> 05 « mes’e maju « 2010 « ilMinuto – notizie Mediterranee – edizione Sardegna

Archíviu de sa diri 5/05/2010

Mostras de su 6 de su mes”e maju

(IlMinuto) – Casteddu, 5 de su mes”e maju -

 

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Casteddu, finzas a su 12 de su mes”e maju, Spazio P, “Lost and Found” – mostra di arte contemporanea di Dario Costa

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Casteddu, finzas a su 9 de su mes”e maju, Galleria d’Arte Spazio culturale MK, mostra de pintura de Elisa Kiki Gaviano

 

Pula, finzas a su 6 de su mes”e maju, “Casa Frau”, mostra fotografica “I passi di Sant’Efisio” de Luca Fadda

 

Casteddu, finzas a su 13 de su mes”e maju, Centru comunali d’Arti “La Vetreria”, mostra “Red Carpet walk of fame”

 

Cuartu Sant’Aleni, finzas a su 7 de su mes”e maju, Centru museali “Quartissimo”,  dópia mostra personali “Play>Risk/Introspezione”

 

Tàtari, finzas a su 9 de su mes”e maju, Saba Duce Palazu Ducale, mostra fotografica “Sassari Flashback”

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini

Casteddu, finzas a su 15 de su mes”e maju, Palazu Regio, mostra d’arti contemporanea “La rivolta di primavera 2 aprile 1794 – sa die de sa Sardigna”

Casteddu, finzas a su 7 de su mes”e maju, Centru comunali Area 3, “L’arte di essere madre”

Circustànzia Bussu: bullada sa dimanda de arrestu de su pm. Sa solidariedadi de Sni e aMpI

(IlMinuto) – Casteddu, 5 de su mes”e maju – “Connosceus beni Francesco Bussu, síndhigu indipendentista de Lodìne, sendu assolutamenti segurus de s’onestadi sua, personali, intelletuali e política, Sardigna Natzione Indipendentzia espressat sa totali fidúcia in is cunfrontus de su própriu militanti e espressat fidúcia puru in sa   innocénzia sua declarada a fac”e is fattus po mori de is calis esti stetiu arrestau”. Cun custus fueddus su cordinadori regionali de Sni, Bustianu Cumpostu, iat espressau in is diris passadas solidariedadi e fidúcia a su síndhigu indipendentista de Lodìne, libberau a pustis de s’arrefudu de su gip de acabidai sa domanda de custódia cautelari de su pm. Puru aMpI iat espressau solidariedadi a Bussu. “A Manca pro s’Indipendentzia – iat scritu primu de su spresonamentu s’imbasciadori nazionali Cristiano Sabino – espressat totali solidariedadi a su síndhigu de Lodìne Franciscu Bussu, chi duas diris fait esti stetiu inserrau in su presoni de Badde e Carros. Connosceus Bussu po sa militanza sua in su movimentu indipendentista, po sa própriu disponibiladi e franchesa e po sa própriu onestadi intelletuali, umana e política. No s’interessat intrai in su méritu de un’acuntéssia chi in dognia modu parrit meda confusa e ambígua, po is modus de recuberamentu de is armas e po diversas boxis de amalezu e ànsias chi ant ingiriau s’atividadi política de Franco”.

Energias alternativas po sa massaria: cenàbara cunvegnu in Serrenti

(IlMinuto) – Casteddu, 5 de su mes”e maju – S’impiegu de is energias alternativas, de s’eolicu a s’energia de su sobi, in sa massaria: at essi custu su tema de s’atóbiu in programma cenàbara a merì in Serrenti (18.00, ex Matatoiu).
S’atóbiu, aprontau de s’Agenzia Laore, est po is impresas de is massajus chi bollint fai “sceberus coerentis” e bollint aumentai s’”impunnada de su compartu de sa massaria”.
“Oi – est nau in d’una nota – si castiat cun meda atenzioni a s’impiegu de custas fontis de energia, e su compitu pigau de is amministrazionis púbbricas agiudat a favoressi e a afortiai cust’isfrutamentu”.

Imparu: Nùgoro afestat su "Maggio Universitario"

(IlMinuto) – Casteddu, 5 de su mes”e maju – “Genetica e Musica: un viaggio scientifico e sonoro alla ricerca delle origini genetiche e delle tradizioni musicali dei popoli d’Europa”. At essi custu su tema de s’atóbiu chi cras a merì at a fai cumenzai su “Maggio Universitario Nuorese” (17.00, Teatro Eliseo).
A custu primu atóbiu at a sighiri sa presentada de su caminu etno-musicali “A su connotu”, progetu curau de su maistu de sonetu Carlo Boeddu, de s’etnomusicologu Fabio Calzia e de su Grupu de Tenores “Populos”.
In serada su “Maggio Universitario” at a sighiri cun sa música in cursu Garibaldi, aundi ant essi aprontaus tres palchixeddus.

 

"Aumentus de su 500 po centu". Su volontariau sadru s’arrebbellat a s’annullamentu de is tarifas postalis prus bàscias.

(IlMinuto) – Casteddu, 5 de su mes”e maju – “Sardegna Solidale” s’arrebbellat. Po su comitau diretivu de su Centru serbízius Sa.Sol su provedimentu de su Guvernu chi ndi liat is tarifas postalis prus bàscias – cun d’un’aumentu de su 500 po centu de is ispesas de mandada – ferrit a su coru de su volontariau in totu su territoriu nazionali.
“Su Comitau diretivu de su Csv ‘Sardegna Solidale’ – si ligit in d’una nota – in s’atóbiu de su 13 de su mes”e arbili de su 2010 at decidiu a s’unanimodadi su strúnciu prus sicu a su provedimentu de su Guvernu chi ndi liat debressi is tarifas po is mandamentus postalis de is entis no-profit”.
“Su Csv ‘Sardegna Solidale’ – sighit su testu – ponit in luxi sa circustànzia de discumbéniu meda grai po medas associazionis, biu ca custa mesura aumentat de meda is costus po su volontariau e po su no-profit in generali, própriu in d’unu momentu aundi s’òpera de su volontariau iat a andai agiudada meda de prus”.
“S’aumentu de is ispesas postalis – precisat su documentu – est pagu prus de su 500 po centu, est a nai ca si superant is 65 millionis de eurus chi ant a andai a sbuidai is cassas de is oraganizazionis mannas e piticas in Italia, castighendi is progetus e is atividadis de dogniuna e impedendi sa circulazioni de una líbbera informazioni de basi”.