> 23 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 23/04/2010

Mostras de custu fin”e cida

(IlMinuto) – Casteddu, 23 de su mes”e arbili -

 

 

 

 

 

 

 

Macumère, finzas a su 25 de su mes”e arbili, ex Casermas Mura, X Mostra de su Líbburu in Sardigna

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Terràrba, finzas a su 30 de su mes”e arbili, Prometeo, “Arte in vetrina – Lux Art”

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 26 de su mes”e arbili, “S’Umbra – Progetti Fotografici”, “Daily life”: mostra fotografica de sa fotografa sudafricana Lindeka Qampi

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

 

Torinu, finzas a su 24 de su mes”e arbili, Bibblioteca comunali Primo Levi, mostra fotografica “Immagina Sardegna”

 

Casteddu, finzas a su 30 de su mes”e maju, Lazzaretto S.Elia, mostra “I percorsi della memoria”

 

Tàtari, finzas a su 24 de su mes”e arbili, Palazu de sa Frumentaria, aparada “Corpi in mostra. Riflessioni sulle immagini delle donne”

 

Casteddu, finzas a su 26 de su mes”e arbili, Galleria “La Bacheca”, mostra de Giorgio Podda “Plusvalore: piccolo compendio pitturato del Capitale di Karl Marx”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 25 de su mes”arbili, MK Spazio Cultura, mostra “Scolpiti dell’anima”

 

Casteddu, finzas a su 3 de su mes”e maju, Galleria dello Sperone, “Checkin(g) out of the Checkpoint” contu fotograficu de Machson Watch

 

Bidda Matzràxa, finzas a su 25 de su mes”arbili, Bibblioteca comunali, mostra “Amelia Camboni: l’artista, la scultrice, la donna”

Nucleari: lunis atóbiu po istabbiliri sa data de su referendum

(IlMinuto) – Casteddu, 23 de su mes”e arbili – Esti stetiu fissau po lunis 26 de su mes”e arbili a is 17.00 s’atóbiu – previdiu po ariseru – tra su comitau promotori de su referendum contra a su nucleari in Sardigna e sa presidenza de sa Regioni po istabbiliri sa data de su referendum.
“Su 9 de su mes”e fiàrgiu passau – arregodat una nota – Sardigna Natzione Indipendentzia iat portau a is ufícius de sa “Corte d’Appello” de Casteddu 16.286 firmas convalidadas e certificadas cun s’iscopu de fai unu referendum contra a su fàbbricu possíbbili, in Sardigna, de centralis nuclearis o de depósitus de ferrinas”.

Prc dinúnziat po sa malacreménzia contra a giòvanus emigraus in su mercau de Cuartu. "Tocat a dd’acabbai cun su razismu istituzionali"

(IlMinuto) – Casteddu, 23 de su arbili – “Tocat a dd’acabbai cun is azionis de razismu istituzionali. Custas malacreménzias funt fillas de is cusseguénzias de su clima de ódiu raziali e de cassa a su furisteri bófiu de is destras a su guvernu. Unu clima scadenau de sa cultura de is pachitus de siguresa e de is leis Bossi-Fini e Turco-Napolitano. Unu clima aggraviosu chi corpit is amministrazionis de su territoriu, e cun custas puru sa citadi de Cuartu”.
Cun custus fueddus su segretariu federali de su Prc, Giuseppe Stocchino, sa cordinadora de is “Giovani Comunisti” de sa provìnzia de Casteddu, Marta Laura Farci, cundennant sa “carda donada a unu giòvanu furisteri”, fattu custu acontéssiu mérculis passau in Cuartu Sant’Alèni in su mercau de via San Benedetto e fattu connosci atressu unu videu carrigau in Youtube.
“Is immàginis – acrarant Farci e Stocchino – ammostant unu giòvanu furisteri impauréssiu (ca su videu indicat comenti senegalesu), incordonau de una dexina de agentis de sa pulizia municipali cuartesa chi circant de dd’ammanetai cun d’una forza e una malesa sempiri prus manna. Mancumali ca funt numerosus is zérrius de sprama de is citadinus chi ant biu sa cadra e dinunziant su cumportamentu scurrégiu de is agentis”.

AMpI: in Tàtari assembrea púbblica po presentai sa candidadura de Bruno Bellomonte a síndigu

(IlMinuto) – Casteddu, 23 de su mes”e arbili – Dópiu apuntametu tataresu po A Manca pro s’Indipendentzia. Cida chi benit sa citadi at a aghilliri difatis un’assembrea púbblica po acozai sa candidadura de candidadura de Bruno Bellomonte a síndigu (26 de su mes”e arbili) e, a distànzia de 48 oras, una festa popolari po afestai “Sa die de sa Patria Sarda” (28 de su mes”e arbili). S’assembrea s’at a tenni a is 19.00 in sa saba de su “Dopolavoro ferroviario”. “S’interessat – acrarat su responsàbbili po sa Sardigna ‘e Tramuntana de aMpI, Marco Peltz – sa participazioni ativa de totus is personas cumpassivas a sa càusa de sa libberazioni de Bruno e a su progetu de una citadi allichidia de is interessus de is speculeris e de is sólitus rufianus eletoralis chi ant allupau su centru istoricu”. Est própriu in su centru istoricu, de is 18.00, chi s’at a tenni sa festa “De sa Patria Sarda” de su mes”e arbili, in d’una prazza chi po A Manca tenit unu sinnificau importanti. “Eus decidiu de aprontai una festa popolari manna prena de argumentus indipendentistas in Prazza Tola – acrarat s’imbasciadori nazionali Cristiano Sabino – poita própriu in custa prazza su patriota Francesco Cillocco cun àterus rivoluzinarius furiat stetiu trumentau cun sentidu malu de is colonialistas e, a pustis, bociu. Po custu eus decidiu de lamai sa sedi tataresa de aMpI própriu comenti su patriota e rivoluzionariu sadru Cillocco in sa diri de sa festa de sa pàtria nostra!”.

Claudia Zuncheddu (Rossomori): "Is italianus chi bollint sa guerra depint cabai is manus de Emergency, ‘testimóngiu incómodu’"

 

(IlMinuto) – Casteddu, 23 de su mes”e arbili – “Po is ‘italianus chi bollint sa guerra’ in Afganistan, s’arrestu de pagus diris fait de tres dotoris, esti stetia un’ocasioni po cumbàtiri  Emergency, ‘testimóngiu incómodu’”. Est cantu narat Claudia Zuncheddu – consilleri regionali, presidenti de is Rossomori e datori – in d’unu post pubblicau in su blog de cuss”e totu e chi tenit po títulu “Cabai is manus de Emergency”.
Sa sardista de sinistra arregodat de ai connotu Gino Strada candu fiat giòvunu, meda annus fait.
“Dd’apu connotu – ispiegat Zuncheddu – in su repartu de ‘Chirurgia d’Urgenza’ de su professor Staudacher cun su cali apu tentu abbitazioni po calincunu annu. Dd’arregodu in sa saba po is operazionis ‘a conca bàscia’, impignau in d’una operazioni meda difícili. A pustis de medas annus Gino Strada sighit ‘a conca bàscia’ a salvai vidas umanas, no prus in is sabas de su Policlinico de Milanu o in Città del Capo o in is Usa o in Gran Bretagna, ma fatuvatu in ‘ispidalis de campu’ pòberus, chi funt in is zonas prus disisperadas de su mundu e in guerra”.
“Su disacórdiu suu contra a sa guerra – aclarat – dd’ammostat dognia diri candu salvàt milla e milla vidas umanas. A Gino Strada, chirurgu de guerra, e a totus is collegas suus, chi si cumportant comenti “defesas umanas” po is prus pòberus, contra a su machímini de sa guerra, nos ddi depeus scéti ‘arrispetu’. S”arrispetu’ giustu po chini salvat sa vida de is àterus e, faendiddu scéti po doveri morali, donat unu sensu a sa vida sua. A Gino e a is collegas chi operant in trinceramentu nos auguraus una vida longa”.