> 15 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 15/04/2010

Mostras e eventus de su 16 de su mes”e arbili

(IlMinuto) – Casteddu, 15 de su mes”e arbili -

 

 

 

 

 

 

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 18 de su mes”e arbili, Galleria G28, installazioni fotografica “Retrospective”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa
 

 
Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla
 

Nùgoro, finzas a su 16 de su mes”e arbili, Caffé Tettamanzi, mostra po chistionai de “Salvatore Satta nell’arte di Alfonso Silba”

 

Ussaramànna, finzas a su 18 de su mes”e arbili, Casa Zedda, XXVII “Mostra delle erbe spontanee”

 

Casteddu, finzas a su 17 de su mes”e arbili, Spazio P, mostra de arti contemporanea “Muse. Inquietanti” de sa fotografa Anna Marceddu

 
Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 
Casteddu, finzas a su 20 de su mes”e arbili, Centru comunali de arti e cultura Castello San Michele, mostra “Mini Darwin alle Galapagos

Terranòa, finzas a su 18 de su mes”e arbili, Geopalace, biennali “I Mondo energie & Edil-Bio”

 

Tàtari, finzas a su 16 de su mes”e arbili, ex Ispedali Rizzeddu, mostra fotografica di Robert Knoth po chistionai de sa destrossa de Cernobyl a cura de su grupu territoriali de Greenpeace

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 

Tàtari, finzas a su 24 de su mes”e arbili, Palazu de sa Frumentaria, aparada “Corpi in mostra. Riflessioni sulle immagini delle donne”

 

Casteddu, finzas a su 26 de su mes”e arbili, Galleria “La Bacheca”, mostra de Giorgio Podda “Plusvalore: piccolo compendio pitturato del Capitale di Karl Marx”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 
Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 
Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su  27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

Apuntamentus: in Ussaramànna sa XXVI "Mostra delle erbe spontanee"

(IlMinuto) – Casteddu, 15 de su mes”e arbili – “Su mundu de is matas de su satu est motivu de curiosidadi manna e tenit compitus meda importantis si castiaus a su ambitu naturalisticu e etnologicu”. Est cantu acrarant cun d’una nota is aprontadoris de sa XXVI mostra de is ebras de su satu. De dognia spézia at essi possíbbili ligiri una ischeda cun su nòmini scientíficu  (e cussu in língua italiana e in língua sadra), comenti puru is principalis calidadis, propriedadis e usus.
Su programma at a cumenzai cras a merì a is 17.00, in is aposentus de sa Pro Loco, cun d’un’atóbiu chi tenit comenti tema “Prospettive di sviluppo economico nel territorio, valorizzazione delle erbe spontanee”: ant a fuedddai su síndigu de Ussaramànna, su presidenti de sa provìnzia de su Campidanu de Mesu e is rapresentantis de s’agenzia Laore, de s’Universidadi de Casteddu e su presidenti de su Gal Marmilla.
Comenti sempiri, po totu sa durada de s’aparada at essi possíbbili tastai is pàrdulas fattas segundu sa “tradizioni de su logu”.

Vinyls: 50 diris de lota in s’ex presoni de S’Asinàra "Isola de is cassintegraus". Domìnigu arribbat sa Cgil

(IlMinuto) – Casteddu, 15 de su mes”e arbili – Funt giai passadas 50 diris, 1200 oras, de candu is traballantis de sa Vinyls de Pòrtu Turre ant cumenzau s’ocupazioni de s’ex presoni de S’Asinàra, immoi torrada a batiai “Isola de is cassintegraus”.
A pustis de prus de unu mesi e mesu de presénzia in s’Isola po pediri de torrai a pigai sa produzioni, is traballantis no tenint sa prus pitica intenzioni de mollai. De su 25 de su mes”e fiàrgiu ant arriciu s’amigànzia de meda genti, contendi puru is 90milla iscritus de su grupu Facebook dedicau a s’acuntéssia.
Ariseru, puru duas classis de s’iscola, una de Casteddu s’àtera de Aristanis, ant portau a is traballantis de sa Vinyls sa solidariedadi insoru. Domìnigu chi benit at a sbarcai in s’Isola sa Cgil.
“S’obbietivu de sa bisita – est acrarau in d’una nota sindacali – est cussu de agiudai is cassintegraus a afortiai sa batalla insoru, est cussu de difèndiri su pertrolchímicu de Pòrtu Turre, de difèndiri is atividadis produtivas de totu su cumpartu industriali de su territoriu”.
S’imbascida – de sa cali at a fai parti sa segretaria nazionali Cgil Susanna Camusso – at a arribbai in s’Isola cun su primu traghetu e at a passai sa diri cun is traballantis po “chistionai de su stadu de sa vertenza e de is possíbbilis pranus útilis po apretai sa própriu acucada”.

Traballu: s’Alcoa presentat su pranu industriali

 

(IlMinuto) – Casteddu, 15 de su mes”e arbili – S’Alcoa ponit is cartas in sa mesa. Sa multinazionali de s’allumíniu at difatis pediu un’atóbiu in Sardigna po martis chi benit. In s’atóbiu at essi presentau su pranu industriali a is sindacaus.
Cussa diri etotu s’at a tenni una reunioni in Venetu (aundi ddoi est s’àtera sedi de s’istabilimentu Alcoa in Italia).
In Portovesmi – si puru si abetit su permissu po su “decreto energia” de parti de sa Commisioni europea – ddoi funt isperas a pustis de sa firma – acontessia in su mes”e marzu passau – de s’acódriu po sa cuncessioni de su “prémiu de risurtau de su 2009″. Unu risurtau chi finzas a calincunu mesi fait furiat impossíbbili.

 

Istudiu e isvilupu: cursu a gratis po su "VII Programma Quadro"

(IlMinuto) – Casteddu, 15 de su mes”e arbili – “‘Il Settimo Programma Quadro di Ricerca e Sviluppo Tecnologico (2007-2013): gli strumenti per la redazione e la gestione dei progetti’”. Est custu su títulu de su cursu a gratis aprontau de “Sardegna Ricerche” e de su “Centro Servizi per le Imprese” de Casteddu. Su programma, chi est dividiu in tres módulus, at a cumenzai su 4 de su mes”e maju cun sa lezioni “Comenti scriri unu progettu chi at a tenni risurtau bonus in su VII Pq R&St”.
Po participai tocat a s’iscrì inturu su 23 de su mes”e arbili de su 2010.

Po ndi de prus: www.sardegnaricerche.it