> Archive: mes'e arbili 2010 | ilMinuto - notizie Mediterranee - edizione Sardegna ilMinuto – notizie Mediterranee – edizione Sardegna

Archíviu de sa diri 15/04/2010

Mostras e eventus de su 16 de su mes”e arbili

Pubblicau su 15/04/2010 a is 18:10 in Cultura | 0 cummentus
Argumentus:

(IlMinuto) – Casteddu, 15 de su mes”e arbili -

 

 

 

 

 

 

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 18 de su mes”e arbili, Galleria G28, installazioni fotografica “Retrospective”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa
 

 
Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla
 

Nùgoro, finzas a su 16 de su mes”e arbili, Caffé Tettamanzi, mostra po chistionai de “Salvatore Satta nell’arte di Alfonso Silba”

 

Ussaramànna, finzas a su 18 de su mes”e arbili, Casa Zedda, XXVII “Mostra delle erbe spontanee”

 

Casteddu, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 
Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 
Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

Terranòa, finzas a su 18 de su mes”e arbili, Geopalace, biennali “I Mondo energie & Edil-Bio”

 

Tàtari, finzas a su 16 de su mes”e arbili, ex Ispedali Rizzeddu, mostra fotografica di Robert Knoth po chistionai de sa destrossa de Cernobyl a cura de su grupu territoriali de Greenpeace

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 

Tàtari, finzas a su 24 de su mes”e arbili, Palazu de sa Frumentaria, aparada “Corpi in mostra. Riflessioni sulle immagini delle donne”

 

Casteddu, finzas a su 26 de su mes”e arbili, Galleria “La Bacheca”, mostra de Giorgio Podda “Plusvalore: piccolo compendio pitturato del Capitale di Karl Marx”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 
Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 
Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

Apuntamentus: in Ussaramànna sa XXVI "Mostra delle erbe spontanee"

Pubblicau su 15/04/2010 a is 17:39 in Ambienti | 0 cummentus
Argumentus:

(IlMinuto) – Casteddu, 15 de su mes”e arbili – “Su mundu de is matas de su satu est motivu de curiosidadi manna e tenit compitus meda importantis si castiaus a su ambitu naturalisticu e etnologicu”. Est cantu acrarant cun d’una nota is aprontadoris de sa XXVI mostra de is ebras de su satu. De dognia spézia at essi possíbbili ligiri una ischeda cun su nòmini scientíficu  (e cussu in língua italiana e in língua sadra), comenti puru is principalis calidadis, propriedadis e usus.
Su programma at a cumenzai cras a merì a is 17.00, in is aposentus de sa Pro Loco, cun d’un’atóbiu chi tenit comenti tema “Prospettive di sviluppo economico nel territorio, valorizzazione delle erbe spontanee”: ant a fuedddai su síndigu de Ussaramànna, su presidenti de sa provìnzia de su Campidanu de Mesu e is rapresentantis de s’agenzia Laore, de s’Universidadi de Casteddu e su presidenti de su Gal Marmilla.
Comenti sempiri, po totu sa durada de s’aparada at essi possíbbili tastai is pàrdulas fattas segundu sa “tradizioni de su logu”.

Vinyls: 50 diris de lota in s’ex presoni de S’Asinàra "Isola de is cassintegraus". Domìnigu arribbat sa Cgil

Pubblicau su 15/04/2010 a is 16:28 in Traballu | 0 cummentus
Argumentus:

(IlMinuto) – Casteddu, 15 de su mes”e arbili – Funt giai passadas 50 diris, 1200 oras, de candu is traballantis de sa Vinyls de Pòrtu Turre ant cumenzau s’ocupazioni de s’ex presoni de S’Asinàra, immoi torrada a batiai “Isola de is cassintegraus”.
A pustis de prus de unu mesi e mesu de presénzia in s’Isola po pediri de torrai a pigai sa produzioni, is traballantis no tenint sa prus pitica intenzioni de mollai. De su 25 de su mes”e fiàrgiu ant arriciu s’amigànzia de meda genti, contendi puru is 90milla iscritus de su grupu Facebook dedicau a s’acuntéssia.
Ariseru, puru duas classis de s’iscola, una de Casteddu s’àtera de Aristanis, ant portau a is traballantis de sa Vinyls sa solidariedadi insoru. Domìnigu chi benit at a sbarcai in s’Isola sa Cgil.
“S’obbietivu de sa bisita – est acrarau in d’una nota sindacali – est cussu de agiudai is cassintegraus a afortiai sa batalla insoru, est cussu de difèndiri su pertrolchímicu de Pòrtu Turre, de difèndiri is atividadis produtivas de totu su cumpartu industriali de su territoriu”.
S’imbascida – de sa cali at a fai parti sa segretaria nazionali Cgil Susanna Camusso – at a arribbai in s’Isola cun su primu traghetu e at a passai sa diri cun is traballantis po “chistionai de su stadu de sa vertenza e de is possíbbilis pranus útilis po apretai sa própriu acucada”.

Traballu: s’Alcoa presentat su pranu industriali

Pubblicau su 15/04/2010 a is 15:17 in Traballu | 0 cummentus
Argumentus:

 

(IlMinuto) – Casteddu, 15 de su mes”e arbili – S’Alcoa ponit is cartas in sa mesa. Sa multinazionali de s’allumíniu at difatis pediu un’atóbiu in Sardigna po martis chi benit. In s’atóbiu at essi presentau su pranu industriali a is sindacaus.
Cussa diri etotu s’at a tenni una reunioni in Venetu (aundi ddoi est s’àtera sedi de s’istabilimentu Alcoa in Italia).
In Portovesmi – si puru si abetit su permissu po su “decreto energia” de parti de sa Commisioni europea – ddoi funt isperas a pustis de sa firma – acontessia in su mes”e marzu passau – de s’acódriu po sa cuncessioni de su “prémiu de risurtau de su 2009″. Unu risurtau chi finzas a calincunu mesi fait furiat impossíbbili.

 

Istudiu e isvilupu: cursu a gratis po su "VII Programma Quadro"

Pubblicau su 15/04/2010 a is 14:27 in Imparu | 0 cummentus
Argumentus:

(IlMinuto) – Casteddu, 15 de su mes”e arbili – “‘Il Settimo Programma Quadro di Ricerca e Sviluppo Tecnologico (2007-2013): gli strumenti per la redazione e la gestione dei progetti’”. Est custu su títulu de su cursu a gratis aprontau de “Sardegna Ricerche” e de su “Centro Servizi per le Imprese” de Casteddu. Su programma, chi est dividiu in tres módulus, at a cumenzai su 4 de su mes”e maju cun sa lezioni “Comenti scriri unu progettu chi at a tenni risurtau bonus in su VII Pq R&St”.
Po participai tocat a s’iscrì inturu su 23 de su mes”e arbili de su 2010.

Po ndi de prus: www.sardegnaricerche.it

 

Trenixeddu Birdi propriedadi de s’umanidadi. Tra pagu tempus sa presentada de su dossier po s’Unesco

Pubblicau su 15/04/2010 a is 12:49 in Cultura | 0 cummentus
Argumentus:

(IlMinuto) – Casteddu, 15 de su mes”e arbili – Su trenisceddu Birdi – de sèmpiri unu de is modus prus bellus po atravessai e connòsciri is ispantus de is paesagius de s’internu de s’Isola – no rapresentat scéti una richesa culturali de sa Sardigna, ma de totu s’umanidadi. Cun custa cunvinzioni s’assessori regionali de is “Trasporti”, Liliana Lorettu, at annunziau ariseru su cumenzu de s’iter po otèniri s’atestau chi fait connosci sa línia de custa ferruvia comenti propriedadi de s’umanidadi de s’Unesco: s’Organizazioni de is Nazionis Unias po s’Educassioni, sa Sciénzia e sa Cultura.
“Su Trenisceddu Birdi – precisat s’esponenti de sa Giunta regionali – rapresentat una richesa sadra meda manna e podit donai arrespustas in ambitu produtivu a is territorius”. Po sa scritura de su dossier-candidadura de mandai a s’Unesco esti stetiu fattu unu grupu de traballu, de custu grupu faint parti is rapresentantis de is comunus e de is provìnzias chi funt atravessaus de su Trenisceddu, de s’Universidadi de Casteddu, de is associazionis ambientalistas, de s’Arst, de s’Enas e de su Parcu Geominenariu.
Annunziaus po is annus chi benint investimentus meda mannus po su Trenixeddu Birdi de sa Sardigna: sa Regioni at donau prus de 12 millionis de eurus po pigai trenus nous e po recuperai calincunu locomotori béciu.
19 millionis ant essi usaus po cambiai is binàrius e is travessinas po unu tretu de 80 chilómitrus de línia. Àterus 6 millionis e mesu de eurus ant a serbiri po sa cura de àterus 40 chilómitrus de caminu.

Turismu: patu po sa "organizazioni" tra rapresentantis de is traballantis e impresas in su cunvegnu de sa Filcams Cgil

Pubblicau su 15/04/2010 a is 11:20 in Ecunumia | 0 cummentus
Argumentus:

(IlMinuto) – Casteddu, 15 de su mes”e arbili – S’est serrau cun d’un’”patu” su cunvegnu de sa Filcams Cgil chi teniat comenti tema: “Il futuro del Turismo, la qualità del lavoro come elemento di competitività”, chi s’est tentu ariseru in sa saba cunvegnus de is “Antiche Terme” de Sardara. “Su patu – si podit ligiri in sa nota de imprenta de su sindacau – est tra is rapresentantis de is traballantis e de is impresas e tenit s’obbietivu de scriri una piataforma comuna po un’ ‘organizazioni strategica de su cumpartu’ de fai biri a s’assessori regionali Sebastiano Sannitu”.
S’esponeti de sa Giunta regionali, nonostanti siat stetiu inbidau po s’atóbiu, no at poziu participai “po mori de motivus istituzionalis no previdius”.

"Sagra del Vino" de Atzàra: ampúddas e poesia in sa XXIV edizioni

Pubblicau su 15/04/2010 a is 10:48 in Cultura | 0 cummentus
Argumentus:

(IlMinuto) – Casteddu, 15 de su mes”e arbili – “Sa Sardigna est bella aínturu”: est custu su slogan de sa XXIV edizioni de sa “Sagra del Vino” de Atzàra.
S’apuntamentu in programma s’8 e su 9 de su mes”e maju, rapresentat un’importanti bedrina enogastonomica po is prodotus de su coru ‘e s’Isola.
“Sa Sardigna – si ligit in d’una nota – non est sceti costas e mari, ma podit essi avalorada atressu de sa pubblicidadi de is logus de s’internu, arricus de istoria, de cultura e de tradizionis”.
Sàbudu 8 de su mes”e maju at a oberri sa manifestazioni su cunvegnu “Viticoltura nel Mandrolisai: le prospettive occupazionali tra tradizione e innovazione” (17.00, saba consiliari) a custu at a sighiri sa premiazioni de is binus prus bellus de sa bidda – curada de is ténnicus de Laore – chi tenit su títulu “La bottiglia dell’anno”.
“Sa Sagra de su binu – cummentat su Síndigu Alessandro Corona – est senz”e dúbbiu sa manifestazioni turistica e de connoscénzia prus importanti po sa comunidadi nostra e rapresentat unu caminu essenziali po sighiri a curri in s’istrada de s’avaloramentu de cussu chi est su rei de is nostrus prodotus, su binu de Atzàra”.
S’edizioni 2010 previdit puru totu una fibera de eventus parallelus, chi s’ant a tenni in sa diri de domìnigu: sa primu Adunànzia Ferrari (11.30, Centru storicu) e sa premiazioni de su primu cuncursu in língua sadra “Mandrolisai” (16.30, saba consiliari).

Traballu: seguresa po su tempus benidori de 1050 forestalis

Pubblicau su 15/04/2010 a is 09:31 in Traballu | 0 cummentus
Argumentus:

(IlMinuto) – Casteddu, 15 de su mes”e arbili – Acabbu de sa precariedadi po 1050 forestalis. Tra su mes”e arbili e su mes”e maju prus de milla operàjus de is cantieris forestalis de sa Sardigna ant essi pigaus cun d’unu cuntratu senz”e fini, cun d’unu costu de pagu prus de otu millionis de eurus a s’annu po sa Regioni.
Dd’at comunicau ariseru s’assessori regionali de s’”Ambiente”. “Intru su mes”e arbili – at nau Uras – ant essi pigaus cun cuntratu firmu 798 operàjus de is cantieris forestalis de sa Sardigna, mentris po is aterus 252 is pràtigas ant a partiri intru su primu de su mes”e maju”.
“In is territorius aundi ddoi funt is operàjus – at acrarau su presidenti de s’”Ente Foreste” Salvatore Paolo Farina – s’annu passau at pigau fogu scéti un’ètaru, puru in d’una annada meda difícili po is fogus de is boscus”.

"Traghetti di poesia": Franco Loi serrat su festival in su "Spazio Search"

Pubblicau su 15/04/2010 a is 08:51 in Cultura | 0 cummentus
Argumentus:

(IlMinuto) – Casteddu, 15 de su mes”e arbili – Finit su terzu ciclu de “Traghetti di Poesia”. Custumerì, a cumenzai de is 20.30 in is aposentus de su “Spazio Search”, su festival s’at a serrai cun d’una serada dedicada a Franco Loi, su grandu poeta de Milanu chi scririt in dialetu e chi pagu tempus fait at afestau is 80 annus.
Sa poesia e sa testimonia sua asuba de su Noixentus, ant essi is ingredientis de una serada de arréjonus e de legimentus. S’apuntamentu s’at a serrai cun sa cunsigna a su poeta de su “títulu” de “imbasciadori de sa poesia in su mundu”. Loi at a afestai aici puru s’unioni noa cun is próprius arréxinis sadras, (su babbu, casteddaiu, iat lassau s’Isola candu teniat scéti 11 annus).
Nàsciu in Genova in su 1930, ma a pustis de pagu tempus trasladau in Milanu, su poeta at sceberau po is próprius versus su dialetu milanesu. Unu dialetu assentau sempiri de prus in su caminu de sa própriu carriera artistica, cumenzada a pustis de is 35 annus e decollada in su 1973, cun sa pubblicazioni de sa primu arregorta de versus, “I Cart”.