> 24 « mes’e maju « 2010 « ilMinuto – notizie Mediterranee – edizione Sardegna

Archíviu de sa diri 24/05/2010

Mostras de su 25 de su mes”e maju

(IlMinuto) – Casteddu,  24 de su mes”e maju -

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Cuartu Sant’Alèni, finzas a s’11 de su mes”e làmpadas, Centru d’arti musicali “Quartissimo”, “Autoritratto contemporaneo” – mostra curada de A. G. Aversano

 

Portu Chervu, finzas a su 30 de su mes”e ledàminis, MdM Museum, “Ultimo atto d’amore” – mostra a cura de Enrico Badellino

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

 Firenzi, finzas a su 14 de su mes”e làmpadas Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

 

Casteddu, finzas a su 21 de su mes”e argiolas, foyer de su Teatru Lirico, “Spazi (dis)abilitati” – mostra dedicada a s’arti sudamericana contemporanea

Nucleari. Apellu de Sni: "In atóngiu totus a is urnas po firmai s’istrada de s’àtomu

(IlMinuto) – Casteddu, 24 de su mes”e maju – Sardigna Natzione annovat sa mobilitazioni contra a su nucleari abetendi su referendum de cust’atóngiu. In is diris chi benint s’organizazioni indipendentista de Bustianu Cumpostu at a usai is logus de sa propaganda eletorali implícita po apoddai – si ligit in d’una nota – “un’apellu a totus is sadrus, a foras de is sceberus eletoralis chi ant a fai su 30-31 de su mes”e maju, po arraspundi unius a sa mobilitazioni contra a su perígulu nucleari e po si preparai a votai ‘SI’ totus impari in su referendum po su nucleari e chi tenit comenti domanda ‘Sei contrario all’installazione in Sardegna di centrali nucleari e di siti per lo stoccaggio di scorie radioattive (…)?’”.
Su símbolu de Sardigna Natzione no at essi presenti a is amministrativas de su 30 e de su 31 de su mes”e maju. Po is provinzialis sa scuadra política indipendentista narat a totus “de no premiai is progetus eletoralis chi bollit a sighiri a portai ainnantis sa parzimenta política indipendentista”. Nesciunu votu po s’Irs de Gavino Sale e nemmancu, comenti est craru, po is partidus italianus”.
Diversa est sa chistioni po is elezionis comunalis. “Sni si ligit in d’una nota – est presenti in diversas listas civicas e espressat, cun Giampiero Marras, su candidau a síndhigu de Ittiri in sa lista ‘Sinistra Identitaria’”.
In is cidas passadas Sni iat puru garentiu s’acozu a sa lista de aMpI (Bruno Bellomonte candidau a síndhigu) in is elezionis comunalis de Tàtari.

Flc Cgil: ocupazioni de s’Ufíciu iscolasticu regionali po nai no a is tàglius de sa riforma Gelmini

(IlMinuto) – Casteddu, 24 de su mes”e maju – Puru sa Flc Cgil torrat in campu contra a sa riforma Gelmini. Su sindacau at fattu sciri ca su 3 e 4 de su mes”e làmpadas ddoi at essi s’ocupazioni de s’Ufíciu iscolasticu regionali contra a is tàglius de su personali e contra a cussus a is risorsas de is iscolas”.
A pagus diris de s’ocupazioni de is traballantis de s’Iscola guidada de sa Cgil at a sighiri s’isciòpiru de is scrutinius de s’11 e 12 de su mes”e làmpadas, annunziau de is Cobas (a cust’isciòpiru at a addiriri su “Coordinamento precari Oristano”).
Cun s’ocupazioni de is ufícius iscolasticus sa Cgil pedit “de fai diventai seguras is iscolas, ponendi a norma is 1617 iscolas sadras e de annullai is tàglius a su personali de s’iscola sadra, chi addannant a s’imparu e a su traballu: ocannu 1707 maistus e Ata de mancu”.

 

Call center: 24 oras de isciòpiru po is traballantis de sa Jobintel

(IlMinuto) – Casteddu, 24 de su mes”e maju – Diri de isciòpiru po is traballantis de sa Jobintel. Is 100 traballantis de su call center chi s’agatat in sa zona industriali de Su Masu protestant po denunciai una cundizioni sèmpiri prus grai: a pustis de calincunu lissenziamentu s’azienda – in crisi economicu-finanziaria – at manifestaum s’intentu de cessai s’atividadi e is stipendius de su mes”e arbili funti stetius tàgliaus de s’80 po centu.
“Is traballantis de Jobintel bivint in d’una precariedadi chi no si podit prus poderai”, at cummentau su segretariu de sa Slc de Casteddu Roberto Camarra.
“Sa categoria – at aciuntu – cunfidat in s’agiudu de is istituzionis regionalis”.

Atóbiu: s’Universidadi de Casteddu arregodat Dessì a pustis de 100 annus de sa nàscida

(IlMinuto) – Casteddu, 24 de su mes”e maju – S’Universidadi de Casteddu arregodat Dessì a pustis de unu séculu de sa nàscida. Gióbia e cenàbara chi benint in sa Facultadi de Lettere de Casteddu s’at a tenni un’atóbiu dedicau a s’òpera de s’autori de “Paese d’ombre”.
Sa duas diris at a cumenzai cun d’un’atóbiu chi at a tenni po tema “Vocazione novecentesca alla narrativa breve” (9.00, Àula Motzo). S’atóbiu at essi coronau de Gianluca Medas chi, cun sa música de Andrea Congia, at a interpretai calencunu arrogu de “Il disertore”.
S’atóbiu est aprontau de s’associazioni culturali “Portales”, de sa Fondazioni Dessì e de sa “Società Umanitaria-Cineteca Sarda”, cun s’agiudu de su “Comitato Nazionale per le Celebrazioni del centenario della nascità di Dessì”, e s’amparu de su “Ministero per i Beni e le Attività Culturali”, de s’Assessorau de is “Affari Generali” de sa Regioni Sardigna, de sa Provìnzia de su Campidanu de Mesu e de su Comunu de  Biddexidru. Tra is àterus, ant a participai a s’atóbiu de Dessì Anna Dolfi, Giovanna Caltagirone, Andrea Cannas, Ignazio Siddi, Duilio Caocci e Maurizio Virdis.