> 14 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 14/04/2010

Mostras e eventus de su 15 de su mes”e arbili

(IlMinuto) – Casteddu, 14 de su mes”e arbili -

 

 

 

 

 

 

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 18 de su mes”e arbili, Galleria G28, installazioni fotografica “Retrospective”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa
 

 
Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla
 

Nùgoro, finzas a su 16 de su mes”e arbili, Caffé Tettamanzi, mostra po chistionai de “Salvatore Satta nell’arte di Alfonso Silba”

 

Casteddu
, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 
Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 
Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

 

Tàtari, finzas a su 16 de su mes”e arbili, ex Ispedali Rizzeddu, mostra fotografica di Robert Knoth po chistionai de sa destrossa de Cernobyl a cura de su grupu territoriali de Greenpeace

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 
Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 
Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Casteddu, finzas a su 15 de su mes”e arbili, Mk Spazio Cultura,

mostra de pintura de Giuseppe Bosich
 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 
Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

"Dieci minuti per la vita": in d’unu grupu de tres féminas scéti una addirit a su screening a gratis promòviu de sa Asl de Terranòa

(IlMinuto) – Casteddu, 14 de su mes”e arbili – “In tres annus ant essi 41.813 galluresas chi ant essi lamadas a fai unu simpli pap-test in is ambulatórius de s’azienda sanitaria”. Est cantu comunicat cun d’una nota (fonti: www.sardegnasalute.it) sa Asl de Terranòa. De su 30 de su mes”e totussantus de su 2009 a su 31 de su mes”e marzu de su 2010 funti stetias 2.063 is féminas tra is 25 e is 41 annus a ai fattu su screening  de sa “cervice uterina”: su 30,4 po centu de cussas lamadas de sa Asl de sa Gallùra.
“S’arriscu de tumori de sa ‘cervice uterina’ in sa vida de dognia fémina – precisat sa responsàbbili de su screening Maria Piga – est de su 6,2 po centu, po custu pedeus pagu prus de dexi minutus de sa própriu vida po podi cumbàtiri unu mali, su cancru, chi podit essi dominau scéti cun su prevenimentu e cun d’una diàgnosi fatta in tempus”.
Sa Asl galluresa mandat a is féminas una lítera, narendidisi de si presentai in s’ambulatóriu prus acanta a sa domu insoru, aundi una levadora ddi si fait su Pap test. Si su risurtau est negativu benit mandau in deretura a domu. Si in veci su risurtau est positivu o dúbbiu, sa fémina benit lamada de su centru screening de sa Asl po fai aterus analis.

Massaria: Manuello ammostat a s’Académia de is "Georgofili" su progetu po s’arregota de su zaferanu cun is màchinas

(IlMinuto) – Casteddu, 14 de su mes”e arbili – “Raccolta meccanizzata dello zafferano”. Est custu su títulu de s’istudiu chi Andrea Manuello de s’Universidadi de Casteddu at a presentai in s’Académia de is “Georgofili” de Firenzi su 29 de su mes”e arbili chi benit, in s’ambitu de una diri de istudius chi tenit comenti tema “L’automazione nel comparto orto-floricolo”.
S’istudiu de Manuello est unu progetu pilota in s’ambitu de s’eventu “IlonSardegna-Rete Regionale dell’Innovazione”.

Provìnzia de Aristanis. Casula (Sel): "S’unidadi de s’acórdiu est necessàriu"

(IlMinuto) – Casteddu, 14 de su mes”e arbili – S’unidadi de s’alleànzia est “necessària”. Cun custu elementu s’imbasciadori de Sinistra Ecologia e Libertà in sa provìnzia de Aristanis, Eleonora Casula, annununziat sa decisioni de su movimentu de arretirai sa candidadura de Raffaele Manca (giai síndigu de Norghìddo e deputau) po is eventualis primarias de alleànzia.
Unu nòmini de imponénzia propostu in is diris passadas po – acrarat Casula – “agiudai su propassu de su momentu de arrevesa contraposta po s’incàrrigu de candidau a sa presidénzia de sa Provìnzia de Aristanis de parti de su Pd e de s’Idv”.
“Sel – precisat s’imbasciadori de su movimentu de Nichi Vendola – sighit a cunsiderai meda importanti s’unidadi de s’alleànzia de su centru sinistra in sa provìnzia de Aristanis. Asuba de custu responsàbbili cunsidériu políticu, s’organísimu dirigenti provinziali de Sinistra, Ecologia e Libertà fait connosci sa renúnzia a participai a is primarias de alleànzia”.

"Equijobs": in Samassi cursu europeu po "féminas cualificadas chi traballant cun is materialis naturalis in is fàbbricus".

 

(IlMinuto) – Casteddu, 14 de su mes”e arbili – Possibbilidadis noas po is féminas senz”e unu traballu chi bivint in is territorius de su satu de sa Sardigna. Atressu su progetu europeu Equijobs – po su cali s’”Agenzia regionale per il lavoro” est partner in Italia – ant essi difatis cualificadas 15 “féminas chi ant a traballai po s’impiegu de materialis naturalis in is arrebbussus, in is pinturas e in is finiduras”.
“Is féminas a is calis est distinau custu progetu – si podit ligiri in d’una nota – funt residentis o domiciliadas in is territorius de su satu de sa Sardigna (ant a passai primu cussas de is Comunus de su Campidanu de Mesu), tenint tra is 18 e is 50 annus e ant fattu sa scola de s’óbbligu”.
Is 15 participantis a su cursu ant a imparai is cumpeténzias necessàrias a fai torrai a sa luxi is arrebbussus de is domus de làdrini e a sa fini de su cursu ant a sciri usai is materialis naturalis  po is intúnigus, is pinturas e in is finiduras de is fàbbricus.
Is imparadoras ant a pigai una paga de 1.50 eurus po dognia ora de frecuénzia. Is lezionis s’ant a tenni in sa bibblioteca de su comunu de Samassi “bidda de su làdrini”.
“Cun custu progetu pilota – at declarau s’assessori provinziali Rossella Pinna – is féminas  ant a podi intrai in d’unu campu de su traballu chi finzas a custu momentu esti stetiu serrau po su sessu femininu, su campu de su fàbbricu cualificau”.
Is dimandas po participai depint essi mandadas inturu is 13.00 de su 19 de su mes”e arbili de su 2010 a s’”Agenzia regionale per il Lavoro”, in via Is Mirrionis 195.

Po ndi sciri de prus: 

www.regione.sardegna.it

www.provincia.mediocampidano.it