> 27 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 27/04/2010

Mostras de su 28 de su mes”e arbili

(IlMinuto) – Casteddu, 27 de su mes”e arbili -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Terràrba, finzas a su 30 de su mes”e arbili, Prometeo, “Arte in vetrina – Lux Art”

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Casteddu, finzas a su 12 de su mes”e maju, Spazio P, “Lost and Found” – mostra di arte contemporanea di Dario Costa

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 3 de su mes”e maju, Galleria dello Sperone, “Checkin(g) out of the Checkpoint” contu fotograficu de Machson Watch

 

Casteddu, finzas a su 30 de su mes”e arbili, Espace de “Suoni & Pause”, “Declinazioni del paesaggio” – mostra fotografica de Ottavio Pinna e Federico Busonero

 

Vinyls: unu primu de su mes”e maju de lota e festa in S’Asinàra. Sa multinazionali Ramco depositat s’oferta de còmpora

(IlMinuto) – Casteddu, 27 de su mes”e arbili – S’oferta de còmpora est arribbada segundu is tempus previdius de su bandu assentau in sa mesa de is commussarius de sa Vinyls, ma su futuru de s’istabbilimentu de Pòrtu Turre no est ancora garentiu.
Po cumenzai cun s’operazioni Vinyls sa multinazionali de su Qatar abetat difatis s’ok de s’Eni a su coberamentu de totu su ciclu de su cloru/pvc, cun d’unu investimentu de 150 millionis de eurus.
Is traballantis de sa Vinyls funt in dognia modu decidius a sighiri s’ocupazioni de ex presoni de S’Asinàra e – cun s’agiudu de Legambiente – funt aprontendi in s’isola unu primu de su mes”e maju meda mannu (e sa festa at a sighiri puru domínigu 2 de su mes”e maju).
“Obbietivu de sa manifestazioni – si ligit in d’una nota – est un’alleànzia tra operàjus e ecologistas. Poita su benidori de s’industria no at podi essi ‘ecocompatibile’”.
Is operàjus e s’organizazioni ambientalista ant programmau duas diris de lota e de música, cun is concertus de is Istantales e de Enzo Favata.

Po ndi sciri de prus: http://www.legambientesardegna.com/

"Operazione United 79": in sa Terranòa Tàtari "performance" po denunciai is retardus in is traballus

(IlMinuto) – Casteddu, 27 de su mes”e arbili – Su 6 de su mes”e maju unu grupu de personas s’ant a corcai po 30 minutus in s’istrada statali Terranòa Tàtari, in s’artesa de su chilómitru 53/54, acanta de s’Enas. S’iscopu de sa cosa, batiada 53/54, est cussu de atirai ancora una borta s’atenzioni de is mezus de informazioni e de is istituzionis asuba de is tardamentus in su fàbbricu de s’istrada a cuatru corsias.
“Sa ‘performance’ – acrarat s’aprontadori de s’eventu Salvatore Scalora, maistu de “Educazione visiva e Discipline pittoriche” in s’Istitutu s’Arti de Lanusè – cunsistit in si corcai in d’una corsia de su tretu de istrada interessau, unu acanta de s’àteru, cobertus de unu telu biancu. Si tratat de impitai scéti 30 minutus de tempus preziosu de bosàterus po essi protagonistas de un’azioni chi at a abarrai in s’arregordu de totus e chi at a serbiri a mellorai sa cundizioni de sa vida nostra”.

"Trait d’union": sighint in Casteddu is cursus de imparu po is immigraus

(IlMinuto) – Casteddu, 27 de su mes”e arbili – “Trait d’union: percorsi comuni di interazione”: est custu su títulu de is atóbius de imparu po immigraus aprontaus de s’Associazioni “Amicizia Sardegna Palestina” e de s’Associazioni “Italo-Senegalese Deggo-Intesa”.
Is atóbius funt cumenzaus su 16 de su mes”e arbili e ant a sighiri dognia cida su cenàbara a is 19.00, in sa sedi de via Monte Santo in Casteddu. Su dinai po portai ainnantis sa cosa esti stetiu donau de s’”Assessorato del Lavoro” de sa Regioni Sardigna, cun s’iscopu de “ammostai is diversus puntus firmus de s’organizazioni e de s’orientamentu po su traballu in Sardigna”.

 

Nucleari: referendum regionali in atóngiu

(IlMinuto) – Casteddu, 27 de su mes”e arbili – Su referendum contra a su nucleari in Sardigna s’at a tenni in atóngiu de su 2010. Est cantu at nau ariseru su comitau promotori de su referendum ‘e totu a sa fin”e s’atóbiu cun su capu de su gabbinetu de sa Presidénzia de sa Regioni, Giandomenico Sabiu.
Sardigna Natzione Indipendentzia – chi in is mesis passaus at arregotu casi 17milla firmas po fai fai su referendum – at sceberau de no presentai listas a is elezionis amministrativas po traballai cun totu s’impignu suu in sa campagna contra a su fàbbricu de centralis nuclearis in s’Isola.