> 21 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 21/04/2010

Mostras de su 22 de su mes”e arbili

(IlMinuto) – Casteddu, 21 de su mes”e arbili -

 

 

 

 

 

 

 

Terràrba, finzas a su 30 de su mes”e arbili, Prometeo, “Arte in vetrina – Lux Art”

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

 

Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 23 de su mes”e arbili, Galleria asuta ‘e pianu “Beaux Arts”, mostra de Tonino Mattu “Magnifiche sorti e progressive”

 

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 

Tàtari, finzas a su 24 de su mes”e arbili, Palazu de sa Frumentaria, aparada “Corpi in mostra. Riflessioni sulle immagini delle donne”

 

Casteddu, finzas a su 26 de su mes”e arbili, Galleria “La Bacheca”, mostra de Giorgio Podda “Plusvalore: piccolo compendio pitturato del Capitale di Karl Marx”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 25 de su mes”arbili, MK Spazio Cultura, mostra “Scolpiti dell’anima”

 

Aristanis, finzas a su 23 de su mes”arbili, Archíviu de Stadu, “Mostra sui Gremi e la Sartiglia”

 

Casteddu, finzas a su 3 de su mes”e maju, Galleria dello Sperone, “Checkin(g) out of the Checkpoint” contu fotograficu de Machson Watch

 

Bidda Matzràxa, finzas a su 25 de su mes”arbili, Bibblioteca comunali, mostra “Amelia Camboni: l’artista, la scultrice, la donna”

Vertenza Rockwool: "Sa lota at a durai finzas a otèniri sa seguresa de su traballu"

(IlMinuto) – Casteddu, 21 de su mes”e arbili – “Su ponti po su traballu chi seus faendi est su ponti po su tempus benidori de totu su territoriu”. Est cantu narant cun d’una nota is traballantis de sa Rockwool de Igrèsias, chi de una cida circa ocupant su ponti de Campo Pisano.
“70 postus de traballu – ispiegant is operàjus de s’istabbilimentu chi produiat lana de roca – funt una ‘miniera’ chi no depit essi pérdia. Sa lota at a durai finzas a candu no eus a tenni seguresas po su tempus benidori nostru”.
Sa cassa integrazioni – cumenzada de s’azienda cun sa fin”e sa produzioni – at a scadèssiri su 30 de su mes”e làmpadas chi benit. “In s’orizonti – narant is traballantis – abarrant scéti sa mancànzia de traballu e is listas de “mobilità”.

 

Operàju morrit strecau de una gru. Costa (Cgil): "Cun sa crisi ancora prus pagu seguresa in su traballu"

(IlMinuto) – Casteddu, 21 de su mes”e arbili – “Sa disgràzia in su traballu aundi at perdiu sa vida Ilario Moro Merella, s’operàju chi traballàt in su cantieri de Porto Pozzo est una tragédia assurda chi depit custringi is autoridadis cumpetentis a afortiai is controllus e su prevenimentu, po s’arrespetu de is normas de seguresa e contra a su fenómenu de su traballu foras de cabudu, unu traballu aciuvau e senz”e arrégulas”.
Est cantu at nau su segretariu generali de sa Cgil sadra Enzo Costa. S’operàju, de 45 annus, est mortu custu mangianu strecau de una ruspa. Sa dinàmica de sa disgràzia depit essi ancora acrarada.
“No bastàt su préziu meda mannu creau de s’apretu mannu chi s’ausenzia de traballu est scarrighendi asuba de is traballantis – at precisau Costa – ddoi funt signalis chi ammostant comenti po mori de sa crisi funt sempiri prus pagus is fiànzas e is diritus, puru in matéria de saludi e de seguresa”.

Rossomori. Muledda: "Po Milia at decídiu su comitau provinziali"

(IlMinuto) – Casteddu, 21 de su mes”e arbili – “Po sa candidadura de Graziano Milia a Presidenti de sa Provìnzia de Casteddu, sa decisioni no tocàt e no tòcat a su Consillu nazionali. Tòcat po forma federali de s’organizazioni de is Rossomori a su comitau provinziali de Casteddu, chi, lamau aposta e in totu libbertadi at decídiu. Comentisiollat, sa cundenna de Graziano Milia no est definitiva”. Cun custus fueddus su segretariu nazionali de is Rossomori, Gesuino Muledda, at arrespustu a sa lítera oberta de Alessandro Baldussi, Luisella Caria e Tullio Cipriano. Scritu chi iat annunziau, lùnis passau, is dimissionis de is tres consilleris de dognia incàrrigu dirigenti de su partidu, po mori de unu disacórdiu mannu própriu po sa decisioni pigada de is sardistas de sinistra de acotzai sa candidadura de Graziano Milia a sa presidénzia de sa Provìnzia de Casteddu.
A s’arrespusta de Muledda est arribbadu un’àteru repitu firmau Baldussi-Cipriano. “Su balori de sa chistioni morali – scrint is duus consilleris dimissionàrius – est aici pagu importanti po su cumpàngiu Muledda chi pensat ca depat essi delegau a su territoriu scéti comenti ‘chistioni de campanibi’ e no comenti chistioni de princípiu-basi po totu su movimentu”.
“Milia – acrarant – esti stetiu cundennau in apellu. Su giudíziu de crupa est definitivu. Su cumpàngiu Muledda s’imparat ca su terzu gradu de giudíziu pretocat a eventualis fízius de forma e de métodu”.

Sa Cgil narat no a sa riforma de su diritu de su traballu. Lúnis atóbiu in Casteddu

(IlMinuto) – Casteddu, 21 de su mes”e arbili – Nai no a sa lei de riforma de su diritu e de su processu de su traballu torrada a mandai agoa a pustis de essi stetia bullada de su Presidenti de sa Repubblica. Cun cust’iscopu sa Cgil at aprontau po lúnis 26 de su mes”e arbili, a cumenzai de is 10.00, un’atóbiu in Prazza Palazzo, a facc”e sa Prefettura de Casteddu.
“Sa Cgil de Casteddu – si ligit in d’una nota sindacali – at mandau una dimanda formali a su Prefettu de Casteddu, po atobiai cun d’unu grupu de personas chi ant a manifestai e ant a ammostai is arrexonis e is propostas insoru po modificai sa lei”. Po s’atóbiu ant giai addiriu is rapresentantis de is istituzionis, is consilleris regionalis, is parlamentaris, is abbogaus, is legistas e is professoris de s’Universidadi.