> 13 « mes’e maju « 2010 « ilMinuto – notizie Mediterranee – edizione Sardegna

Archíviu de sa diri 13/05/2010

Mostras de su 14 de su mes”e maju

(IlMinuto) – Casteddu,  13 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 19 de su mes”e maju, Galleria d’Arte “La Bacheca”, “Disarmed” – mostra de Umberto di Pilla

 

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini

Casteddu, finzas a su 15 de su mes”e maju, Palazu Regio, mostra d’arti contemporanea “La rivolta di primavera 2 aprile 1794 – sa die de sa Sardigna”

 

Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

Casteddu, finzas a su 16 de su mes”e maju, Galleria Umberto I – Bastine San Remy, mostra multimediali chi tenit comenti tema “Psichiatria. Un viaggio senza ritorno”

 

Casteddu, finzas a su 20 de su mes”e maju, Galleria asot”e pianu “Beaux Arts”, “Seal children. Feral children” – mostra de Anna Marchi

 

Firenzi, finzas a su 14 de su mes”e làmpadas Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

Loddo (5 novembre): "Inútili e dannosu su ddl ‘svuota carceri’. Is presonis ant a abarrai disgàrrigas umanas"

(IlMinuto) – Casteddu, 13 de su mes”e maju – “Su ddl ‘svuota carceri’ at a diventai unu provedimentu inútili e dannosu”. Est cantu denunciat cun d’una nota de imprenta Roberto Loddo de s’associazioni “5 novembre” “po is diritus civilis”. “Is presonis sadras – acrarat Loddo – ant a abarrai logus de suferénzia, disgàrrigas umanas chi de legali no tenint nudda, scurregias chi andant contra a sa costituzioni. Is presoneris sadrus ant a sighiri a essi amassaus e scarescius in is cellas comenti primu.
Sa parti in su ddl “svuota carceri” de s’artículu chi previdiat su blocu otomàticu de sa presonia cun sa prova in is serbízius socialis, deludit is aspetativas de totu sa comunidadi de is presonis”.
“Lassaus s’abbilesa a is magistraus de decídiri si mandai a is arrestus in domu unu presoneri – denunciat s’esponenti de s’associazioni “5 novembre” -, su sensu de su ddl at a benni furriau a fundu a susu e custu at a arrisultai unu provedimenti inútili”.
“Su tentau suicidiu de martis a noti in Boncammino cunfirmat ancora una borta is condizionis de vida meda malas chi ddoi funt in is presonis de sa Sardigna.
“Unu presoneri – narat sa presidenti de s’associazioni “Socialismo, Diritti e Riforme” Maria Grazia Caligaris – at cicau de si bociri. S’ómini salvau de is cumpàngius de cella, narat de essi innocenti e esti stetiu imbistiu de una crisi arrepenti chi dd’at portau a cicai de si ndi liai sa vida”.

72 intelletualis de su Pd a Bersani: No a is paraogus in matéria de àtomu". Palomba: "Perígulu. Cadena umana in difesa de su territoriu"

(IlMinuto) – Casteddu, 13 de su mes”e maju – In su Pd nascit su”grupu” in favori de su nucleari, unu grupu de intelletualis – cun nòminis de unu certu pesu comenti cussus de Umberto Veronesi e Tiziano Treu – chi ant difatis mandau a su segretariu nazionali de su partidu, Pierluigi Bersani, un’apellu in favori de s’impiegu de s’àtomu po prodùsiri energia e contra a “sa scassesa cun sa cali, su prus de is bias, de parti de is esponentis de su Pd funt afrontaus temas chi iant a meritai una discussioni prus aprofundada, fatta cun nùmerus de fatu”.
Su documentu esti stetiu firmau puru de s’astrofisica Margherita Hack (in is ùltimas elezionis europeas primu candidada in Sardigna po su Prc e su Pdci). Sa lígia de s’apellu at scadenau luegu sa reazioni de su parlamentari Federico Palomba, candidau po s’Idv a sa presidénzia de sa Provìnzia de Casteddu.
“Est unu perígulu légiu”, scririt Palomba. “Cust’atu meda grai – precisat s’esponenti de s’Idv – de fatu oferit una manu a is disignus de su Guvernu po torrai a ponni is centralis nuclearis. Sa Sardigna, comenti si scit, currit s’arriscu meda mannu de essi tra is regionis aundi su Guvernu bollit ponni custus impiantus meda bécius, chi impestant e chi faint dannus a sa saludi de sa genti e de su territoriu. S’àrgini contra a su nucleari – concluit – est sèmpiri prus míseru. Eus a abarrai nos de s’”Italia dei Valori” a s’arrebbellai, atressu su referendum nostru e, si fessat necessàriu, aprontendi una cadena umana in difesa de su territoriu”.

"Una firma po Bellomonte": su "minatore rosso" promovit un’apellu contra a su lissenziamentu de s’indipendentista de Trenitalia

(IlMinuto) – Casteddu, 13 de su mes”e maju – “Per Bruno Bellomonte reintegro e libertà subito!”. Cun custus fueddus s’imbasciadori de su comitau “Lavoratori pro Bellomonte”, “il minatore rosso” Antonello Tiddia, at donau su cumenzu a una petizioni nazionali po agiudai su ferrovieri lissenziau de Trenitalia, arregollendi in pagus oras centinas e centinas de firmas. “Prus de su dannu sa befa”, precisat Tiddia. “A pustis de unu presonamentu preventivu ingiustu est arribbau puru su lissenziamentu. Bellomonte – arregordat “il minatore rosso” – furiat stetiu arrestau su 10 de su mes”e làmpadas, pagu primu de su G8, in Sardigna (a pustis fattu in s’Aquila) in d’una dúbbia operazioni chi teniat s’iscopu preventivu, senz”e provas e senz”e indízius berus, e est ancora abetendi su giudíziu”.
“Bruno – acrarat – est unu ferrovieri capustazioni in Tàtari, unu militanti de is lotas in Sardigna tra is prus stimaus e connotus po antiga militanza sociali e sindacali. Est unu personàgiu púbblicu chi no at mai tentu nudda de cuai e oi puru candidau a síndhigu de Tàtari”.
“Aprofitendi – osservat s’aprontadori de s’apellu – de su stadu de debbilesa de Bruno Trenitalia dd’at lissenziau mandendiddi una lítera in su presoni de Sianu, nonostanti no siat mai stetiu cundennau, arregordaus ca Bruno est abetendi su giudíziu”.

Po addiriri a s’apellu: tiddia.ant@gmail.com

Po ndi sciri de prus: http://ilminatorerosso.blogspot.com/

Po ligi totus is novas chi chistionant de Bellomonte: http://www.ilminuto.info/ricerca.php?ricerca=bellomonte

Sclerosi multipla: istudiosus de is Universidadis sadras e de su Cnr iscoberrint su "gene chi aumentat s’arriscu de s’ammaladiai"

(IlMinuto) – Casteddu, 13 de su mes”e maju – S’istudiu de sa sclerosi multipla at fattu un’àteru sàrtidu ainnanti. Unu grupu de istudiosus de su Cnr e de is Universidadis de Casteddu e de Tàtari ant difatis iscobertu unu “gene nou”. Po essi prus precisus est unu “cambiamentu de su gene Cblb chi aumentat s’arriscu de s’ammaladiai”. Un’arrisurtau meda importanti chi esti stetiu presentau ainnanti a in mezus de informazioni in is diris passadas.
Po cust’istudiu ant participau 1755 sadrus, tra malàdius (833) e volonteris sanus (872). “Est – acrarat una nota de www.unica.it – unu sàrtidu ainnanti meda mannu, meda importanti po connosci sa sclerosi multipla, sa maladia causada de su processu de sciusciadura chi tocat a su sistema ‘immunitario’ nostru e afarrancat a sa ‘mileina’”.