> 2010 mes’e maju 03 | ilMinuto

Archíviu de sa diri 3/05/2010

Mostras de su 4 de su mes”e maju

(IlMinuto) – Casteddu, 3 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Tàtari, finzas a su 4 de su mes”e maju, Sosushi, “Architetture dell’ego” – mostra de Pia Ruggiu

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Casteddu, finzas a su 12 de su mes”e maju, Spazio P, “Lost and Found” – mostra di arte contemporanea di Dario Costa

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Casteddu, finzas a su 9 de su mes”e maju, Galleria d’Arte Spazio culturale MK, mostra de pintura de Elisa Kiki Gaviano

 

Pula, finzas a su 6 de su mes”e maju, “Casa Frau”, mostra fotografica “I passi di Sant’Efisio” de Luca Fadda

 

Casteddu, finzas a su 13 de su mes”e maju, Centru comunali d’Arti “La Vetreria”, mostra “Red Carpet walk of fame”

 

Cuartu Sant’Aleni, finzas a su 7 de su mes”e maju, Centru museali “Quartissimo”,  dópia mostra personali “Play>Risk/Introspezione”

Presonis. Ben Amara (Fds): "Tocat a aplicai su principiu de sa territorialidadi de sa pena puru a is presoneris furisteris"

(IlMinuto) – Casteddu, 3 de su mes”e maju – “Est assurdu ca sa Giunta regionali, nonostanti siat stetia firmada de cuatr’annus una prísia de intesa precisa tra su Ministeru de sa “Giustizia” e sa Regioni Autónoma de sa Sardigna, ancora no si siat ativada cumenti si depit” po donai aprigu a su principiu de sa territorialidadi de sa pena. Est cantu afirmant cun d’una nota de imprenta (primu a ai firmau Radouan Ben Amara) is consilleris regionalis de su grupu consiliari “Comunisti, Sinistra e Libertà, Rossomori”. Ben Amara e is àterus esponentis de sa sinistra ant presentau puru una mozioni cun s’obbietivu de ponni in s’odg de s’Assembrea regionali sa chistioni, chi interessat numerosus presoneris sadrus.
In basi a su principiu de sa territorialidadi de sa pena – arregordat Ben Amara – “is presoneris de nàscida sadra podint scontai sa pena in is presonis de s’Isola, pighendi in cunsidériu su logu de residénzia de is famílias. Principiu chi podit e depit essi aplicau a is presoneris furisteris chi dimandant de podi scontai sa pena in su logu de aundi benint, aplichendusì unu principiu de civiltadi giuridica, ma no scèti, poita in custu modu is presonis no ant ‘isciopai’ po mori de sa genti meda”.

Circustànzia Basciu: Napolitano no firmat sa gràzia e su meri de su manegiu "Caddhos" torrat in presoni

(IlMinuto) – Casteddu, 3 de su mes”e maju – “Sergio Basciu iat a ai poziu sighiri a scontai cussu chi abarrat de sa pena cun is arrestus in domu essendu arrennesciu a cumprovai in longu e in largu cun atus cuncretus de ai cumprendiu is erroris fattus cuíndix’annus fait”. Est cantu afirmat Maria Grazia Caligaris, presidenti de “Socialismo Diritti Riforme”, a pustis de ai scípiu ca su meri de su manegiu Caddhos in su cuarteri de Medau su cramu de Casteddu esti stetiu torra arrestau: su presidenti de sa Repúbbrica Giorgio Napolitano no at difatis donau sa gràzia.
“Sa giustízia – precisat Caligaris – no castiat in faci nemus e negat balori a su fattu ca Basciu s’est torrau a educai a solu. Aici Sergio Basciu est torrau su 28 de su mes”e arbili in Buoncammino, cun in prus su marigori de no podi preparai is próprius cuaddus po sa 354a sagra de sant’Efisi”.
“Tocat a promòviri – afirmat sa presidenti de Sdr – una filosofia noa de su recúperu sociali, prusatotu candu si berificant circustànzias comenti cussa de Basciu chi no at prus fattu un’atu contra a sa lei”.

Sadru campidanesu: s’Académia de su Sardu onlus aprovat is normas de Provìnzia de Casteddu

(IlMinuto) – Casteddu, 3 de su mes”e maju – “S’Académia de su Sardu onlus donat un’arrespusta positiva a is Arrègulas po ortografia, fonètica, morfologia e fueddàriu de sa Norma Campidanesa de sa Língua Sarda, aprovadas a s’unanimidadi de su Consillu Provìnziali de Casteddu su 17 de su mes”e marzu de su 2010.
“Sa norma adotada su 17 de su mes”e marzu – s’acrarat in d’unu comunicau – no esti stetia inbentada de is Autoris de is Arrègulas o de custa Provìnzia, e funt ingunis a ddu cumprovai séculus de literadura sadra, is calis funt puru sa basi de sa proposta ‘e totu. De séculus custa literadura est sparzia, in campidanesa e in logudoresa, e custu est acontéssiu desesi, po boluntadi de is sadrus, chi ant istoricamenti preferiu custa soluzioni”.
“Funt is sadrus ‘e totu – sighit sa nota – ca s’inditant su caminu chi nos immoi seus faedi. Custu est po nos s’únicu caminu possíbbili: una língua sadra, e torraus a arripiti una, cun duas normas, sa norma campidanesa e sa norma logudoresa, in s’arrispetu de sa tradizioni leteraria e de sa boluntadi de is sadrus”.

"Gig e Amici Terra": "Sa Regioni bendit ‘bículus’ de is Salinas de Carluforti. Su pranu de recúperu ambientali arriscat"

(IlMinuto) – Casteddu, 3 de su mes”e maju – “Sa Regioni autónoma de sa Sardigna bollit bendi ‘bículus’ de is Salinas de Carluforti” ponendi in perígulu su pranu de recúperu de s’area. Est cantu denunciant cun d’un’única nota su “Gruppo d’intervento giuridico e gli Amici della Terra”. Tra is benis in béndida postus in órdini in s’XI Programma de “Dismissione” chi at tentu s’aprou de sa Giunta regionali – precisant is duas associazionis ambientalistas – ddoi funt difatis unu palazu e unu capannoni de is Salinas de Carluforti. Duas istruturas – acrarant – “importantis po su cumprimentu de un’interventu de recúperu ambientali de is Salinas” a òpera de su Comunu.
“S’insertamentu de is duus fàbbricus chi faint parti de su cumpéndiu de is Salinas tra cussus chi si podint cèdiri – acrarant “Gig e Amici della Terra” – parrit unu sceberu unu pagu macu: est beni chi su Comunu de Carluforti si fazat intendi debressi in Regioni”.
“Su recúperu ambientali de is Salinas, difatis, podit essi un’importanti passu ainnantis po sa gestioni “sostenibile” de unu beru e própriu scrusórgiu naturalisticu e istoricu”.
Atesu pagu centinas de metrus de su centru de sa bidda, is Salinas de Carluforti – no prus in motu de meda annus – cun su tempus si funt trasformadas in d’unu logu perfetu po aghilliri numerosas arrazas de pillonis de àcua, tra custus ddoi est sa Gentarrúbia, su Cau corsu, su Zuruliu de àcua e su Sabateri.

Po ndi sciri de prus: http://gruppodinterventogiuridico.blog.tiscali.it/