> Píndula Ru486. Zuncheddu (Rossomori): iscrobai is pòderis de sa Crésia de is pòderis de su Stadu" « ilMinuto – notizie Mediterranee – edizione Sardegna

Píndula Ru486. Zuncheddu (Rossomori): iscrobai is pòderis de sa Crésia de is pòderis de su Stadu"

(IlMinuto) – Casteddu, 6 de su mes”e arbili – “No a is giogus de pòderi de una classi política intregada a su malu. Sì a sa cumparzidura de is pòderis de sa Crésia e de su Stadu”. Funt custus is fueddus cun is calis Claudia Zuncheddu, médicu, consilleri regionali e presidenti de is Rossomori, acudit in defesa de sa libbertadi de sa fémina e de sa lei in matéria de strumíngiu chímicu. “Su strumíngiu – acrarat – est unu dramma e una derrota po is féminas.
Sa lei 194, chi ddu arregulat, est una conchista chi at permitiu de libberai su strumíngiu, de evitai chi si fazat a fura, cuendusì. Sa lei est un’istrumentu necessàriu po ddu cumbati cun s’agiudu de is médicus. S’Ru486 est su strumíngiu chímicu chi ndi liat a is féminas sa suferénzia de su corpu e chi limitat is dannus a conca”.
“Sa Crésia – precisat Zuncheddu – fait una batalla contra a sa s’aprou, de parti de s’Aifa, de sa béndida de sa píndula Ru486, píndula chi pemitit su strumíngiu. In d’unu momentu aundi totu s’umanidadi zerriat giustízia po is arroris fattus a is pipius in dognia arranconi de su mundu de un’esérzitu sempiri prus numerosu de ‘preigadoris de fidi’, sa Crésia Católica cun sa própriu dupiesa no si fait un’esàminu de cuscénzia e no si incrubat a s’umiliamentu e a sa bregúngia, anzis, sa pedofilia est giai diventada un’esperiénzia normali”.

Totu su pensu podit essi ligiu in su blog http://claudiazuncheddu.splinder.com/

© RIPRODUZIONE RISERVATA

0 Arrespustas a “Píndula Ru486. Zuncheddu (Rossomori): iscrobai is pòderis de sa Crésia de is pòderis de su Stadu"”


Is cummentus funt serraus.