> 26 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 26/04/2010

Mostras de su 27 de su mes”e arbili

(IlMinuto) – Casteddu, 26 de su mes”e arbili -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Terràrba, finzas a su 30 de su mes”e arbili, Prometeo, “Arte in vetrina – Lux Art”

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Casteddu, finzas a su 12 de su mes”e maju, Spazio P, “Lost and Found” – mostra di arte contemporanea di Dario Costa

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 3 de su mes”e maju, Galleria dello Sperone, “Checkin(g) out of the Checkpoint” contu fotograficu de Machson Watch

 

Casteddu, finzas a su 30 de su mes”e arbili, Espace de “Suoni & Pause”, “Declinazioni del paesaggio” – mostra fotografica de Ottavio Pinna e Federico Busonero

 

"Speranzia de Libertadi": is giòvanus de Sni ammentant su 28 de su mes”e arbili de su 1794

(IlMinuto) – Casteddu, 26 de su mes”e arbili – Arregordai su 28 de su mes”e arbili de su 1974 – diri aundi sa popolazioni de Casteddu si furiat furriada contra a is invasoris piemontesus boghendiddus de sa citadi – est unu diritu-doveri de dognia Citadinu sadru. Asuba de custu pensu is militantis de Sperantzia de Libertadi – s’organizazioni de is giòvanus de Sardigna Natzione Indipendentzia – narant a totus is istudiantis “de no andai a iscola e de cumenzai a si donai de fai po una rivoluzioni sadra noa”, sighendi is arrastas de “óminis comenti Giovanni Maria Angioy, Gioacchino Mundula e Francesco Cilocco chi, connoscendi su scuriu legiu aundi s’agatàt sa Sardigna, si furiant postus a sa guida de is arrumpellamentus popolaris po portai sa Sardigna a sa modernidadi”.
Po afestai custa diri, is giòvanus de Sni narant a totus is istudiantis de s’agatai in prazza San Cosimo, in Casteddu, a cumenzai de is 9.00.

Traballu: sa Regioni pigat 42 capus mannus

(IlMinuto) – Casteddu, 26 de su mes”e arbili – Sa Regioni Sardigna at a pigai 42 capus amministrativus mannus faendiddi unu cuntratu a vida. S’Assessorau de is “Affari generali” at pubblicau su bandu, chi de oi podit essi ligiu in su situ de sa Regioni.
Podint participai a su scioberu is laureaus in istudius giurídicus, económicus, finanziarius e aziendalis. Is dimandas po podi participai a su cuncursu depint essi mandadas scéti atressu internet inturu is 13.00 de su 25 de su mes”e làmpadas, cumpilendi sa dimanda online.

Po ndi sciri de prus: http://www.regione.sardegna.it/j/v/59?s=1&v=9&c=45&c1=45&id=19636

 

Cosa de papai e de bufai: de su 7 a su 9 de su mes”e maju sa segunda edizioni de su "Porto Cervo Wine Festival"

 

(IlMinuto) – Casteddu, 26 de su mes”e arbili – Est arribbau a se segunda edizioni su “Porto Cervo Wine Festival”. De su 7 a su 9 de su mes”e maju is protagonistas de sa manifestazioni – aghillia in is aposentus de su Starwood Hotels & Resorts – ant essi is cantinas chi produsint binus italianus e is nòminis prus importantis de su campu.
“Ant essi medas puru po s’edizioni 2010 – si ligit in d’una nota – is nòminis chi ant essi presentis po is dibbatidus aprontaus de su giornalista Bruno Gambacorta. S’enòlogu de importànzia manna Donato Liberati e sa sociologa Marilena Colussi, impari a medas àterus spertus, s’ant a cunfrontai po chistionai de is cambiamentus de su mundu de su binu e de is batallas noas de afrontai”.

 

Petizioni in su cuarteri de Biddanoa: "Primu de sa pedonalizazioni tocat garentiri is serbízius"

(IlMinuto) – Casteddu, 26 de su mes”e arbili – Firmai sa “pedonalizazioni” de is istradas de su cuarteri de Biddanoa, in Casteddu, in programma po su mes”e maju. Est cussu chi pedit una petizioni popolari a su síndigu de Casteddu, Emilio Floris, e a sa Giunta comunali. Sa cosa est promòvia de su círculu Prc Palmiro Togliatti.
“Su sceberu de promovi sa petizioni – acrarat su segretariu de su círculu Enrico Lobina – est nàscia po mori de is numerosas e participadas assembreas chi si funt tentans in is ùltimus tempus po chistionai de sa pedonalizazioni in su centru istoricu”.
“Is citadinus promotoris e firmatarius de sa petizioni popolari – precisat – primu de serrai a su tràvigu su cuarteri, pedint ca s’Amministrazioni comunali si dongat de fai po su cumprimentu lestu de unus cantu serbízius necessàrius; comenti cussu de donai areas a is parchegius de is residentis, e cussu de su cumprimentu de unu bus naveta eletricu (…), in prus, pedint de individuai fàscias orarias olàsticas po is operazionis de càrrigu e scàrrigu po is residentis”.
Po addiliri a sa petizioni e po arretirai is módulus de arregorta de firmas est possíbbili andai totus is diris, de is 18.00, in sa sedi de su círculu, in via San Domenico 10 in Casteddu.