> 2010 mes’e maju 12 | ilMinuto

Archíviu de sa diri 12/05/2010

Mostras de su 13 de su mes”e maju

Pubblicau su 12/05/2010 a is 17:29 in Cultura | 0 cummentus
Argumentus:

(IlMinuto) – Casteddu,  12 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 19 de su mes”e maju, Galleria d’Arte “La Bacheca”, “Disarmed” – mostra de Umberto di Pilla

 

Casteddu, finzas a su 13 de su mes”e maju, Centru comunali d’Arti “La Vetreria”, mostra “Red Carpet walk of fame”

 

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini

Casteddu, finzas a su 15 de su mes”e maju, Palazu Regio, mostra d’arti contemporanea “La rivolta di primavera 2 aprile 1794 – sa die de sa Sardigna”

 

Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

Casteddu, finzas a su 16 de su mes”e maju, Galleria Umberto I – Bastine San Remy, mostra multimediali chi tenit comenti tema “Psichiatria. Un viaggio senza ritorno”

 

Casteddu, finzas a su 20 de su mes”e maju, Galleria asot”e pianu “Beaux Arts”, “Seal children. Feral children” – mostra de Anna Marchi

Vinyls: Ramco straciat s’acórdiu e si ndi fuit de Pòrtu Turre

Pubblicau su 12/05/2010 a is 17:11 in Traballu | 0 cummentus
Argumentus:

(IlMinuto) – Casteddu, 12 de su mes”e maju – “S’atóbiu est finiu. Su comunicau chi nd’est bessiu a foras est ària frita”. Iat centrau su contu, Emanuele Manca, operàju cassintegrau Vinyls, cummentandi cussu chi benit lamau s’”acórdiu” de su 5 de su mes”e maju tra Eni e Ramco. A pagus diris de cuss’atóbiu sa multinazionali de su Qatar at cambiau bidea”, cun cusseguénzias facilis de immaginai po is traballantis de sa Vinyls, chi de prus de 70 diris ocupant s’ex presoni de S’Asinàra.
“Sa decisioni de sa Ramco de si nd’andai de sa tratativa – afirmat  su deputau de su Pd Melis – oberrit una bisuali meda trista po is traballantis, po s’economia de sa Sardigna de Tramuntana e po is sortis ‘e totu de sa chímica nazionali”.
“No pozu no arregordai – precisat Melis – ca custa segadura isprammosa est su frutu de su surdímini sderrexonau de s’Eni, chi at fattu de totu po scorai is comporadoris arabus, ma est curpa puru de s’atuamentu débbili e dubbiosu de su Guvernu in mesis longus de tratativas”. ”Arribbant aici a foras is nús – sighit su parlamentari – una borta de prus si bint is promissas falsas fattas de Berlusconi in campagna eletorali, promissas chi a una a una si funt ammostendi comenti cussu chi funt, fabas: Euroallumina, Alcoa, Pòrtu Turre, Tàtari-Terranòa: no ddoi est una de custas assegurazionis chi si siat svelada beridera”.
“M’auguru – concluit su deputau de su Pd – ca immoi assumancu su Guvernu obbrighit a s’Eni a torrai a aviai is impiantus de Pòrtu Turre (…). Ma tocat a fai debressi. Is traballantis no podint abarrai in eternu in s’ísula o in sa turri”.

Enologia: in Aristanis seminàriu po scoberri is binus "diversus"

Pubblicau su 12/05/2010 a is 16:31 in Imparu | 0 cummentus
Argumentus:

(IlMinuto) – Casteddu, 12 de su mes”e maju – Su binu de su benidori at essi “biodinamicu”? Est a nai at essi otentu cun is métodus “eco-compatibili” creaus de su filosofu Rudolf Steiner? A custas dimandas ant a arrespundi is espertus chi ant a chistionai in su seminàriu “I vini alternativi: dal biologico al biodinamico” in programma su 21 de su mes”e maju in Aristanis (9.30, Auditorium de San Domenico).
Su cunvegnu est aprontau cun s’agiudu de s’”Assoenologi” Sardigna e de sa Càmera de Cummérciu de Aristanis, po su cursu de laurea in “Viticoltura ed Enologia” de su Cunsórziu Unu de Aristanis.
“Po sa manifestazioni – si ligit in d’una nota – est previdia sa premiazioni de su bincidori de sa IV edizioni de su cuncursu po fai binus riservau a is istudiantis de su cursu de laurea”.

Marras (Sns): unioni indipendentista po Bellomonte síndhigu. Apellu a Irs: "No at ancora espressau nesciunu avaloramentu púbblicu"

Pubblicau su 12/05/2010 a is 15:45 in Política | 0 cummentus
Argumentus:

(IlMinuto) – Casteddu, 12 de su mes”e maju – Est sèmpiri prus manna s’unioni indipendentista po sa candidadura de Bruno Bellomonte a síndhigu de Tàtari.
Ddu precisat cun d’una nota s’imbasciadori de su Sindacadu de sa Natzione sarda, Anghelu Marras.
“Totus is partidus indipendentistas sadrus (A Manca pro s’Indipendentzia, Partidu Indipendentista Sardu, Sardigna Natzione Indipendentzia) – precisat Marras -, medas organizazionis culturalis e su Sindacadu de sa Natzione sarda ant stabbiliu de bolli aprobiai totus, in custu momentu eletorali, acozendi sa candidadura de su cumpàngiu Bellomonte, indipendentista presoneri, a síndhigu de Tàtari”.
Azetuau s’Irs de Gavino Sale. “S’organizazioni indipendentista sadra Irs – narat Marras – no at espressau ancora nesciunu avaloramentu púbblicu e duncas nesciunu indicu eletorali a is próprius candidaus in su Comunu de Tàtari, teneus fidu chi luegu is organísimus dirigentis suus si pozant espressai in favori de su votu a su cumpàngiu Bellomonte Síndhigu de Tàtari”.

Ligi totus is novas chi chistionant de sa “circustànzia Bellomonte”:

http://www.ilminuto.info/ricerca.php?ricerca=bellomonte

Pisca: in Casteddu si chistionat de su "Regulamentu de su Mediterraneu". Apinnicu tra is impresas

Pubblicau su 12/05/2010 a is 14:57 in Ecunumia | 0 cummentus
Argumentus:

(IlMinuto) – Casteddu, 12 de su mes”e maju – “Misure di gestione per lo sfruttamento sostenibile delle risorse della pesca nel mar Mediterraneo”: at essi custu su tema de su seminàriu in programma sàbudu chi benit a is 10.00 in su Ceaser’s Hotel de Casteddu.
Su coru de s’atóbiu at essi s’intrada, a cumenzai de su primu de su mes’e làmpadas de su 2010, de calincuna disposta de su “Reg CE 1967/06″, connota tra is operadoris comenti “Regulamentu de su Mediterraneu” chi – si ligit in d’una nota – “apinnicat meda is impresas de su cumpartu”.
“Su Regolamentu – si ligit – previdit difatis dispostas noas po is dimensionis de is rezas tragadas, ddoi funt novidadis puru po is critérius de mesuramentu chi ant essi adotaus de is organísimus de controllu, e àteras cundizionis grais chi ponint límitis a is ferramentas de pisca, a is tallas minimas po certus piscis e a is distànzias de is costas chi si depint arrespetai po podi piscai”.