> 2010 mes’e maju 11 | ilMinuto

Archíviu de sa diri 11/05/2010

Mostras de su 12 de su mes”e maju

(IlMinuto) – Casteddu,  11 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Casteddu, finzas a su 12 de su mes”e maju, Spazio P, “Lost and Found” – mostra di arte contemporanea di Dario Costa

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 19 de su mes”e maju, Galleria d’Arte “La Bacheca”, “Disarmed” – mostra de Umberto di Pilla

 

Casteddu, finzas a su 13 de su mes”e maju, Centru comunali d’Arti “La Vetreria”, mostra “Red Carpet walk of fame”

 

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini

Casteddu, finzas a su 15 de su mes”e maju, Palazu Regio, mostra d’arti contemporanea “La rivolta di primavera 2 aprile 1794 – sa die de sa Sardigna”

 

Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

Casteddu, finzas a su 16 de su mes”e maju, Galleria Umberto I – Bastine San Remy, mostra multimediali chi tenit comenti tema “Psichiatria. Un viaggio senza ritorno”

 

Casteddu, finzas a su 20 de su mes”e maju, Galleria asot”e pianu “Beaux Arts”, “Seal children. Feral children” – mostra de Anna Marchi

Casteddu cabat in praza contra a s’omofobia e contra a dógnia razismu. Gallittu: "Batalla de civiltadi e laicidadi"

(IlMinuto) – Casteddu, 11 de su mes”e maju – Casteddu narat no a su razismu. A bint’annus de candu nd’ai liau s’omosessualidadi de s’elencu de is maladias de conca de s’Organizazioni mundialli de sa Sanidadi is istradas de sa citadi ant essi atravessadas de unu corteu aprontau de s’Assembrea po sa diri internazionali contra a s’omofobia.
“Naraus a totus de benni a manifestai su 15 de su mes”e maju – at nau su responsàbbili de sa comunicazioni de s’Assembrea Sandro Gallittu – poita custa no est scéti una batalla in favori de una comunidadi de personas, ma est una batalla de civiltadi e de laicidadi chi depit essi de totus”.
“S’obbiettivu de sa manifestazioni de sàbudu – at acrarau Gallittu – est de fai movi s’opinioni púbblica e de fai movi su Parlamentu a fai leis specíficas contra a dognia tipu de razismu”.
Su corteu at a partiri a is 17.00 de praza Garibaldi po atravessai bia Sonnino, bia XX Settembre, bia Roma, largu Carlo Felice, bia Manno, Bia Garibaldi e acabbai in praza Garibaldi ‘e totu, aundi, a is 20.00, at a cumenzai unu concertu.
A s’eventu at addiriu puru s’Ufíciu “Nuovi Diritti” de sa Càmera de su “Lavoro” de Casteddu.

Palomba (Idv) arrespundit a s’assessori regionali Carta: "A fac”e falsidadis craras abarrat scéti sa cuerela"

(IlMinuto) – Casteddu, 11 de su mes”e maju – At a arribbai in Tribbunali su scontru a corpus de notas de imprenta tra s’ex presidenti de sa Regioni,  Federico Palomba, e s’assessori regionali de is “Lavori pubblici”, Angelo Carta. S’esponenti de s’Idv dennegat difatis is afirmaduras fattas connosci ariseru de s’esponenti de sa Giunta regionali (“A sa fini de s’iter cumenzau de sa Giunta de Federico Palomba, su 27 de su mes”e austu de su 1999 – at afirmau ariseru Carta in d’unu comunicau – unu determinu de s’assessorau a s’”Industria” autorizàt s’impiegu de su materiali de arrefudu de sa miniera de Futtèi po su cumprimentu de is istradas”) e annunziat sa cuerela.
“Su 27 de su mes”e austu de su 1999 – precisat Palomba – diri de su determinu chi teniat comenti tema s’usu de is materialis, mi furiu giai gosendi s’assébiu a pustis de ai finiu su mandau chi m’iat donau s’incàrrigu de Presidenti, incàrrigu finiu de prus de unu mesi, endi deu giai de tempus donau is cunsignas a su Presidenti Pili, cosa fatta puru de s’assessori Mario Pinna cun s’assessori chi iat pigau su postu suu, persona chi s’agatat acanta de s’area política de s’atuali assessori Carta”.
“S’iter – sighit s’ex presidenti de sa Regioni – at atravessau totucantus is giuntas de centrudestra de su 1999 a su 2004. Deu no c’intrau de su principiu, sèmpiri ca sa destra no cumprovit de m’ai biu addenoti, a pustis de ai lassau sa Presidénzia de sa Regioni, portai sachiteddus de terra in is logus de is traballus. Su presidenti Soru e su ministru Di Pietro no c’intrànt, endi scéti assistiu a su batiari de un’òpera fatta totucantu de is giuntas de destra”.
“A fac”e falsidadis craras - concluit s’esponenti de s’”Italia dei Valori” – abarrat scéti una cosa de fai: sa cuerela”.

Ambienti: mortalla de piscis in su Riu Mannu. Gig e "Amici della Terra" dimandant: "Scàrrigus pagu lícitus in s’arriu?"

(IlMinuto) – Casteddu, 11 de su mes”e maju – In is ùltimas diris in sa fin”e su Riu Mannu, in Frùmini Mayori, s’est verificada una mortalla de mugheddus meda grai. Su “Gruppo di intervento giuridico” e is “Amici della Terra” – scipia sa nova de unu grupu de genti in gita – ant fattu dimanda po oteniri informazionis de tipu ambientali de is amministrazionis púbblicas de cumpeténzia (tra custas s’Arpas, s’assessorau de s’”Ambiente” de sa Provìnzia de Crabònia-Igrèsias, su Comunu de Frùmini Mayori e su Ministeru de s’”Ambiente”).
Is duas associazionis ambientalistas dimandant ca chini de doveri cumpudit s’arriu po verificai s’eventuali presénzia de scàrrigus pagu lícitus.

"Alternativa": cras in Casteddu su primu atóbiu de su progetu nou de Giulietto Chiesa

(IlMinuto) – Casteddu, 11 de su mes”e maju – S’”Alternativa” de Giulietto Chiesa arribbat in Sardigna. Cras a merì in Casteddu (19.30, Associazioni Don Chisciotte) s’at a tenni difatis una reunioni po fundai su primu núcleu de sa butega política e culturali noa promòvia de su políticu e giornalista autori de “Zero”.
At a participai a s’atóbiu su diretori de “Megachip” e cumpàngiu de milla batallas de Chiesa, Pino Cabras.
“Chini collegat ancora s’atuali sistema de is partidus a is disignus de su séculu passau – scririt Cabras in d’una lítera-imbidu – abetendusì una carchi sighidura cun cussu tempus, abarrat sèmpiri discuntentu e imboddicau. At a contai ancora calincuna cosa chi ddoi siat chini s”intendit’ de destra o ‘de sinistra’” (…).
At essi una “coerénzia antropologica” chi medas ancora ant a intendi, certu. Ma cantu at a durai custa coerénzia dedicada scéti a cussus ‘e totu, si no ddoi est istudiu, e si no ddoi est unu calisiat cuntatu cun sa realidadi?”.