> 2010 mes’e maju 25 | ilMinuto

Archíviu de sa diri 25/05/2010

Mostras de su 26 de su mes”e maju

Casteddu, 25 de su mes”e maju -

 

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Cuartu Sant’Alèni, finzas a s’11 de su mes”e làmpadas, Centru d’arti musicali “Quartissimo”, “Autoritratto contemporaneo” – mostra curada de A. G. Aversano

 

Portu Chervu, finzas a su 30 de su mes”e ledàminis, MdM Museum, “Ultimo atto d’amore” – mostra a cura de Enrico Badellino

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

 Firenzi, finzas a su 14 de su mes”e làmpadas Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

 

Casteddu, finzas a su 21 de su mes”e argiolas, foyer de su Teatru Lirico, “Spazi (dis)abilitati” – mostra dedicada a s’arti sudamericana contemporanea

 

Presonis. Caligaris (Sdr): "In su Centru po fait diàgnosi de Buoncammino unu presoneri cun is bòmbolas de ossígenu"

(IlMinuto) – Casteddu, 25 de su mes”e maju – “In is presonis italianas prenas de genti acontessit de totu, unu presoneri in cundizionis de saludi meda grais (a letu cun is bòmbolas de ossígenu chi dd’agiudant a respirai) in su Centru crínicu de Buoncammino de Casteddu no si furiat mai biu”. Ddu denunciat cun d’una nota Maria Grazia Caligaris, presidenti de s’”Associazione Socialismo Diritti e Riforme”. “Est una circustànzia assurda – sighit Caligaris – chi donat apinnicu e ponit meda dimandas in matéria de arrispetu de is diritus umanus in su sistema de is presonis”.
Su presoneri, de 67 annus e natiu de sa Campania, s’agatat ricoverau in su Centru po fait diàgnosi e terapia de Buoncammino “nonostanti – precisat s’esponenti socialista – is médicus ant declarau ca no podi abarrai in presoni po mori de is cundizionis de saludi meda grais”. S’ómini, maladiu de tumori a is prummonis, unu tumori chi no si podit operai, est arrischendi sa vida.

Traballu: sa chistioni Eurallumina torrat in sa mesa de su Guvernu

(IlMinuto) – Casteddu, 25 de su mes”e maju – Sa chistioni Eurollumina torrat in Roma. S’11 de su mes”e làmpadas s’istrutura surcitana at essi difatis su tema de un’atóbiu in sa sedi de su Ministeru de su “Sviluppo economico”.
Dd’at nau custu mangianu s’assessori de s’”Industria” Sandro Angioni a unu grupu de traballantis e sindacalistas. S’annúnziu at cumbintu a is circa 100 operàjus a lassai s’assembrea aprontada a fac”e sa sedi de sa Regioni in viale Trento, in Casteddu.
Sa fàbbrica de su Surcis – chi tenit comenti meri sa Rusal de sa Russia – at finiu de prodúsiri de circa duus annus e is traballantis pedint de torrai a cumezai sa produzioni debressi.
Segundu un’acódriu firmau calencunu mesi fait, is 343 traballantis de s’Euroallumina ant a sighiri a pigai su dinai de sa cassa integrazioni “in deroga” finzas a su 31 de su mes”e paschixèdda de su 2010.

 

Elezionis ammministrativas. "Sardigna ancora truta de spraziri. A Manca denunciat s’"Operazioni Italia"

(IlMinuto) – Casteddu, 25 de su mes”e maju – “In custas diris seus assistendi a su sboddicamentu de un’àtera puntada de sa corruzioni italiana: de is pranus prus artus de su stadu italianu (in is mesis passaus si cumenzàt cun Bertolaso) oi seus arribbaus a su sannori Cappellacci”. Cumenzat aici su documentu políticu cun su cali sa Direzioni política de A Manca pro s’Indipendentzia denunciat s’”Operazioni Italia: Anemone e sa truta Sardigna”.
“Seus – sighit sa Direzioni – in su totali sboddicamentu de una de is puntadas de su malu guvernu italianu. Sa Sardigna in totu custu, comenti sèmpiri, tenit una parti importanti. Sendu terra de cunchista coloniali s’agatat, torra, a essi una truta de spraziri. Duas fitas mannas de sa truta funti stetias su G8 e s’afari eolicu: Anemone de una parti e Flavio Carboni de s’àtera”.
Sa Direzioni de aMpI torrat a costruiri cun pagus fueddus su gíriu de is afaris in Sardigna de su costrutori Diego Anemone, 39 annus.
“Po is traballus de su G8 – afirmat su documentu – Anemone furiat a sa guida de duas srl creadas po s’ocasioni: s’”Arsenale scarl” e sa “Maddalena scarl”, in aciunta at fattu puru su Centru cuferénzias (58 millionis). No est possíbbili sciri cantu diaderus ddi siat intrau in is busciacas po s’apaltu de su G8 chi furiat de 327 millionis de eurus, poita medas de is traballus suus furiant protegius de su segretu militari”.
“Su sannori Anemone – acrarat A Manca – si ocupat ancora oi de àterus traballus in sa terra nostra e prus inderetura in su territoriu de Tàtari”.
Tra is òperas chi tenit in manu Anemone ddoi funt – narat s’organizazioni indipendentista – su presoni de Bancali (“cun s’apariénzia de sa sociedadi satélliti ‘Carceresassari scarl’”) e sa Caserma noa de sa Guàrdia de Finànzia de Tàtari (“atressu sa ‘Tecnosos’”).
“Ita narant Ganau e Sanna po sa chistioni de is òperas chi inderetura pretocant su Comunu de Tàtari? Nudda. Afirmant – narat aMpi – ca no funt chistionis de cumpeténzia comunali (…). Nos eus a sighiri a si bati contra a custa genti, ma no poita siant currúmpius e malus amministradoris, ma poita scideus ca funt sa faci de una política colonialista”.
“Cussa de Anemone e de is àterus apaltus trastocaus – concluit sa Direzioni – no est una chistioni de genti foras de conca, ma custa est una bera operazioni: s”Operazioni Italia’. No votai a is cumpàngius de s’”operazioni Italia”, est a nai no votai a sa càusa de sa miséria de bosàterus. No votai a is partidus italianus”.

Elezionis. Palomba (Idv): "Seu s’únicu candidau presidenti de centrusinistra a denunciai s’afari malu de s’eolicu"

(IlMinuto) – Casteddu, 25 de su mes”e maju – “Scèti deu pozu fai binci su centrusinistra a su ballotagiu poita no pozu essi atacau de sa destra”. Est cantu afirmat Federico Palomba, su candidau po sa presidénzia de sa Provìnzia de Casteddu po s’”Italia dei Valori”.
“In sa destra e in sa sinistra – precisat Palomba – is candidaus faint finta de nudda e no narant nudda de is iscandalus meda mannus chi funt trogonendi sa destra, o poita funt sa faci de cussu sistema de poderi, o po timória de essi postus a citiri po mori de s’acuntéssia personali”.
“De Presidenti ia a tenni is istrumentus po lassai atesu is annodizus tra chini po interessu o torracontu circat de impeddizai sa genti e sa política. Is citadinus – concluit su parlamentari de s’Idv – iant a depi votai scèti a cussus candidaus chi pigant cun forza is distànzias de su sistema de poderi chi est ingíriu a s’afari malu de s’eolicu in Sardigna”.