> 14 « mes’e maju « 2010 « ilMinuto – notizie Mediterranee – edizione Sardegna

Archíviu de sa diri 14/05/2010

Mostras de custu fin”e cida

(IlMinuto) – Casteddu,  14 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Casteddu, finzas a su 16 de su mes”e maju, Lazzaretto, “Spirito indomito” – mostra personali de Giò Tanchis

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 19 de su mes”e maju, Galleria d’Arte “La Bacheca”, “Disarmed” – mostra de Umberto di Pilla

 

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini

Casteddu, finzas a su 15 de su mes”e maju, Palazu Regio, mostra d’arti contemporanea “La rivolta di primavera 2 aprile 1794 – sa die de sa Sardigna”

 

Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

Casteddu, finzas a su 16 de su mes”e maju, Galleria Umberto I – Bastine San Remy, mostra multimediali chi tenit comenti tema “Psichiatria. Un viaggio senza ritorno”

 

Casteddu, finzas a su 20 de su mes”e maju, Galleria asot”e pianu “Beaux Arts”, “Seal children. Feral children” – mostra de Anna Marchi

 

Firenzi, finzas a su 14 de su mes”e làmpadas Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

Tàtari: acódriu "anticolonialista" po Bellomonte síndhigu. Sabino (aMpI): "Puru Irs votit indipendentista"

(IlMinuto) – Casteddu, 14 de su mes”e maju – Sardigna Natzione Indipendentzia, Su Sindacadu de sa Natzione Sarda, àterus esponentis de su “movimentu de libberazioni nazionali” e finzas is “italianistas” de s’organizazioni anticapitalista Sinistra Critica. Est mannu s’acódriu de is forzas inidipendentistas – e no scéti de custas – ingíriu a sa candidadura a síndhigu de Tàtari de Bruno Bellomonte, esponenti nazionali de A Manca pro s’Indipendentzia.
Isperaus ca no tardit s’acozu púbblicu puru de s’Irs. Est a nai, isperaus ca Irs nerat a is próprius eletoris de votai indipendentista puru in is comunalis de Tàtari”.
Cussa de A Manca – precisat Sabino – “est s’única lista de truncamentu cun is partidus colonialistas”.
“Castiendi tra is candidaus de dognia parti – acrarat Sabino – torraus a biri is próprius personàgius chi ant autorizau su fàbbricu de is centrus cummercialis, chi ant postu in genugu is atividadis produtivas tataresas, chi ant permitiu a fabbricantis senz”e cuscénzia de strupiai is logus prus bellus de sa citadi nostra e de cancellai su birdi, chi ant segau su collegamentu economicu tra is citadis e sa Nurra e chi ant ‘arregalau’ po unu pratu de gentilla grandus òperas, comenti is parchegius nous, a multinazionalis strangeras”.
“A Manca pro s’Indipendentzia – concluit s’imbasciadori – proponit unu truncamentu sicu cun totu custu, a cumenzai de sa candidadura de unu ferrovieri sindacalista, presoneri po is bideas suas”.

Gig e Amici della Terra: "Funt fabbrichendi unu palazu in su mari in Capo Becco"

(IlMinuto) – Casteddu, 14 de su mes”e maju – S’ispetàculu miríficu de Capo Becco, in Carluforti, arriscat de essi arruinau de unu fàbbricu, unu “beru e própriu palazu in su mari” chi est giai stetiu cumenzau.
Est cantu denunciant is associazionis ambientalistas “Amici della Terra” e “Gruppo d’Intervento giuridico” cun d’una “dimanda de isceda” mandada ariseru a is autoridadis de cumpeténzia.
Is duas associazionis isperant in d’un’”interventu fattu debressi de parti de is amministrazionis púbblicas e de sa magistradura po avreguai sa legitimidadi de s’arbítriu ediliziu”.
“Unu tempus – si podit ligi in su post de su situ de su Gig – Capo Becco aghilliat una miniera de sannóbidu e manganese cun fàbbricus chi “oi funt domus stagionalis”.
“Epuru – acrarant is duas associazionis – ddoi est chini no si limitat a un’arràngiu de tutela cuscenziosu, ma bolit fai unu beru e própriu palazu in su mari, in d’un’ambienti e in d’unu panorama chi funt únicus”.

Eolicu: Espa (Pd): "No est responsàbbili poniri in su própriu pranu Tiscali e is impresas de sa penísula chi funt arrischendi de tenni cuntatus cun sa mafia"

(IlMinuto) – Casteddu, 14 de su mes”e maju – “Su modu pagu cuscenziosu cun su cali su Centrudestra est chistionendi de is circustànzias de sa Tiscali-eolicu faint benni su fritu”. Est cantu scrirint cun d’una nota is consilleris regionalis de su Pd Marco Espa, Pietro Cocco e Gianvalerio Sanna. “Trumentat su modu usau de sa majoria de guvernu – acrarant is democraticus – po chistionai de sa dimanda fatta de sa Tiscali a su Cacip po s’assignamentu de un’ispàziu tra cussus giai destinaus a prodúsiri energia de fontis alternativas. Una dimanda fatta po podi poniri cuatru palas eolicas chi ant a serbiri a prodúsiri una parti de s’energia necessària a s’azienda. E no àteru.
“Imbecis de afortiai sa dimanda de claresa e de dibbatidu púbblicu fatta de su centrusinistra in Consillu Regionali, agatendusì in acódriu cun s’apinnicu po is possíbbilis cuntantus cun sa mafia atressu sa produzioni de currenti de s’eolicu – finint Espa, Cocco e Sanna – su centrudestra fai benni su fritu po sa mancànzia de responsabbilidadi sua ponendi in su própriu pranu un’azienda sadra cun is aziendas de sa penísula chi, a cantu si podit ligi in is giornalis, iant a bolli torrai a usai dinai brutu atressu s’eolicu”.

 

S’ecofísicu Luigi Sertorio in Casteddu po svelai sa "faba nucleari"

(IlMinuto) – Casteddu, 14 de su mes”e maju – In atóngiu is citadinus sadrus ant essi lamaus a arrespundi a sa pregunta de su referendum promòviu de Sardigna Natzione: “Ses contràriu a ponni centralis nuclearis e depósitus de ferrinas radioativas in Sardigna?”. In su trastempus sighit s’atividadi de is movimentus chi lotant contra a sa torrada de s’àtomu. “Per il bene comune” at aprontau po su 21 de su mes”e maju in Casteddu (18.00, Pasada de sa Gioventudi de praza San Sepolcro) unu dibbatidu chi tenit comenti tema “Futuro sì. Nucleare no”. At essi presenti puru Luigi Sertorio, maistu de “Ecofisica” in s’Universidadi de Torinu e autori impari a Giulietto Chiesa e Guido Cosenza, de su líbburu “La menzogna del nucleare”.
“Po fueddai de nucleari – si ligit in su líbburu – tocat a sciri ita siat sa física e est necessàriu connosci is principius scientíficus basi de sa matéria.
Senz”e custus totu su discursu púbblicu, comenti ddu connosceus, allupat in sa ciaciarra. No est s’únicu esémpiu ma est diaderus un’esémpiu chi scopiat.
Custu líbburu esti stetiu scritu puru po agiudai su púbblicu chi no tenit is connoscénzias de basi a cumprendi sa matéria, est a nai ca at essi agiudau de modu de no essi manigiau a conca”.

Su líbburu podit essi pigau in su shop online “Ibs-IlMinuto” in s’indirizu: http://www.ibs.it/hmepge.asp?shop=4971