> Archive: mes'e arbili 2010 | ilMinuto - notizie Mediterranee - edizione Sardegna ilMinuto – notizie Mediterranee – edizione Sardegna

Archíviu de sa diri 13/04/2010

Mostras e eventus de su 14 de su mes”e arbili

Pubblicau su 13/04/2010 a is 14:55 in Cultura | 0 cummentus
Argumentus:

(IlMinuto) – Casteddu, 13 de su mes”e arbili -

 

 

 

 

 

 

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 18 de su mes”e arbili, Galleria G28, installazioni fotografica “Retrospective”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa
 

 
Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla
 

Nùgoro, finzas a su 16 de su mes”e arbili, Caffé Tettamanzi, mostra po chistionai de “Salvatore Satta nell’arte di Alfonso Silba”

 

Casteddu, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 
Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 
Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 

Tàtari, finzas a su 16 de su mes”e arbili, ex Ispedali Rizzeddu, mostra fotografica di Robert Knoth po chistionai de sa destrossa de Cernobyl a cura de su grupu territoriali de Greenpeace

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 
Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 
Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Casteddu, finzas a su 15 de su mes”e arbili, Mk Spazio Cultura,

mostra de pintura de Giuseppe Bosich
 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 
Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

Allevamentu e massaria : de cenàbara a domínigu sa Fiera-mercau de Utieri

Pubblicau su 13/04/2010 a is 14:48 in Ecunumia | 0 cummentus
Argumentus:

 

(IlMinuto) – Casteddu, 13 de su mes”e arbili – S’annovat puru ocannu s’apuntamentu cun s’aparada mercau de brebeis, crabas e bois de Utieri. S’aparada aprontada de s’amministrazioni comunali s’at a tenni in su cuarteri de sa Fiera de Santu Nicola de su 16 a su 18 de su mes”e arbili.
Po s’edizioni de su 2010 ant essi espostus casu a aterus prodotus de s’agru-alimentari, bestias de allevamentu, màchinas e impiantus po prodúsiri energia.
Sa tres diris at essi oberta de unu cunvegnu, aprontau cun s’agiudu de Laore e Agris, e s’at a chistionai de su tema “Prospettive economiche e produttive delle imprese agricole”, in programma cenàbara a is 17.30.

 

Palomba (Idv): "Alleànzia unia po sa bitória. S’atóbiu regionali decidit po is provìnzias. Cugusi isfidat a Milia?

Pubblicau su 13/04/2010 a is 14:26 in Política | 0 cummentus
Argumentus:

(IlMinuto) – Casteddu, 13 de su mes”e arbili – A pagus oras de sa cuferénzia de presentazioni de is candidaus de su Pd in is primarias po is elezionis de sa fin”e su mes”e maju – annuziada po custumerì a is 17.00 – su centrusinistra sadru parrit torra uniu. Pruschetotu – si s’interpretamentu de is fueddus scritus domìnigu de Federico Palomba po sa fini de s’atóbiu de s’Esecutivu regionali Idv chi s’est tentu in Santa Justa est giustu – su partidu de Di Pietro parrit cuillai is arrefudus a candidaduras chi ant fattu chistionai, comenti cussa de Graziano Milia po sa provìnzia de Casteddu (aundi su consilleri comunali de Casteddu de su Pd – elìgiu in su Prc – Claudio Cugusi, at in su trastempus arregortu is firmas útilis po podi presentai sa própriu candidadura a is primaris).
“A s’unanimidadi – scririt su parlamentari sadru – esti stetia pigada una decisioni: Italia dei Valori, cun su sensu de responsabbilidadi chi dd’at donau s’eletorau comenti partidu de alleànzia e in s’arrispetu de su própriu impreu, at a sighiri finzas a fundu s’obbietivu de mantenni unia s’alleànzia de centrusinistra cali elementu importanti po sa bitória”.
Una línia chi s’Esecutivu regionali Idv imponit a is capus mannus de sa formazioni política in is provìnzias.
S’”atóbiu regionali” – scririt Palomba – est s’”ùnica sedi idonea a pigai is decisionis e a mantèniri is impignus pigaus, impignus chi no podint essi cambiaus o isciasciaus de is realidadis provinzialis”.

Línguas strangeras: cumenzant is cursus líbberus po totus cussus chi bivint in Sardigna

Pubblicau su 13/04/2010 a is 13:32 in Imparu | 0 cummentus
Argumentus:

 

(IlMinuto) – Casteddu, 13 de su mes”e arbili – Cumenzant is lezionis líbberas de línguas strangeras po totus cussus chi bivint in Sardigna. In su situ de su “Centro Linguistico di Ateneo” de s’Universidadi de Casteddu esti stetiu difatis pubblicau su bandu – promòviu de sa Regioni Sardigna – po participai a is cursus de Francesu, Portoghesu, Tedescu, Arabu, Cinesu, Russu, Italianu po is strangius e Ingresu.
Is lezionis funt de duus tipus: su primu, chi no at a biri s’Ingresu tra is línguas imparadas, tenit s’iscopu – cun cursus de 100 oras – de imparai a is iscritus is basis de sa língua segundu cantu istabbiliu de su “Quadro comune di riferimento europeo”.
Su segundu tipu previdit cursus de 50 oras po istudiantis chi funt a metadi de imparu e po cussus chi conoscint beni sa língua. Custus ant a imparai totu su necessàriu po otèniri s’atestau Toefl (B2, C1 e C2) in Francesu, Spagnolu, Tedescu e Italianu po strangius.
Totus is lezionis s’ant a tenni in Casteddu. Ant a podi participai a is cursus is personas chi bivint in Sardigna e tenint tra is 18 e is 65 annus (puru immigraus), is istudiantis, cussus chi tenint un’assignu de istudiu, chini fait unu dotorau o fait unu master in s’Universidadi de Casteddu.

 

"Meno male che il sole c’è": in Aristanis dibbatidu de is giòvanus de s’Idv e de su Prc po chistionai de su nucleari

Pubblicau su 13/04/2010 a is 12:11 in Política | 0 cummentus
Argumentus:

(IlMinuto) – Casteddu, 13 de su mes”e arbili – Cali podint essi is cosseguénzias de su fàbbricu de una centrali nucleari in Sardigna e po su prus in Cirras?
At essi custu su tema de s’atóbiu promòviu de is Giòvanus de s’Idv e de su Prc po cenàbara 16 de su mes”e arbili (17.00, Liceu Classicu “De Castro”).
“S’at a fueddai – est acrarau in d’una nota – de su tema energeticu, custu tema at essi tratau castiendi a su nucleari e castiendi a is energias rinnovabbilis.
Is duus temas ant essi afrontaus po su prus in crai territoliali”.
Ant a chistionai Luca Soru e Giuseppina Cancedda (Agenzia po is energias – Aristanis) e Nicola Culeddu (Cnr).

Marketing e pubblicidadi: sa Tycoon Communication intrat in su mercau sadru

Pubblicau su 13/04/2010 a is 11:30 in Ecunumia | 0 cummentus
Argumentus:

(IlMinuto) – Casteddu, 13 de su mes”e arbili – Kia Motors, Oriflame, Panalight, Nexcom, Connex (oi Vodafone), is imbasciàdas de su Brasili e de su Perù in Romania.
Funt scéti pagus de is medas clientis de sa Tycoon Communication: un’agenzia de pubblicidadi chi at cumenzau sa própriu atividadi in su 2001 in Bucarest, in Romania, e immoi – a pustis de annus de forti acrescimentu – annunziat sa própriu intrada in su mercau sadru, in tandem cun sa Tycoon Wedding & Events (agenzia chi tratat de s’organizzaioni de eventus culturalis, seminàrius e cojas).
Cun is aziendas nostras – si ligit in d’una nota – bolleus propòniri su nostru modu de fai marketing, unu modu innovativu e chi ponit a su centru sa promozioni de su territoriu sadru, tenendi comenti iscopu principali s’acrescimentu aziendali e sa creazioni de postus de traballus nous”.
Sa sedi de Terranòa, in prazza Pasana 4, at essi afestada gióbia 15 de su mes”e arbili a is 18.00.

Caligaris (Sdr): "Donai a is bibbliotecas de is presonis sadras liburus de ascurtai po is zurpus e po is personas chi bint pagu"

Pubblicau su 13/04/2010 a is 10:03 in Sociedadi | 0 cummentus
Argumentus:

(IlMinuto) – Casteddu, 13 de su mes”e arbili – Donai a is 12 bibbliotecas de is presonis de s’Isola liburus de ascurtai po is presoneris chi no bint e liburus po genti chi bidit pagu. Est s’idea de s’associazioni “Socialismo Diritti e Riforme” chi, grazias a s’agiudu de s’ “Actos Edizioni Multimediali” de Casteddu, at a donai 30 copias de duas òperas de Enrico Costa (“Il muto di Gallura” e “5 racconti”) a su Provveditori regionali de s’amministrazioni de su presoni.
Su progetu, su primu de custu tipu in Sardigna, at esssi presentau mércuris 13 de su mes”e arbili a is 11.00 in sa sedi de su Provveditorau, in via Tuveri in Casteddu.
Ligiri – ispiegat Maria Grazia Caligaris, presidenti de “Socialismo Diritti Riforme” – est un’istrumentu meda importanti po sa mancebazioni e s’acrescimentu de sa cultura. Po is presoneris ligiri est s’ùnicu mezu po podi fuiri de una realidadi chi fatuvàtu est ifadosa, prusetotu candu is cundizionis de is presonis no permitint una vida digna de essi bìvia”.
“Cun custu progetu – finit s’eponenti socialista – bolleus donai atanzioni a is presoneris chi bint pagu e puru a is maladias in is Presonis”.

"Il corpo delle donne". In sa "Frumentaria" de Tàtari mostra-documentariu finzas a su 24 de su mes”e arbili

Pubblicau su 13/04/2010 a is 09:37 in Cultura | 0 cummentus
Argumentus:

(IlMinuto) – Casteddu, 13 de su mes”e arbili – “Corpi in mostra. Riflessioni sulle immagini delle donne”. Est custu su títulu de su progetu chi at essi aghilliu in su Palazu de sa Frumentaria de Tàtari de su 16 a su 24 de su mes”e arbili (11.00-13.00, 17.00-20.00, su domìnigu su logu est serrau).
S’eventu previdit sa proiezioni de su documentariu “Il corpo delle donne”. Su filmau – si podit ligiri in d’una nota – “at tentu s’importanti méritu de torrai a oberri su dibbatidu asuba de s’immàgini de sa fémina a livellu nazionali, prusatotu po ai mostau s’impitu manigiau de su corpus de is féminas in is immàginis televisivas”.
Su progetu previdit puru su codromíngiu de duas mostras. Is cuadrus dedicaus a un’unica figura feminina in s’aparada “Con questi occhi” de Cinzia Chiarini e is fotografias “Tra il corpo e gli affetti”, una rapresentazioni de is “tanti modi di essere donna nella quotidianità”.

Concertus: fortuna in Parigi po s’"Accademia internazionale di Musica" de Casteddu

Pubblicau su 13/04/2010 a is 08:53 in Cultura | 0 cummentus
Argumentus:

(IlMinuto) – Casteddu, 13 de su mes”e arbili – Su flautista Jean Ferrandis, su pianista Jean-Marc Louisada, su falsetu Peggy Bouveret acumpangiau a su pianu forti de Karolos Zouganelis: funti stestius custus is protagonistas de su concertu de s’”Accademia Internazionale di Musica” de Casteddu in sa Maison de s’Unesco in Parigi.
Una serada de fortuna – chi ocannu s’est tenta s’otu de su mes”e arbili – imbentada po presentai is programmas de s’edizioni noa de is cursus de altu livellu musicali chi si tenint a fin”e istadi in Casteddu (e ocannu in calendàriu de su 29 de su mes”e austu a su 6 de su mes”e cbudànni).
S’apuntamentu francesu – chi tenit comenti títulu “Cagliari, la Sardaigne, la Musique, au coeur de la Méditerranée” – esti stetiu apariciau cun su contribbutu de su Comunu de Casteddu, de sa Regioni Autonoma de sa Sardigna e de sa Provìnzia de Casteddu, cun s’agiudu de sa “Rappresentanza Permanente d’Italia” in s’Unesco.