> 18 « mes’e maju « 2010 « ilMinuto – notizie Mediterranee – edizione Sardegna

Archíviu de sa diri 18/05/2010

Mostras de su 19 de su mes”e maju

Pubblicau su 18/05/2010 a is 17:26 in Cultura | 0 cummentus
Argumentus:

(IlMinuto) – Casteddu,  18 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Tàtari, finzas a su 23 de su mes”e maju, Sosushi, “A virtual life” – mostra de Max Mazzoli

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Portu Chervu, finzas a su 30 de su mes”e ledàminis, MdM Museum, “Ultimo atto d’amore” – mostra a cura de Enrico Badellino

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 19 de su mes”e maju, Galleria d’Arte “La Bacheca”, “Disarmed” – mostra de Umberto di Pilla

 

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini


Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

Casteddu, finzas a su 20 de su mes”e maju, Galleria asot”e pianu “Beaux Arts”, “Seal children. Feral children” – mostra de Anna Marchi

 

Firenzi, finzas a su 14 de su mes”e làmpadas Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

"Fàbbrica iscola": in su 2010/2011 tàglius po 1.819 postus de traballu in Sardigna. 11 e 12 de su mes”e làmpadas isciòpiru de is scrutinus

Pubblicau su 18/05/2010 a is 17:00 in Traballu | 0 cummentus
Argumentus:

(IlMinuto) – Casteddu, 18 de su mes”e maju – S’annu iscolasticu 2009/2010 s’at a serrai cun duas diris de mobilitazioni. Is Cobas ant difatis proclamau s’isciòpiru de is maistus e de is traballantis Ata po s’11 e su 12 de su mes”e làmpadas: ant essi blocaus is scrutinus e s’ant a firmai totus is atividadis de s’iscola.
A sa proposta de su sindacau de basi ant addiliu su “Coordinamento precari della Scuola di Oristano”: in su 2010/2011, po mori de sa riforma “Gelmini”, in Sardigna ant essi difatis liaus àterus 1.819 postus de traballu in sa “fàbbrica istruzioni” (anàlisi Cobas in basi a is datus de su Miur).
“Su peschentu totali de is tàglius in Sardigna – acrarant is Cobas – s’at a acostai a s’8 po centu. Su peschentu prus artu in Italia”.
“S’annu iscolasticu – scririt in d’una nota su Cordinamentu de is precarius aristanesus – arribbat a sa fini e est in su mes”e làmpadas ca tocat pigai unu determinu forti. Sa classi de is maistus e de is Ata est scontendi sa riforma ma no cun sa mandronia chi si bollint fai crei: medas realidadis traballant de meda tempus senz”e otèniri s’ispaziu necessàriu chi iant a depi tenni in is media”.
“Est in dognia modu necessàriu – precisat su documentu – allargai e fai diventai ativa sa participazioni. Chini est contra a custa riforma ddu depit dimustrai. Cun is fattus”.

Noas tennologias e amministrazioni: in Casteddu sa presentada de su "Progetto timbro digitale"

Pubblicau su 18/05/2010 a is 15:31 in Imparu | 0 cummentus
Argumentus:

(IlMinuto) – Casteddu, 18 de su mes”e maju – “L’impatto delle nuove tecnologie nel rapporto tra il cittadino e l’amministrazione”. At essi custu su tema de su III Cunvegnu regionali de sa comunicazioni púbblica, in programma in Casteddu cenàbara chi benit (9.15, Àula magna de sa Facoltadi de “Scienze della Formazione”).
“Su cunvegnu – si ligit in d’una nota – castiat a is tennologias comenti a istrumentus po mellorai is serbízius a is citadinus: internet, blog, social network”.
S’apuntamentu – chi previdit sa presénzia de espertus de su càlibbru de Mario Rodriguez (Comunicazioni púbblica) e Fabio Bistoncini (Relazionis púbblicas) – s’at a serrai cun sa presentada de su “Progetto timbro digitale” de sa Regioni Sardigna e de su Comunu de Casteddu.

Eolicu. Madau (Irs): "Fai participai puru a is sadrus in is decisionis"

Pubblicau su 18/05/2010 a is 14:55 in Política | 0 cummentus
Argumentus:

(IlMinuto) – Casteddu, 18 de su mes”e maju – “Puru fadendi s’ipótesi ca s’inchiesta chi bidit protagonista Ugo Cappellacci finat cun is assoluzionis, abarrat su fattu ca custa Giunta at agiudau su business de s’eolicu in favori de is sociedadis controlladas de capitali de apróliu dúbbiu. Sociedadis, custas, interessadas a speculai asuba de is risorsas nostras”. Aici su candidau de s’Irs a sa presidénzia de provìnzia de Aristanis, Sebastian Madau, cummentat sa presénzia de su presidenti de sa Giunta regionali de Sardigna comenti protagonista in d’un’inchiesta de sa Procura de Roma po is apaltus de s’energia eolica.
“Su puntu – precisat Madau – no est nai no a s’eolicu, ma est a dd’afrontai in modu craru e a fai in modu ca is sadrus siant protagonistas in su processu decisionali e in cussu imprenditoriali. Ita sinnificau tenit fai ponni centinas de turris chi strupiant su logu po no guadangiai nemmancu su valori chi in su benidori at a serbiri a is buníficas de is areas interessadas?”.

Enograstronomia: in Santu Tiadòru apuntamentu cun s’Agliola

Pubblicau su 18/05/2010 a is 13:59 in Cultura | 0 cummentus
Argumentus:

(IlMinuto) – Casteddu, 18 de su mes”e maju – Avalorai sa cultura e is saboris de sa coxina de sa Gallùra. Est custu s’obbietivu de sa cuarta edizioni de s’Agliola, sa rassigna enogastronomica in programma de su 15 de su mes”e maju a su 15 de su mes”e làmpadas in Santu Tiadòru.
Unu de is momentus prus importantis de s’apuntamentu est rapresentau de sa “Festa in Piazza”, chi s’at a tenni domínigu chi benit in su centru de sa bidda.
In praza Emilio Lussu, is chef de s’associazioni “Cuochi Provincia Gallura” e is volonteris de s’Auser ant a imparai a su púbblicu comenti fai is pitànzias de sa tradizioni, sa primu cosa de imparai at essi sa Suppa cuata.