> 2010 mes’e maju 19 | ilMinuto

Archíviu de sa diri 19/05/2010

Mostras de su 20 de su mes”e maju

(IlMinuto) – Casteddu,  19 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Tàtari, finzas a su 23 de su mes”e maju, Sosushi, “A virtual life” – mostra de Max Mazzoli

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Portu Chervu, finzas a su 30 de su mes”e ledàminis, MdM Museum, “Ultimo atto d’amore” – mostra a cura de Enrico Badellino

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini


Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

Casteddu, finzas a su 20 de su mes”e maju, Galleria asot”e pianu “Beaux Arts”, “Seal children. Feral children” – mostra de Anna Marchi

 

Firenzi, finzas a su 14 de su mes”e làmpadas Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

Universidadi: in Casteddu ocupazioni de su Retorau po nai no a su dinai liau de sa Riforma Gelmini. Melis: "Tenint arrexoni"

(IlMinuto) – Casteddu, 19 de su mes”e maju – Totu s’Universidadi s’arrebbellat a sa Riforma Gelmini. Ariseru a merì in Casteddu istudiantis e istudiosus ant ocupau simbolicamenti su Retorau e oi ddoi funt diversus pianus in àterus ateneus de Italia: Tor Vergata, Siena, Firenzi, Pisa.
“Cundividu is apinnicus espressaus de istudiosus e istudiantis – at nau su retori de s’Universidadi de Casteddu Giovanni Melis – in méritu a su disignu de lei Gelmini: no creu siat possíbbili riformai s’Universidadi proponendi comenti únicu istrumentu cussu de ndi liai su dinai”.
Is irminorigamentus a su personali e a is finanziamentus decidius de sa lei 180/2008 e su blocu a s’imparamentu fattu de is istudiosus – iat nau a sa fin”e su mes”e marzu su Senau académicu casteddaiu – “funt faendi diventai is cosas sèmpiri prus difícilis. Difícili est garentiri su normali funzionamentu de is ateneus”.
“Si bollint ignorantis – si podit ligi in d’unu documentu de su Cordinamentu istudiantis de s’ateneu casteddaiu – bollint fai sperèssiri sa cultura, bollint su totali controllu de s’informazioni e duncas bollint is concas nostras. E ci funt casi arrennescius”.
“Serbit s’agiudu de sa classi política”, at precisau su retori. “De pagu – at nau – apu deu ‘e totu manifestau dúbbius mannus po totu custu puru in sa Commissioni Cultura de sa Càmara de is deputaus e in calencunu documentu mandau a sa classi política sadra”.

Concertus: in su Conservatoriu música po arregordai Emanuele Bellinato

(IlMinuto) – Casteddu, 19 de su mes”e maju – Casteddu arregordat Emanuele Bellinato própriu in cussa chi iat a depi essi stetia sa diri de afestai is 54 annus suus. Cras a merì, in s’auditorium de su Conservatoriu “G.P. da Palestrina”, s’at a tenni unu concertu dedicau a s’oboista e maistu mortu duus annus fait.
In su palcu, a cumenzai de is 18.30, ant a andai in iscena un’ensemble de istrumentus a súlidu fattu de scientis e cullegas de su musicista venetu.
Is musicistas ant a fai puru s’Ouverture de is “Nozze di Figaro” de Wolfgang Amadeus Mozart. S’intrada est líbbera.

Elezionis provinzialis. Palomba (Idv): "S’únicu candidau a denunciai is trampas de s’eolicu

(IlMinuto) – Casteddu, 19 de su mes”e maju – “Est axiosu e tristu su mudori acarraxau de parti de totus is candidaus a sa Presidénzia de sa Provìnzia de Casteddu po is intrécius tra ‘mafia’ e política chi funt trogonendi su Guvernu de destra e chi ant imbrutau puru sa Sardigna”. Est cantu afirmat su candidau a sa presidénzia de sa provìnzia de Casteddu de s’Idv, Federico Palomba.
“Si podit cumprendi – sighit Palomba – su modori de is candidaus de su Pdl, ma est difícili ca is eletoris acetint cussu de su candidau presidenti de su Pd, giai presidenti in sa legislatura passada (ndr: Graziano Milia) e de is àterus partidus chi dd’acozant, no cunsiderendi nemmancu s’acuntéssia giudiziaria sua”.
“Seu abarrau aici s’únicu candidau a denunciai cun forza is trampas malas chi funt a ingíriu de s’eolicu, puru in Parlamentu. Is eletoris de centru sinistra – concluit s’esponenti de s’Idv – pedint unu rigori meda diversu de custu”.

Alcoa: ddoi est s’acórdiu. 60 millionis de investimentus po Portovesmi

(IlMinuto) – Casteddu, 19 de su mes”e maju – Nesciuna “abbundhànzia” tra is traballantis. 60 millionis de investimentus po s’istabbilimentu de Portovesmi e 34 po cussu de Fusina in Venetu. Funt custus is assuntus de s’acórdiu tra s’Alcoa, is sindacaus e su Guvernu, acórdiu arribbau in sa noti tra lùnis e martis in sa sedi de su Ministeru de su “Sviluppo economico”, in Roma. S’intesa at essi votada de is traballantis po sa ratífica definitiva in diris chi benint.
“S’acórdiu, chi previdit de torrai a aviai totus is cellas de fusioni e chi previdit  puru investimentus nous po torrai a fai bivi s’istabbilimentu de Portovesmi e chi bidit puru sa totali ocupazioni de is 600 traballantis – at cummentau sa parlamentari de su Pd Amalia Schirru – rapresentat una bella nova po sa terra nostra”.
“Abetaus isperanzosus – concluit s’esponenti democratica – puru su pareri de sa Commissioni Ue po no biri comenti agiudus de Stadu is mesuras de su ‘decretu’ energia”.