> 2010 mes’e maju 06 | ilMinuto

Archíviu de sa diri 6/05/2010

Mostras de su 7 de su mes”e maju

(IlMinuto) – Casteddu,  6 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Casteddu, finzas a su 12 de su mes”e maju, Spazio P, “Lost and Found” – mostra di arte contemporanea di Dario Costa

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Casteddu, finzas a su 9 de su mes”e maju, Galleria d’Arte Spazio culturale MK, mostra de pintura de Elisa Kiki Gaviano

 

Casteddu, finzas a su 13 de su mes”e maju, Centru comunali d’Arti “La Vetreria”, mostra “Red Carpet walk of fame”

 

Cuartu Sant’Aleni, finzas a su 7 de su mes”e maju, Centru museali “Quartissimo”,  dópia mostra personali “Play>Risk/Introspezione”

 

Tàtari, finzas a su 9 de su mes”e maju, Saba Duce Palazu Ducale, mostra fotografica “Sassari Flashback”

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini

Casteddu, finzas a su 15 de su mes”e maju, Palazu Regio, mostra d’arti contemporanea “La rivolta di primavera 2 aprile 1794 – sa die de sa Sardigna”

Casteddu, finzas a su 7 de su mes”e maju, Centru comunali Area 3, “L’arte di essere madre”

 

Casteddu, finzas a su 20 de su mes”e maju, Galleria asot”e pianu “Beaux Arts”, “Seal children. Feral children” – mostra de Anna Marchi

Ex asilu de bia Bottego: cumenzau s’isciòpiru de su fàmini. Is ocupantis annunziant "azionis ispantosas in is oras chi benint"

(IlMinuto) – Casteddu, 6 de su mes”e maju – Andat ainnanti sa lota de is famílias de s’ex asilu de bia Bottego, in Tàtari. Custu mangianu Fernanda Razzoli e Anna Bianco, tra is ocupantis de s’istrutura, ant annunziau de ai cumenzau s’isciòpiru de su fàmini “senz”ai consulatu primu unu datori”.
“Seus ispantaus – at nau Pietro Serra, a capu de s’associazioni chi de su mes”a marzu denunciat is cundizionis precarias de vida in s’ex asilu – de sa mudesa de is istituzionis ainnanti a sa tragédia de custa genti. Po is oras chi benint bolleus fai azionis ispantosas chi ant a movi meda is cuscénzias de chini tenit su doveri de ddas agiudai”.

 

Diri internazionali de sa bicicreta: domínigu in Casteddu s’invasioni de Critical mass

(IlMinuto) – Casteddu, 6 de su mes”e maju – “Un’atóbiu de bicicretas chi, cun sa forza de is númerus (“massa”), ndi contoniant in is istradas chi dognia diri funt usadas de is màchinas”. Aici s’enzicropedia líbbera Wikipedia definit su fenómenu de Critical mass: is curridoris sadrus ant a provai a fai “massa critica” domínigu 9 de su mes”e maju in ocasioni de sa “Giornata internazionale della bicicletta”.
S’atóbiu, chi at a partiri a is 15.00 de sa Stazioni Fds de prazza Repubblica, est obertu – aclarant is aprontadoris – a “genti cun is patinus, skaters e genti cun calisiat mezu a tira tira, umanu o animali”.

 

Sanna (Pd), "Italia dei Valori alleada cun su Pdl e cun sa Lega contra a s’incompatibilidadi tra senadoris e consilleris regionalis"

(IlMinuto) – Casteddu, 6 mes”e maju – “Nesciunu podit essi in su própriu momentu in Consillu o Giunta regionali e in una de is Càmaras de su Parlamentu”.
Est cantu afirmat s’artículu 122 de sa Costituzioni de sa Repúbbrica. Grazias “a un’istrambeca alleànzia tra Pdl, Lega Nord e Idv” – denunciat cun d’una nota su parlamentari de su Pd Francesco Sanna – is senadoris chi funti stetius elígius de pagu in Consillu regionali ant a tenni perou ancora unu pagheddu de tempus po sceberai tra is duus incàrrigus incompatibilis po sa Carta costituzionali.
“Un’alleànzia istrambeca tra Pdl, Lega Nord e Idv – scririt s’esponenti de su Pd – at impediu a sa Giunta de is elezionis e de is immunidadis parlamentaris de su Senau de dimandai a is parlamentaris elígius in is elezionis regionalis chi si funt tentas de pagu, e chi funt incompatibilis po mori de s’artículu 122 de sa Costituzioni, de scebari cali incàrrigu portai ainnantis: si cussa de parlamentari o cussa de consilleri regionali”.
“Cun su votu contràriu de su Pd ma cun cussu positivu e decisivu de s’Idv – scririt Sanna – sa majoria de sa Giunta at preferiu crastinai sa  própriu delíbberazioni”.
“Cussu chi est acontessiu – narat su senadori – est senz”e lógica. A fac”e unu detau meda claru de sa Costituzioni nostra eus intendiu ingírius de fueddus: ‘is senadoris-consilleris ant a sciri de essi stetius elígius in Regioni? Si podeus fidai de is novas de imprenta? Po comenti funzionant is Postas, forsis is senadoris-consilleris no ant arriciu s’atu de incàrrigu”.

Líbburus: 50 annus de ocupazioni militari de sa Sardigna in s’analizu de Ledda e Floris

(IlMinuto) – Casteddu, 6 de su mes”e maju – Prus de 50 annus fait su Stadu italianu iat ispossidiu in Capo Teulada, pighendiddas puru cun s’ingannu, terras aundi de generazionis biviat una comunidadi de personas. De cussu momentu 24milla ètarus de terra sadra funt diventaus brassàgliu de armas meda perigulosas e asuba de àterus 13milla ètarus pesant is zerachias: unu númeru chi no tenit cunfrontu in Europa. A s’istoria de s’ocupazioni militari de s’Isola est dedicau su líbburu-analizu de Guido Floris e Angelo Ledda, “Servitù militari in Sardegna. Il caso Teulada”.
S’analizu de Ledda e Floris at essi presentau custumerì in Casteddu (18.30) in ocasioni de is atóbius de literadúra aprontaus de sa Libbreria Murru.
Is autoris – si ligit in d’una nota – “partint de s’istoria de Teulada po arribbai a fai un’asàminu aprofundau de su tema de is zerachias militaris in Sardigna tochendi totus is momentus importantis de s’istoria: is isprópius, is isbarazus, is batallas de parti de is comunus, is lotas de is piscadoris, is leis aprobadas po poniri in régula is zerachias militaris, is acódrius otentus”.