’organizazioni de Ferrando po is prossimas elezionis provinzialis de Casteddu.
Su candidau po sa presidénzia de sa Provìnzia de Casteddu de su Pcl est Nicola Tradori, operàju in cassa integrazioni. Primu de sa lista est Alberto Floris, operàju de is diatas de apaltu de sa Saras.
“Su Pcl – si ligit in d’una nota – s’impignat a mandai ainnantis is interessus de is operàjus chi funt in su centru de su dibbatidu eletorali. Po custu candidat traballantis, disimperaus, precarius comenti sceberu a sa casta de is politicus de professioni a su serbíziu de is meris”.

Karate: acabarrada de medàllias in su torneu internazionali de Sardara po is atletas de su Kanazawa Cuartu

Pubblicau su 12/04/2010 a is 10:13 in Sport | 0 cummentus
Argumentus:

(IlMinuto) – Casteddu, 12 de su mes”e arbili – Fortuna po is atletas de su Club Kanazawa in su IV Campionau internazionali de Sardara. In sa gara, chi s’est tenta a sa fine”e de su mes”e marzu in sa bidda de su Campidanu de Mesu – ant participau is scuadras nazionalis de s’Italia (Shotoreigikan e Fikk), de sa Sardigna, de su Congu, de sa Svizzera, de sa Francia e de su grupu sportivu “B. Sassari”.
Sa campionessa brasiliana Rosmary Machado at bintu s’oru in su kumite (cumbatimentu) femininu. Prata po Luca Matta in su cumbatimentu omininu seniores, batiu cun onori in sa finali de su professionista Donato Zecca. At fattu una figura meda bella puru Massimo Piludu in su Kata (“forme preordinate”): su giòvanu atleta sadru at difatis concuistau su terzu postu in su torneu chi bidiat su cufrontu de prus de 30 “cinture nere”.
Massimo Piludu e Luca Matta – giai campionis mundiallis cun Nicola Moi de Kata a scuadras a is mundiallis Jska de Manchester 2008 – ant cunfirmau un’atera borta sa classi insoru, puru si ddoi furiat unu regulamentu diversu de cussu classicu de su karate tradizionali.
Fortuna puru po Alessandro Piludu (oru in su Kata e prata in su Kumite – categoria juniores) e po Simone Mocci (primu postu in su Kata e segundu in su Kumite – “cinture gialle).
Cassa manna de medàllias po is atletas de is maistus Alberto Piludu (VII dan)  e Alberto Fogu (VI dan) e de su coach Mauro Corongiu (III dan). S’apuntamentu chi benit po is karateka sadrus est cussu de su campionau nazionali Shotoreigikan/Feikar, in programma su 23 de su mes”e maju in Giussanu (Milanu).

Is 25 annus de su Prémiu Dessì: pubblicau su bandu 2010

Pubblicau su 12/04/2010 a is 08:41 in Cultura | 0 cummentus
Argumentus:

(IlMinuto) – Casteddu, 12 de su mes”e arbili – Est arribbau a sa xxv edizioni su Prémiu leterariu nazionali Giuseppe Dessì. Su cuncursu – riservau a òperas in língua italiana – est po òperas de Narrativa e Poesia.
Is liburus – chi po regulamentu depint essi pubblicaus a pustis de su 31 de su mes”e gennàrgiu 2009 – depint essi mandaus in 11 copias a sa segreteria de su prémiu intru su 15 de su mes”e argiolas 2010.
In su 2009 is bincidoris furiant stetius: Michela Murgia con “Accabadora” (Narrativa), Fabio Pusterla con “Terre emerse” (Poesia) e Marco Pannella (Prémiu ispeciali de sa Giuria).

Po ndi sciri de prus: www.fondazionedessi.it