> Cínema: "Arturo torna dal Brasile" de Marco Pani bincit su prémiu "Storie di emigrati sardi" « ilMinuto – notizie Mediterranee – edizione Sardegna

Cínema: "Arturo torna dal Brasile" de Marco Pani bincit su prémiu "Storie di emigrati sardi"

(IlMinuto) – Casteddu, 26 de su mes”e arbili – Su contu de 13 annus de disterru de Arturo, de S’Alighera, médicu e maistu de cínema chi, a pustis de sa fini de sa segunda guerra mondialli, si ndi andat in Brasibi e participat a una fasi de cambiamentu mannu de su territoriu sudamericanu. Est custu su tema de su film de Marco Pani, “Arturo torna dal Brasile”, bincidori de su cuncursu de cínema “Storie di emigrati sardi”.
Sa pellícula de Pani at a benni ammostada cras a merì in Casteddu (19.30, Cineworld) po s’ùltima diri de s’eventu promòviu de sa Fasi (Federazione associazioni sarde Italia), de sa “Società umanitaria” sadra e de sa Regioni Sardigna. Ant a benni presentadas a su púbblicu puru “Maria-Marie” de Nicola Contini (pellícula segunda classificada)  e “Io sono qui” de Mario Piredda (terzu postu).
A sa fin”e de is proiezionis est previdia sa ceremónia de premiazioni cun sa participazioni de su presidenti de sa Fasi, Tonino Mulas, e de su diretori de sa “Società umanitaria”, Antonello Zanda.

© RIPRODUZIONE RISERVATA

1 Arrespusta a “Cínema: "Arturo torna dal Brasile" de Marco Pani bincit su prémiu "Storie di emigrati sardi"”


Is cummentus funt serraus.