> 04 « mes’e maju « 2010 « ilMinuto – notizie Mediterranee – edizione Sardegna

Archíviu de sa diri 4/05/2010

Mostras de su 5 de su mes”e maju

(IlMinuto) – Casteddu, 4 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Casteddu, finzas a su 12 de su mes”e maju, Spazio P, “Lost and Found” – mostra di arte contemporanea di Dario Costa

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Casteddu, finzas a su 9 de su mes”e maju, Galleria d’Arte Spazio culturale MK, mostra de pintura de Elisa Kiki Gaviano

 

Pula, finzas a su 6 de su mes”e maju, “Casa Frau”, mostra fotografica “I passi di Sant’Efisio” de Luca Fadda

 

Casteddu, finzas a su 13 de su mes”e maju, Centru comunali d’Arti “La Vetreria”, mostra “Red Carpet walk of fame”

 

Cuartu Sant’Aleni, finzas a su 7 de su mes”e maju, Centru museali “Quartissimo”,  dópia mostra personali “Play>Risk/Introspezione”

 

Tàtari, finzas a su 9 de su mes”e maju, Saba Duce Palazu Ducale, mostra fotografica “Sassari Flashback”

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini

Casteddu, finzas a su 15 de su mes”e maju, Palazu Regio, mostra d’arti contemporanea “La rivolta di primavera 2 aprile 1794 – sa die de sa Sardigna”

Casteddu, finzas a su 7 de su mes”e maju, Centru comunali Area 3, “L’arte di essere madre”

Biodiversidadi: in sa foresta de Montarbu unu progetu po difèndiri sa trota sadra

(IlMinuto) – Casteddu, 4 de su mes”e maju – “Tutela della trota sarda: un progetto nella foresta di Montarbu”. Est custu su títulu de su cunvegnu in programma in Seui (9.30, Galleria cívica) po su 15 de su mes”e maju chi benit.
“Sa trota sadra tanti tempus fait s’agatàt in d’unu nùmeru meda mannu de arrius de s’Isola – est nau in d’una nota pubblicada in su situ de sa Regioni Sardigna –  ma at cumenzau, a partiri de is primus de is annus Setanta, a essi presenti sempiri de mancu in is àcuas e immoi arriscat su sparessimentu”.
Po crastinai s’arriscu de sparessimentu e de “imbrutamentu geneticu” de custa arraza, esti stetiu incamminau unu progetu in sa foresta de Montarbu, chi at essi ammostau in su cunvegnu.

Presonis: sanidadi senz”e dinai in Buoncammino. M.G. Caligaris (Sdr): "Arriscant is curas de is presoneris"

(IlMinuto) – Casteddu, 4 de su mes”e maju – “Sa chistioni sanitaria de is presoneris de Buoncammino arriscat de scabiossai”. Ddu denuciat cun d’una nota Maria Grazia Caligaris, presidenti de s’associazioni Socialismo Diritti e Riforme.
“Est spaciendi – acrarat – su dinai po garentiri is curas a is citadinus privaus de sa libbertadi e su Centru “Diagnostico Terapeutico” registrat un’abbundànzia de genti. Ddoi funt ànimas chi tenint maladias meda grais. Su panorama no est po nudda bellu e su tempus benidori est ancora pagu seguru”.
Nonostanti sa Commissioni paritetica Stadu-Regioni apat donau su via, s’iter po passai de sa gestioni de sa sanidadi de su presoni a cussa de sa Asl de Casteddu est ancora firmu in su Ministeru de s’”Economia”.
“S’allonghiamentu de is tempus – precisat – est determinendu una cundizioni de dúbbiu chi si furriat asuba de is operadoris influendi in s’atividadi insoru, ma no scéti, si furriat puru asuba de chini tenit maladias grais chi abbisongiant de essi curadas cun mexinas e terapias precisas. Si pighit in cunsideriu ca a pustis de s’iter ministeriali chi previdit su nulla osta de is ministerus de su “Welfare”, de is “Affari regionali”, de sa “Funzione pubblica” e de s’”Economia”, su documentu at a depi essi aprovau de su Consillu regionali”.
Una fibera de passus burocraticus ca arriscant de fai meda dannus a sa saludi de is presoneris de su presoni de Buoncammino.
“Tra s’àteru – osservat sa presidenti de Sdr – no esti stetiu ancora definiu su “status” de is medicus e de is infermeris chi traballant in is presonis e chi, a pustis de tant’annus de mestieri in su campu, disigiant un’arreconnoscimentu”.

"Sassari flashback": su cambiamentu de su centru istoricu in d’una fotografia de 37 metrus

(IlMinuto) – Casteddu, 4 de su mes”e maju – Su contu de su cambiamentu de su centru istoricu de Tàtari atressu un’única tira fotografrica longa 37 metrus fatta de 300 immàginis. Est cantu oferrit a is bisitadoris sa mostra “Sassari Flash Back” de Pierfranco Cuccuru, aghillia de oi a su 9 de su mes”e maju in sa saba Duce de Palazu “Ducale”. S’aparada ammostat is traballus de su Pit, chi si funt tentus in citadi tra su 2005 e su 2009.
“A corp”e ogu – est acrarau in d’una nota – est possíbbili imbrassai su cambiamentu chi at interessau 78 tra vias e prazas. In prus funt allestius pannellus cun d’una bista asuba de is canteris prus importantis: praza Castello, praza d’Italia, ‘emiciclo’ e mercau cívicu”.

Enogastronomia: Nicola Perra est su maistu de sa birra de s’annu

(IlMinuto) – Casteddu, 4 de su mes”e maju – Est sadru su maistu de sa birra de su 2009. Sa ribista web “Fermento Birra” at donau in is diris passadas a Nicola Perra de su Birrificiu Barley de Maracalagonis s’arreconoscimentu meda preziau. Perra esti stetiu elígiu de una giuria fatta de is espertus prus bravus de sa matéria.
“Unu prémiu, chi, a diferénzia de is classicus arreconoscimentus – si ligit in s’artículu chi annunziat sa bitória – no bollit valutai cantu est bella una birra in d’unu momentu precisu, ma prusaprestu s’abbilesa ténnica totali de su maistu de sa birra, sa filosofia sua, sa cura po sa cica de is produtus de calidadi”.
Su Birrificiu Barley est nàsciu in Maracalagonis in su 2006, de una bidea de Nicola Perra e Isidoro Mascia. Is duus sózius ant ammanniau cun is annus sa fibera de is birras, fattas cun s’impiegu de ingredientis fillus de su territoriu: sa saba de su Cannonau fatta cun s’àgina de una bíngia insoru e cun is mebis biologicus.
In custu modu ant poziu creai birras po dognia stagioni, est a nai ca s’agatant in su mercau scéti in calincunu períodu de s’annu.