> 28 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 28/04/2010

Mostras de su 29 de su mes”e arbili

(IlMinuto) – Casteddu, 28 de su mes”e arbili -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Terràrba, finzas a su 30 de su mes”e arbili, Prometeo, “Arte in vetrina – Lux Art”

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Casteddu, finzas a su 12 de su mes”e maju, Spazio P, “Lost and Found” – mostra di arte contemporanea di Dario Costa

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 3 de su mes”e maju, Galleria dello Sperone, “Checkin(g) out of the Checkpoint” contu fotograficu de Machson Watch

 

Casteddu, finzas a su 30 de su mes”e arbili, Espace de “Suoni & Pause”, “Declinazioni del paesaggio” – mostra fotografica de Ottavio Pinna e Federico Busonero

In Casteddu est torra apretu isbarazu. Zuncheddu: "Sa domu no est tra is necessidadis de su Comunu e de sa Regioni"

(IlMinuto) – Casteddu, 28 de su mes”e arbili – Torrat s’apretu domu. In is diris passadas s’agenzia regionali Area at difatis notificau una fibera de isbarazus chi ant a tocai prusatotu is abbitantis de is duus cuarteris prus popolaus e prus bisongiosus de Casteddu: Is Mirrionis e S. Elia. Ddu denunziat cun d’una nota su consilleri regionali e comunali de is Rossomori, Claudia Zuncheddu. Sa sardista de sinistra castiat a is responsabbilidadis de sa Regioni e de su Comunu de Casteddu.
“S’apretu domu in Casteddu – precisat Zuncheddu – est curpa de s’ausenzia de atenzioni de parti de is istituzionis chi no castiant a sa chistioni de s’edilizia púbblica residenziali: scéti su fattu ca in Casteddu, nononstanti sa dimanda apretosa, no ddoi siant assignaduras de duus annus (forsis tra pagu tempus ant a benni donadas 20 domus!) dda narat longa – sighit s’esponenti de is Rossomori – e is millionis de eurus chi si podint spendi po afrontai s’apretu, ant a podi essi impegnaus po pigai de su mercau de is domus apartamentus líbberus in totus is cuarteris de sa citadi, meda de prus po recuperai is propiedadis chi ddoi funt giai”.

Trekking: a cuaddu de Gadoni a Igrèsias a sa scoberta de is caminus antigus de sa tràmuda

(IlMinuto) – Casteddu, 28 de su mes”e arbili – Torrai a scoberri, in sedda a unu cuaddu, unu de is antigus caminus de sa tràmuda, sa passada fatta a su càmbiu de is stagionis de is ceddas.
Est cantu proponint a is amantis de su trekking “Il Parco Geominerario Storico Ambientale” de sa Sardigna e s’”Associazione Sportiva Dilettantistica Cavalieri di Santa Chiara” po su fin”e cida de su 7, 8 e 9 de su mes”e maju.
Su caminu, cun essida de Igrèsias, at a atravessai calincuna zona mineraria importanti de su Parcu po finiri in Gadoni, in s’area de sa Miniera de Funtana Raminosa.
“Funtana Raminosa – s’acrarat in d’una nota – fait biri cun claresa is arrastas de s’isfrutamentu chi s’est tentu finzas de su períodu preistoricu, candu is nuragicus boganta s’arràmini po donai vida a is próprius mírficas òperas d’arti: is bronzetus”.
Is impiantus po tempus meda isfrutaus po bogai su metallu funt oi un’istraordinàriu esémpiu de archeologia industriali.

Traballu: in su 2009 record de disimpreu (13,3 po centu) po sa Sardigna

(IlMinuto) – Casteddu, 28 de su mes”e arbili – Su 13,3 po centu de is sadrus est senz”e traballu. Est cantu narant is datus 2009 fattus connosci custu mangianu de s’Istat. Is statisticas – chi perou no pigant in cunsidériu is ‘deludius’ chi no ant rinunziau a cicai traballu – ponint sa Sardigna a su segundu postu de sa classífica nazionali de is regionis cun tassus prus artus de disimpreu (cifra superada scéti de su 13,9 po centu de sa Sicilia).

Sanidadi: in Casteddu su IX cungressu po is dotoris chi operant in mexina de "apretu"

 

(IlMinuto) – Casteddu, 28 de su mes”e arbili – At essi dedicau a is isvilupus modernus de sa mexina de “apretu” su IX Cungressu regionali Simeu, in programma in su T-Hotel de Casteddu su 29 e su 30 de su mes”e arbili. Po sa primu borta s’atóbiu at a aghilliri puru una parti dedicada a s”area Nursing”.
“In is últimus annus is cambiamentus de sa sanidadi  - si narat in d’una nota – ant  portau a torrai a definiri is cómpitus de sa mexina de ‘apretu’. Eus difatis biu comenti is istruturas de su “Pronto Soccorso” ant otentu un’àteru giudíziu poita no funt prus unu logu de ‘passada’, ma de cura, cun s’arrespetu totali de is standard de seguresa”.