> 2010 mes’e maju 17 | ilMinuto

Archíviu de sa diri 17/05/2010

Mostras de su 18 de su mes”e maju

(IlMinuto) – Casteddu,  17 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Tàtari, finzas a su 23 de su mes”e maju, Sosushi, “A virtual life” – mostra de Max Mazzoli

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 18 de su mes”e maju, S’Umbra-Progetti Fotografici, “Fotodisegni de Danila Meloni”

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 19 de su mes”e maju, Galleria d’Arte “La Bacheca”, “Disarmed” – mostra de Umberto di Pilla

 

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini


Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

Casteddu, finzas a su 20 de su mes”e maju, Galleria asot”e pianu “Beaux Arts”, “Seal children. Feral children” – mostra de Anna Marchi

 

Firenzi, finzas a su 14 de su mes”e làmpadas Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

"In sa provìnzia de Aristanis at a serrai su 50% de is iscolas"

(IlMinuto) – Casteddu, 17 de su mes”e maju – Is traballantis de s’iscola sighint a nai no a su ministru Gelmini. In is diris passadas is maistus de s’Istitutu Superiori de Istruzioni de Abas-Mòguru-Terràrba ant difatis aprovau unu documentu nou chi analizat e bullat sa riforma de s’Istruzioni de su Guvernu Berlusconi. Unu provedimentu chi ocannu at giai mandau a domu 57milla maistus de s’iscola e s’annu chi benit at a cumpletai “su sciàsciu de su sistema iscolasticu púbblicu”.
“Comenti maistus de s’Istitutu Superiori de Istruzioni de Terràrba-Abas-Mòguru – si ligit in su documentu – castiaus cun meda apinnicu s’istrobbu e su pensamentu de unu sistema iscolasticu sèmpiri prus atesu de una política de invenstimentus e sèmpiri prus sugetu a is lógicas finanziarias”.
Obbietivu de is maistus de s’Istututu de Istruzioni Superiori de Abas-Terràrba-Mòguru est cussu de interessai is maistus de is àteras iscolas in su traballu de istudiu e dinúnzia púbblica de is efetus de sa riforma Gelmini. Est in perígulu – narant – s’atividadi de 50 istitutus de sa provìnzia.
“Su pensamentu – acrarant – aumentat po su tempus benidori, biu ca de su 2011 su provedimentu ministeriali (…) at a diventai operativu faendi serrai is iscolas chi tenint de mancu de 50 alunnus, est a nai su 50 po centu de is iscolas de Provìnzia”.

Legler: is operàjus chi tenint prus de cincuant’annus ant a traballai in is entis localis

(IlMinuto) – Casteddu, 17 de su mes”e maju – Bia líbbera a s’acódriu po is traballantis de sa Legler chi tenint prus de cincuant’annus. Segundu cantu previdit s’acódriu firmau oi de is rapresentantis de sa Regioni, de is Provìnzias de Nùgoro e Aristanis, de is 27 comunus e de is sindacaus, 146 traballantis ant essi “portaus” a sa pensioni segundu cantu est istabbiliu de su “Decretu Maroni” de su 2006. A pustis de unu cursu de cualífica, is operàjus ant essi pigaus – finzas a sa pensioni – in is entis localis chi ant firmau s’acódriu.

"La Grecia siamo noi". Casteddu gióbia in praza contra a "s’Europa de is bancheris"

(IlMinuto) – Casteddu, 17 de su mes”e maju – “Sa crisi globali chi immoi trogonat sa Grecia at a biri debressi comenti protagonistas àteras nazionis, senz’esclúdiri s’Italia”. Cun custa cumbinzioni su Colletivu “in lota contra a s’Europa de is bancheris” at aprontau po gióbia 20 de su mes”e maju (19.00, praza Costituzione) unu sit in de solidariedadi cun su pópulu ellenicu, manifestazioni in cumbinada cun s’isciòpiru generali de sa Grecia.
“Un’arrespusta de solidariedadi contra a su dinai liau e contra a is atacus de is capitalistas a su pópulu grecu – precisat su documentu fattu connosci de su Colletivu – poita una derrota sua no at essi pagu importanti po is cundizionis de vida de is àterus pópulus europeus”.
Ant firmau su documentu citadinus e esponentis de is diversas organizazionis socialis, políticas e sindacalis. Tra is primus a ai firmau ddoi funt: Antonello Boassa (“Cagliari social forum”), Federico Carboni (Rdb), Maurizio Esu, Iose Manca (Pdci), Antonello Tiddia (“Rete 28 aprile”), Salvatore Drago (“Tavola contro il razzismo, l’omofobia e tutte le forme di discriminazione”), Claudia Zuncheddu (“Rossomori”) e Nicola Giua (“Cobas”).

Comíziu de Bossi in Casteddu. In 800 prontus a zumiai su "senatur"

(IlMinuto) – Casteddu, 17 de su mes”e maju – A custu puntu est uficiali. Domínigu 23 de su mes’e maju Umberto Bossi at essi in Casteddu (praza Costituzione, 18.00) po unu comíziu chi s’at a tenni po acozai a sa lista de sa Lega Nord Sardinia (chi in provìnzia de Casteddu acozat a su “carcinosu” Piergiorgio Massidda).
S’arribbu de su “senatur” – precediu sàbudu passau de s’inaugurazioni de sa primu sedi leghista in Casteddu, in bia de Gioannis – at essi perou forsis aghilliu de is zumius. A 24 oras de sa nova funt difatis 800 is iscritus a su grupu Facebook “Diamo a Bossi e al suo ‘partito’ l’accoglienza che meritano” (cun d’un’immàgini símbulu aundi su “sobi de is alpis” si trasformat in d’una svastica). Àterus 97 ant addiliu a su grupu “Non vogliamo Bossi a Cagliari”.
No totus funt de acórdiu cun is afirmaduras pubblicadas de su senadori Massidda in su própriu blog personali.
“Ita bollit nai ca sa Lega no amat sa Sardigna, si no ca si bollint torrai a portai in vida is modellus de sa sinistra contra a su partidu de Bossi? De sadru – scririt Massidda – meda cumbintu ca su futuru nostru est in d’una Repúbbrica federali, no pozu scarèsciri ca senz”e s’abbetiosa batalla de sa Lega, de federalismu s’iat essi fueddau pagu meda e, prusatotu, meda pagu siat essi fattu”.