> mes’e maju « 2010 « ilMinuto – notizie Mediterranee – edizione Sardegna

Archìviu de mes'e maju 2010

Mostras de su primu de su mes”e làmpadas

(IlMinuto) – Casteddu, 31 de su mes”e maju -

 

 

 

 

 

 

 

 

Casteddu, finzas a su 18 de su mes”e làmpadas, Pinacoteca nazionali, “Ponteggiando” – mostra dedicada a s’òpera de Enzo Siviero

 

 

Sèttimu, finzas a su 26 de su mes”e cabudanni, “Arca del Tempo”, mostra “Ubi Roi” – litografias de Joan Mirò

 

Nùgoro, finzas a su 6 de su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” – Museu Archeológicu Nazionali, “Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Sassari, finzas a su 27 de su mes”e làmpadas, Sosushi, “Back to play” – mostra fotografica de Chiara Porcheddu
 

Casteddu, finzas a su 27 de su mes”e làmpadas, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 15 de su mes”e làmpadas, Teatru Stabile de sa Sardigna “I ritorni – viaggi di formazione”

 

Cuartu Sant’Alèni, finzas a s’11 de su mes”e làmpadas, Centru d’arti musicali “Quartissimo”, “Autoritratto contemporaneo” – mostra curada de A. G. Aversano

 

Portu Chervu, finzas a su 30 de su mes”e ledàminis, MdM Museum, “Ultimo atto d’amore” – mostra a cura de Enrico Badellino

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Firenzi, finzas a su 14 de su mes”e làmpadas, Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

 

Casteddu, finzas a su 21 de su mes”e argiolas, foyer de su Teatru Lirico, “Spazi (dis)abilitati” – mostra dedicada a s’arti sudamericana contemporanea
 

Casteddu, finzas a su 4 de su mes”e làmpadas, Istituto Europeo de Design, “Da quest’altra parte del mare” – mostra fotografica

 

Casteddu, finzas a su 6 de su mes”e làmpadas, Galleria Espace S&P, “Esquisses et Etudes” – mostra desu giòvanu pintori Davide Siddi

 

 

Casteddu, finzas a s’8 de su mes”e làmpadas, Galleria d’Arti La Bacheca, “Punti di vista inconsueti” – mostra de Henriette Barthless

 

 

Casteddu, finzas a su 13 de su mes”e làmpadas, Centru de progetus socialis, “Convivium. A cena con la storia” – mostra

 

 


"Cavatappi d’idee": una mostra-cuncursu po sa Crannàcia de Aristanis

(IlMinuto) – Casteddu, 31 de su mes”e maju – Avalorai sa Crannàcia de Aristanis Doc comenti “binu de su logu símbulu de s’identidadi de sa coxina e de sa cultura materiali de su territoriu”. Est custu s’iscopu de sa mostra-cuncursu pomòvia de s’assóziu “Cavatappi d’idee”. Po custu progettu – chi bidit una categoria “senior” e una “istudiantis” – at essi possibbili participai cun òperas de grafica o de literadura.
Dognia artista at a podi presentai finzas a tres traballus, totus dedicaus a sa “Crannàcia de Aristanis”.
“Is artistas chi funt interessaus – si ligit in d’una nota – podint fai arribbai a s’assóziu is òperas insoru e su folliu cun su cali addirint a su cuncursu, inturu su 14 de su mes”e làmpadas, in sa sedi de s’assóziu de bia Tharros 91 Aristanis”.
Is òperas ant essi ammostadas de su 18 de su mes”e làmpadas a su 9 de su mes”e argiolas in is vetrinas de is mercaderis de Aristanis.

Po ndi scir de prus:
telèfonu 348 0812215
email: cavatappi1@tiscali.it

 

 

 

Israeli bocit 19 paxiosus de sa "Freedom Flotilla". Cras a merì sit in de protesta in Casteddu

(IlMinuto) – Casteddu, 31 de su mes”e maju – “Ativistas po is diritus umanus de prus de 40 nazionalidadis e medas agiudus umanitarius. Centinas e centinas de cuintalis de ciumentu, 100 domus prefabbricadas, materiali iscolasticu, 500 carrozinas, mexinas”.
Funt custas is “armas” – acrarat s’Associazioni “Sardegna Palestina” – chi sa missioni umanitaria de sa Freedom Flotilla bolliat portai in sa Striscia de Gaza forzendi is blocus militaris. Missioni firmada, cun pagu sentidu, a su noti, de sa marina e de is elicoterus de Israeli, chi ant assaltau una de is nais de sa flota, bocendi 19 paxiosus e fadendi diversus ferius.
S’Associazioni at aprontau po cras a merì in Casteddu (18.00, Bastioni de Casteddu) unu sit in po manifestai contra a custa strossa fatta de is forzas armadas de su stadu de Istraeli.
n pagus oras – atressu de unu grupu Facebook – ant addilliu a s’eventu prus de centu ànimas e forzas comenti s’organizazioni indipendentista Sardigna Natzione e su sindacau de basi Usn (ex Rdb).
“Po segai sa solidariedadi internazionali chi s’est creada ingíriu a sa càusa palestinesa – scririt sa direzioni nazionali de Sni – Israeli est passau de is trampas diplomàticas a is omicídius meditaus in segretu e a is strossas de amigus paxiosus de is palestinesus”.
Meda forti puru sa reazioni de s’”Unione Sindacale di Base”. “No acetaus – scririt s’Usb – sa mudesa e sa complicidadi cun su terrorismu de stadu israelianu e cust’àteru arrevesciori malu in is cunfrontus de sa legalidadi internazionali. Acozaus sa campagna de boicotadura de s’economia de guerra israeliana”.
Arrabiau su cummentu de s’imbasciadori de aMpI Cristiano Sabino. “Is militaris israelianus – narat Sabino – si funt cumportaus puru custa borta comenti berus e próprius scuadronis de sa morti imbriagus de velenu colonialista: ant assaltau sa nai de is paxiosus chi furiant sbentulendi bandheras biancas e ant bociu dexianas de personas”.
“Atuaus – concluit s’esponenti de aMpI – ca nesciunu organísimu internazionali, nonostanti is protestas a fueddus, at a frimai su colonialismu israelianu e italianu e ca scéti sa resisténzia e sa lota popolari at a podi bogai de fund’e arréxini custu mali mandiadori de s’istoria e scriri una pàgina noa de civiltadi e umanidadi”.

Prézius in Casteddu: -0,1 po centu in su mes”e maju

(IlMinuto) – Casteddu, 31 de su mes”e maju – In su mes”e maju s’índixi a su cunsumu de sa citadi de Casteddu at registrau unu diminuimentu de su 0,1 po centu.
Ddu narat cun d’unu comunicau de imprenta su Serbítziu Statistica de su comunu. Si cunfrontau cun cussu de su mesi passau ddoi esti stetiu unu calu de su 0,4 po centu a sa boxi “Ricreazione, spettacolo e cultura” e un’aumentu de su 0,3 in su cumpartu “Abitazione,acqua, elettricità e combustibili”.
Calixeddu puru po s’índixi annuali tendenziali chi passat de s’1,9 po centu a s’1,8.

Festivalguer: de su 6 de su mes”e làmpadas in S’Alighera un’apuntamentu cun is númerus unu de sa música italiana

(IlMinuto) – Casteddu, 31 de su mes”e maju – Elisa, Dalla e De Gregori, Elio e le Storie Tese, Carmen Consoli e Cristiano De Andrè. Funt scéti calincunu de is nòminis prus importantis de su Festivalguer 2010, sa rassigna de música in programma de su 6 de su mes”e cabudanni in S’Alighera.
Su progetu, promòviu de s’amministrazioni de sa citadi e aprontau de “Sardegna Entertainment”, at a aportai in su palcu de su Teatru Maria Pia calincunu de is númerus unu de sa música italiana.
Su Festivalguer si cunfirmat comenti unu de is puntus de forza de s’istadi in sa citadi catalana: “logu de turismu culturali e musicali po dexinas de migliaja de stimadoris – acalarat s’ufíciu de imprenta – chi in is úrtimus ot’annus ant superau is 240milla aspetadoris chi pagant, cun d’una média annuali de circa 30milla billettus bèndius”.
Su Festival at essi serrau su 25 de su mes”e cabudanni de Elio e le Storie Tese cun “Bellimbusti balneari tour 2010″.

Castia su programma: www.festivalguer.com