> 2010 mes’e maju 20 | ilMinuto

Archíviu de sa diri 20/05/2010

Mostras de su 21 de su mes”e maju

(IlMinuto) – Casteddu,  20 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Tàtari, finzas a su 23 de su mes”e maju, Sosushi, “A virtual life” – mostra de Max Mazzoli

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Tàtari, finzas a su 21 de su mes”e maju, Propostas de internus, “In cammino tra sete e gioie” – mostra de bistiris de isposa e de cirimónia de Lucia Deligios

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Portu Chervu, finzas a su 30 de su mes”e ledàminis, MdM Museum, “Ultimo atto d’amore” – mostra a cura de Enrico Badellino

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 23 de su mes”e maju, Teatru cívicu de Casteddu ‘e susu, “Allichirias po su Santu” – mostra de Claudia Sini


Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

 Firenzi, finzas a su 14 de su mes”e làmpadas Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

Timoria manna po "Video On Line 2.0": a arriscu 470 postus de traballu

(IlMinuto) – Casteddu, 20 de su mes”e maju – Sa crisi arriscat de trogonai puru is traballantis de is call center sadrus. Is 470 operadoris de “Video On Line 2.0″ – in bia Montevecchio, in Casteddu – oi ant difatis fattu isciòpiru po duas oras e cras no ant a andai a traballai. S’obbietivu de sa mobilitazioni est cussu de protestai contra a su tardamentu de su pagamentu de is stipéndius e, prusatotu, denunciai ananti a totus sa difícili cundizioni finanziaria de s’impresa.
“Video On Line 2.0″ dirigit s’assistu ténnicu po is clientis de Telecom Italia e arriscat – comenti acrarat una nota de sa Slc Cgil – “de essi trogonada de su fallimentu de “Libeccio”, sa holding chi cuntrollat su grupu “Omega” (amministradori únicu Claudio Marcello Massa, Procuradori Riccardo Cammalleri), cun sedi in Roma”.
“De mesis is traballantis bivint sèmpiri cun sa preocupazioni de su fallimentu de s’azienda – denunciat su segretariu de sa Slc de Casteddu Roberto Camarra – is stipéndius benint pagaus cun tardamentu e s’ànsia po su tempus benidori de sa sociedadi est acapiada a is acuntéssias chi ant giai interessau 8milla traballantis de su grupu (Agile, Phonemedia, Raf Spa, Soft4Web e Multimedia Placet) in totu Italia”.
“In su trastempus – acrarat Camarra – s’amministradori únicu de sa societadi noa Emme & Partners, chi iat ai pigau “Video On Line 2.0″, at avisau is sindacaus e at annunziau ca, cun is meris nous s’azienda iat a podi superai sa crisi. Sa propriedadi noa, disconnota de sa majoria de sa genti, est de unu nòmini meda famosu: si torrat a fueddai de Claudio Marcello Massa”.
Sa vertenza “Video On Line” at essi su coru de s’atóbiu tra is sindacaus e s’assessori regionali de su “Lavoro”, Franco Manca, in programma po cras in Casteddu.

Universidadi. Marco Meloni (Pd): "Cun sa riforma Gelmini tàglius po meda prus de unu milliardu de euru"

(IlMinuto) – Casteddu, 20 de su mes”e maju – “Sa protesta de is istudiantis, de is istudiosus e de is maistus est giusta: sa riforma de sa Gelmini cunfirmat is tàglius (prus de unu milliardu de euru) e no donat nesciuna isperànzia a is istudiosus, a cussus segurus e a is precarius”. Est cantu afirmat cun d’una nota Marco Meloni, su responsàbbili “Università e Ricerca” de sa segreteria nazionali de su “Partito Democratico”.
“Isperaus ca sa protesta – precisat Meloni – fazat afrontai a su Guvernu su tema de su cumenzu de sa carriera universitaria e cussu de sa cundizioni de is personas chi de annus faint funzionai s’universidadi, genti, totu custa, chi su Guvernu iat a bolli scéti bogai de su sistema”.

"Su pisci de allevamentu in sa cosa ‘e papai de is pipius": cras su seminàriu in Aristanis

(IlMinuto) – Casteddu, 20 de su mes”e maju – Est tempus de bilàncius po su progetu didàticu “Le fattorie dei pesci” de s’agenzia regionali Laore. Cras in Aristanis (9.00, saba consiliari de sa Provìnzia) s’at a tenni difatis unu seminàriu chi tenit comenti tema: “Impiego del pesce d’allevamento nell’alimentazione dei bambini”.
Su progetu “Fattorie dei pesci”, chi s’est tentu ocannu cun s’agiudu de s’”Associazione Acquacoltori Sardi”, “at biu sa participazioni – est nau in d’una nota – de is iscolas elementaris de totus is provìnzias de is diversus istitutus alberghierus, otenedi s’interessu de is maistus e de is famílias, ma tenentu puru sa cuntentesa manna  de is pipius”.

Atene zerriat, Casteddu arraspundit. Custumerì sit in contra a "su dinai liau de Berlusconi, Papandreu e Zapatero"

(IlMinuto) – Casteddu, 20 de su mes”e maju – “Genti de Europa, arrebbellaisì!”. Sa Sardigna arraspundit a s’apellu de is traballantis grecus trogonaus de sa crisi.
Custu merì in Casteddu (19.00, praza Costituzione) s’at a tenni difatis unu sit in de solidariedadi de su pópulu ellenicu, cun s’intentu de nai no a is tàglius annunziaus de su Guvernu Berlusconi.
At aprontau sa manifestazioni su Colletivu “in lota contra a s’Europa de is bancheris”. Ant addiliu a sa cosa esponentis de diversas forzas socialis, políticas e sindacalis: “Cagliari social forum, Cobas, Rdb-Cub, Sinistra Critica, Prc, Rossomori, Pdci, Partito comunista dei lavoratori”. De ariseru at addiliu puru Diego Soru de su Pdac.
“Asuta de is Diktat de s’Fmi e de sa Bce – si ligit in d’una nota – su guvernu ‘socialista’ de Papandreu at depiu straciai su programma eletorali chi dd’iat permitiu de binci is elezionis. Acitotu est fadendi in custas diris Zapatero”.
A custus provedimentus s’est a pustis aciunta sa manuvra de 25 milliardus de eurus annunziada de su Ministru Giulio Tremonti.
“Sa lota nostra – acrarat su Colletivu – est de solidariedadi internazionali, de contrainformazioni e de oposizioni a is políticas de su guvernu Berlusconi”.