> 2010 mes’e arbili 13 | ilMinuto

Archíviu de sa diri 13/04/2010

Mostras e eventus de su 14 de su mes”e arbili

(IlMinuto) – Casteddu, 13 de su mes”e arbili -

 

 

 

 

 

 

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 18 de su mes”e arbili, Galleria G28, installazioni fotografica “Retrospective”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa
 

 
Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla
 

Nùgoro, finzas a su 16 de su mes”e arbili, Caffé Tettamanzi, mostra po chistionai de “Salvatore Satta nell’arte di Alfonso Silba”

 

Casteddu
, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 
Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 
Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 

Tàtari, finzas a su 16 de su mes”e arbili, ex Ispedali Rizzeddu, mostra fotografica di Robert Knoth po chistionai de sa destrossa de Cernobyl a cura de su grupu territoriali de Greenpeace

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 
Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 
Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Casteddu, finzas a su 15 de su mes”e arbili, Mk Spazio Cultura,

mostra de pintura de Giuseppe Bosich
 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 
Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

Allevamentu e massaria : de cenàbara a domínigu sa Fiera-mercau de Utieri

 

(IlMinuto) – Casteddu, 13 de su mes”e arbili – S’annovat puru ocannu s’apuntamentu cun s’aparada mercau de brebeis, crabas e bois de Utieri. S’aparada aprontada de s’amministrazioni comunali s’at a tenni in su cuarteri de sa Fiera de Santu Nicola de su 16 a su 18 de su mes”e arbili.
Po s’edizioni de su 2010 ant essi espostus casu a aterus prodotus de s’agru-alimentari, bestias de allevamentu, màchinas e impiantus po prodúsiri energia.
Sa tres diris at essi oberta de unu cunvegnu, aprontau cun s’agiudu de Laore e Agris, e s’at a chistionai de su tema “Prospettive economiche e produttive delle imprese agricole”, in programma cenàbara a is 17.30.

 

Palomba (Idv): "Alleànzia unia po sa bitória. S’atóbiu regionali decidit po is provìnzias. Cugusi isfidat a Milia?

(IlMinuto) – Casteddu, 13 de su mes”e arbili – A pagus oras de sa cuferénzia de presentazioni de is candidaus de su Pd in is primarias po is elezionis de sa fin”e su mes”e maju – annuziada po custumerì a is 17.00 – su centrusinistra sadru parrit torra uniu. Pruschetotu – si s’interpretamentu de is fueddus scritus domìnigu de Federico Palomba po sa fini de s’atóbiu de s’Esecutivu regionali Idv chi s’est tentu in Santa Justa est giustu – su partidu de Di Pietro parrit cuillai is arrefudus a candidaduras chi ant fattu chistionai, comenti cussa de Graziano Milia po sa provìnzia de Casteddu (aundi su consilleri comunali de Casteddu de su Pd – elìgiu in su Prc – Claudio Cugusi, at in su trastempus arregortu is firmas útilis po podi presentai sa própriu candidadura a is primaris).
“A s’unanimidadi – scririt su parlamentari sadru – esti stetia pigada una decisioni: Italia dei Valori, cun su sensu de responsabbilidadi chi dd’at donau s’eletorau comenti partidu de alleànzia e in s’arrispetu de su própriu impreu, at a sighiri finzas a fundu s’obbietivu de mantenni unia s’alleànzia de centrusinistra cali elementu importanti po sa bitória”.
Una línia chi s’Esecutivu regionali Idv imponit a is capus mannus de sa formazioni política in is provìnzias.
S’”atóbiu regionali” – scririt Palomba – est s’”ùnica sedi idonea a pigai is decisionis e a mantèniri is impignus pigaus, impignus chi no podint essi cambiaus o isciasciaus de is realidadis provinzialis”.

Línguas strangeras: cumenzant is cursus líbberus po totus cussus chi bivint in Sardigna

 

(IlMinuto) – Casteddu, 13 de su mes”e arbili – Cumenzant is lezionis líbberas de línguas strangeras po totus cussus chi bivint in Sardigna. In su situ de su “Centro Linguistico di Ateneo” de s’Universidadi de Casteddu esti stetiu difatis pubblicau su bandu – promòviu de sa Regioni Sardigna – po participai a is cursus de Francesu, Portoghesu, Tedescu, Arabu, Cinesu, Russu, Italianu po is strangius e Ingresu.
Is lezionis funt de duus tipus: su primu, chi no at a biri s’Ingresu tra is línguas imparadas, tenit s’iscopu – cun cursus de 100 oras – de imparai a is iscritus is basis de sa língua segundu cantu istabbiliu de su “Quadro comune di riferimento europeo”.
Su segundu tipu previdit cursus de 50 oras po istudiantis chi funt a metadi de imparu e po cussus chi conoscint beni sa língua. Custus ant a imparai totu su necessàriu po otèniri s’atestau Toefl (B2, C1 e C2) in Francesu, Spagnolu, Tedescu e Italianu po strangius.
Totus is lezionis s’ant a tenni in Casteddu. Ant a podi participai a is cursus is personas chi bivint in Sardigna e tenint tra is 18 e is 65 annus (puru immigraus), is istudiantis, cussus chi tenint un’assignu de istudiu, chini fait unu dotorau o fait unu master in s’Universidadi de Casteddu.

 

"Meno male che il sole c’è": in Aristanis dibbatidu de is giòvanus de s’Idv e de su Prc po chistionai de su nucleari

(IlMinuto) – Casteddu, 13 de su mes”e arbili – Cali podint essi is cosseguénzias de su fàbbricu de una centrali nucleari in Sardigna e po su prus in Cirras?
At essi custu su tema de s’atóbiu promòviu de is Giòvanus de s’Idv e de su Prc po cenàbara 16 de su mes”e arbili (17.00, Liceu Classicu “De Castro”).
“S’at a fueddai – est acrarau in d’una nota – de su tema energeticu, custu tema at essi tratau castiendi a su nucleari e castiendi a is energias rinnovabbilis.
Is duus temas ant essi afrontaus po su prus in crai territoliali”.
Ant a chistionai Luca Soru e Giuseppina Cancedda (Agenzia po is energias – Aristanis) e Nicola Culeddu (Cnr).