> 20 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 20/04/2010

Mostras de su 21 de su mes”e arbili

(IlMinuto) – Casteddu, 20 de su mes”e arbili -

 

 

 

 

 

 

 

Terràrba, finzas a su 30 de su mes”e arbili, Prometeo, “Arte in vetrina – Lux Art”

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

 

Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

 

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 

Tàtari, finzas a su 21 de su mes”e arbili, Caffè e Teeria Mannoni, Mostra de sa pintora Sebastiana Giorgina Ruggiu

 

Tàtari, finzas a su 24 de su mes”e arbili, Palazu de sa Frumentaria, aparada “Corpi in mostra. Riflessioni sulle immagini delle donne”

 

Casteddu, finzas a su 26 de su mes”e arbili, Galleria “La Bacheca”, mostra de Giorgio Podda “Plusvalore: piccolo compendio pitturato del Capitale di Karl Marx”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 25 de su mes”arbili, MK Spazio Cultura, mostra “Scolpiti dell’anima”

 

Aristanis, finzas a su 23 de su mes”arbili, Archíviu de Stadu, “Mostra sui Gremi e la Sartiglia”

 

Casteddu, finzas a su 3 de su mes”e maju, Galleria dello Sperone, “Checkin(g) out of the Checkpoint” contu fotograficu de Machson Watch

 

Bidda Matzràxa, finzas a su 25 de su mes”arbili, Bibblioteca comunali, mostra “Amelia Camboni: l’artista, la scultrice, la donna”

Elezionis: in Sestu s’Idv si ndi scapiat de su Pd. Riformatori a solus in Cuartu Sant’Alèni e in Igrèsias

 

(IlMinuto) – Casteddu, 20 de su mes”e arbili – A dexi diris de sa presentada de is listas po is elezionis amministrativas de su 30 e de su 31 de su mes”e maju est ancora meda s’ànsia in is duus grupus políticus.
Is Riformatori – a pustis de una filera de no, otentus in sa mesa de is acódrius – s’ant a presentai a solus in Igrèsias, aundi su candidau po sa càriga de síndigu at essi Roberto Frongia, e in Cuartu Sant’Alèni (aundi su candidau po sa cadira de primu citadinu est Gabriele Marini, consilleri de sa gestioni chi est finendi su mandau).
Sa cursa po sa cadira de presidenti de sa Provìnzia de Casteddu dividit imbecis su Pdl. Su parlamentari Piergiorgio Massidda cunfirmat s’intenzioni de si presentai po is elezionis po pigai su postu de Graziano Milia, puru senz”e su cunsensu de Silvio Berlusconi (chi iat a podi decídiri de fai presentai comenti esponenti de su Pdl Giuseppe Farris, assessori de su “Personale” in su comunu de Casteddu).
Meda movias puru is àcuas de su centrusinistra. In Sestu s’Idv si ndi scapiat de s’unioni cun su Pd e declarat ca at a presentai Fabio Usala, giai imbasciadori citadinu de su movimentu de Di Pietro.

 

A Manca pro s’Indipendentzia presentat su "pianu de traballu nou" a is iscritus

(IlMinuto) – Casteddu, 20 de su mes”e arbili – “Presentai s’istrutura noa de s’organizazioni e su pianu nou de traballu”. Cun cust’obbietivu sàbudu 24 de su mes”e arbili sa direzioni nazionali de A Manca pro s’Indipendentzia e su responsàbbili regionali de sa Sardigna ‘e tramuntana ant a atobiai is iscritus in sa sedi tataresa de via Cetti, a is 18.30.
“In s’ocasioni – si ligit in su comunicau de imprenta – at essi presentada sa tesi cungressuali aprovada su 28 de su mes”e marzu passau de s’assembrea política nazionali de aMpI po sa fini de is traballus de su terzu cungressu nazionali. Ant a benni ammostadas is novidadis e is anàlisi de sa sinistra indipendentista e s’at a stabbiliri cun is iscritus su modu prus giustu po promòvi cun d’una forza prus manna su traballu de rexinamentu de su progetu socialista e indipendentista in sa terra nostra”.

Una memória digitali po Tàtari

(IlMinuto) – Casteddu, 20 de su mes”e arbili – “Strumenti, metodi e tecnologie della digitalizzazione e della valorizzazione dei patrimoni documentari”. At essi su tema de su workshop chi s’at a tenni gióbia a mangianu, a cumenzai de is 10.00, in sa sedi de s’Archíviu Isoricu Comunali de Tàtari, in via de s’Insinuazione.
S’eventu est aprontau de tres aziendas leader in matéria, cun s’agiudu de s’amministrazioni comunali.
“S’impiegu de istrumentus tennologicamenti ainnantis – si ligit in d’una nota – est a sa basi de s’organizazioni noa de s’Archíviu Isoricu Comunali de Tàtari a pustis de su séculu de scarescimentu chi est arribbau a pustis de sa morti de Enrico Costa”. Digitalizai bollit nai acastiai sa memória “uficiali” de sa citadi.
Is espertus ant a ammostai is soluzionis prus noas impiegadas po s’archiviazioni digitali de is benis culturalis e de is documentus antigus. Ant essi puru presentadas is tennologias pigadas po sa sedi noa de s’Archíviu Isoricu de Tàtari.

Razzismu: in sa "Società Umanitaria" su documentariu "Rosarno, il tempo delle arence"

 

(IlMinuto) – Casteddu, 20 de su mes”e arbili – “Rosarno, il tempo delle arance”. Est custu su títulu de su film chi contat is fatus de su 9 de su mes”e gennàrgiu passau – chi at bintu su Cuncursu “Visioni doc 2010″ de sa Cineteca de Bologna – e at essi ammostau gióbia a merì in su Saloni de sa “Società Umanitaria” in Casteddu.
Primu de su film, a is 18.00, s’at a tenni su dibbatidu “Il futuro del rispetto: migranti, minoranze, diritti e doveri dei cittadini di oggi e di domani”. Ant a participai – tra is àterus – Annamaria Baldussi (Presidenti de su cursu de laurea in Scienze politiche de s’Universidadi de Casteddu) e Luca Manunza (Insùtv).