> 29 « mes’e arbili « 2010 « ilMinuto – notizie Mediterranee – edizione Sardegna

Archíviu de sa diri 29/04/2010

Mostras de su 30 de su mes”e arbili

(IlMinuto) – Casteddu, 29 de su mes”e arbili -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Terràrba, finzas a su 30 de su mes”e arbili, Prometeo, “Arte in vetrina – Lux Art”

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 2 de su mes”e maju, Crésia d e sa “Speranza”, “Nel nome del figlio” – installazioni fotografica de Francesca Manca di Villahermosa

 

Aristanis e Casteddu, finzas a su 30 de su mes”e arbili, (Aristanis: Lola Mundo, Luky Bar, Bar del Tribunale, Pispisa Ottico, C&D Bar- Casteddu: Gallery Cafè), “Senza parole” – mostra personali de Martina Olla

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Casteddu, finzas a su 12 de su mes”e maju, Spazio P, “Lost and Found” – mostra di arte contemporanea di Dario Costa

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 3 de su mes”e maju, Galleria dello Sperone, “Checkin(g) out of the Checkpoint” contu fotograficu de Machson Watch

 

Casteddu, finzas a su 30 de su mes”e arbili, Espace de “Suoni & Pause”, “Declinazioni del paesaggio” – mostra fotografica de Ottavio Pinna e Federico Busonero

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Casteddu, finzas a su 9 de su mes”e maju, Galleria d’Arte Spazio culturale MK, mostra de pintura de Elisa Kiki Gaviano

 

Pula, finzas a su 6 de su mes”e maju, “Casa Frau”, mostra fotografica “I passi di Sant’Efisio” de Luca Fadda

 

Casteddu, finzas a su 13 de su mes”e maju, Centru comunali d’Arti “La Vetreria”, mostra “Red Carpet walk of fame”

 

Cuartu Sant’Aleni, finzas a su 7 de su mes”e maju, Centru museali “Quartissimo”,  dópia mostra personali “Play>Risk/Introspezione”

Comitau po sa Territorialidadi de sa Pena: s’8 de su mes”e maju pichetu a fac”e su Consillu regionali. "Eus a donai is 3milla firmas arregortas. Seus stracus de fai passadissu"

(IlMinuto) – Casteddu, 29 de su mes”e arbili – 3milla firmas arregortas cun d’una mozioni popolari, presentadas de odg in is Provìnzias e in is Comunus de sa Sardigna, s’obertura de unu grupu Facebook cun 1450 iscritus.
Funt custus is arrisurtaus de su traballu ammutullonau de su comitau po sa Territorialidadi de sa Pena, nàsciu in s’atóngiu de su 2009 po denunciai s’acuntéssia de Bruno Bellomonte e po pediri ca is presoneris cundennaus o chi funt abetendi su giudíziu, iscontint sa pena in is presonis chi s’agantant prus acanta a is famílias insoru (segundu cantu previdit una lei de su 1975).
S’atividadi manna de su Comitau no est perou bastada a cumbinci chini de doveri a fissai un’atóbiu cun sa “Commissione Diritti Civili” in Consillu regionali. Mesis de abetu longu e inútili ant portau su Comitau a promòviri una manifestazioni in Casteddu po sàbudu 8 de su mes”e maju.
“Stracus de passadissus senz”e fini – si ligit in d’una nota de su Comitau – s’8 de su mes”e maju seus a movi po andai in Casteddu aundi s’at a tenni unu pichetu ainnantis de sa Regioni, in custa diri eus a donai is firmas arregortas, su frutu de su traballu de tantus amigus e cumpàngius”.
“Bolleus – sighit su documentu – un’impignu beru e no promissas búidas o s’istituzioni de suta-Commissionis noas po sa cumparzidura de is cadiras e de is getonis de presénzia”.

In Gonnoscodina passillada in is arrastas de Maria Zara: brúscia

(IlMinuto) – Casteddu, 29 de su mes”e arbili – Una caminada po is moris de is cogas, in cica de is “arrastas” lassadas in su Cincuxentus de Maria Zara.
Est custu su programma chi sa Pro Loco de Gonnoscodina oferit a is turistas e a is amantis po domínigu chi benit.
Sa passillada in mesu a su birdi – cun cumenzu a is 9.00 in sa praz”e crésia de S. Sebastiano -, s’at a fai po is caminus fattus de Maria Zara, brúscia de Gonnoscodina processada de s’Incuisizioni.
“Maria Zara – si ligit in sa senténzia ligia in su 1585 de s’icuisidori in praza Santa Caterina in Tàtari – nàscia e abbitanti in sa bidda de Gonnoscodina, fut cundennada comenti coga e comenti suspeta de essi una trapassera formali”.
“Is istudius fatus de pagu – acrarat sa Pro Loco – si funt cuncentraus asuba de sa fatura comenti fenómenu culturali, cun d’unu interessu nou in matéria de faturas comenti ‘espressioni de cunvinzionis, de baloris e de fantasias’”.
“In is moris de is cogas – si ligit in d’una nota – ddoi funt is arrastas de s’energia ancora briosa de is ciclus de sa natura, de una natura mirífica e interessanti, arrica e prena de cosas chi bollint essi connoscias mellus e bollint puru essi tuteladas”.
Sa diri previdit unu pràngiu in su sartu in Pala funtana e, in su merì, sa bisita a s’omu ‘e s’orcu.

Di Pietro nominat Palomba. Su cordinadori regionali de s’Idv candidau a sa presidénzia de sa Provìnzia de Casteddu

(IlMinuto) – Casteddu, 29 de su mes”e arbili – At essi Federico Palomba su candidau de s’”Italia dei Valori” a sa presidénzia de sa Provìnzia de Casteddu.
Su cordinadori regionali de s’Idv esti stetiu indicau – e nominau – candidau presidenti de su leader nazionali Antonio di Pietro, a pustis de su ballotagiu tra Tiziana Frongia e Patrizio Rovelli is ischedas controlladas furiant arresurtadas prus numerosas de is votandis, cun acusas de disfalsamentu tra is duus grupus internus a su partidu.

Calciu po giòvanus: 45 squadras e 800 atletas po su Torneu internazionali de Senobria

(IlMinuto) – Casteddu, 29 de su mes”e arbili – 45 scuadras cun prus de 800 atletas chi tenint un’edadi tra is 5 e is 16 annus e chi benint de totu sa Sardigna, de continenti e de tres nazionis foras de istadu. Funt custus is númerus de sa XV edizioni de su Torneu internazionali de calciu po giòvanus, in programma de su 25 a su 28 de su mes”e làmpadas in Senobria.
Sa manifestazioni, aprontada de s’”Unione Sportiva Fulgor” cun s’amministrazioni comunali, est – si narat in d’una nota – meda importanti po totu sa bidda de Senobria, no scéti po su sport, sa sociedadi e s’economia. Su torneu, difatis, at a permítiri de portai s’immàgini de sa bidda a foras de is làcanas de sa Trexenta e de fai apreziai is arrichesas de s’archeologia, de sa cultura e sa cos”e papai”.