> 26 « mes’e maju « 2010 « ilMinuto – notizie Mediterranee – edizione Sardegna

Archíviu de sa diri 26/05/2010

Mostras de su 27 de su mes”e maju

Casteddu, 26de su mes”e maju -

 

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Cuartu Sant’Alèni, finzas a s’11 de su mes”e làmpadas, Centru d’arti musicali “Quartissimo”, “Autoritratto contemporaneo” – mostra curada de A. G. Aversano

 

Portu Chervu, finzas a su 30 de su mes”e ledàminis, MdM Museum, “Ultimo atto d’amore” – mostra a cura de Enrico Badellino

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu,  finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

 Firenzi, finzas a su 14 de su mes”e làmpadas, Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

 

Casteddu, finzas a su 21 de su mes”e argiolas, foyer de su Teatru Lirico, “Spazi (dis)abilitati” – mostra dedicada a s’arti sudamericana contemporanea

"La via del miele": duas diris de educassioni ambientali in Azos e in Tèmpiu

(IlMinuto) – Casteddu, 26 de su mes”e maju – Iscobèrriri su mundu de is abis e de is prodotus de su casiddu. Est custu s’obbietivu de “La via del miele”: duas diris de educassioni ambientali in programma in is iscolas elementaris de Azos (27 de su mes”e maju) e de Tèmpiu (8 de su mes”e làmpadas) aprontadas cun s’agiudu de s’Agenzia regionali Laore.
“Is ténnicus de s’Agenzia – si ligit in d’una nota – ant a ammostai s’importànzia de s’allevamentu de is abis cun proiezionis de immàginis, s’ammanizamentu de una butega de cincina e de unu casiddu didàticu chi at a ammostai su traballu de is abis”.

Palomba (Idv): "No scéti acozus. Cantu nau de Carboni cunfirmat su murighíngiu tra afaris e política"

(IlMinuto) – Casteddu, 26 de su mes”e maju – “Is atrogus de Falvio Carboni iscritus de “L’Unione Sarda” e de “La Nuova Sardegna” cunfirmant unu murighíngiu pagu puliu tra afaris e política, chi at biu in mesu puru sa Regioni Sardigna no scéti cun acozus, ma cun berus ‘pranus ativus’”. Est cantu narat Federico Palomba, candidau po sa presidénzia de sa Provìnzia de Casteddu cun s’Italia dei Valori, cummentendi is primus pàginas de is prus importantis giornalis sadrus de oi.
“Medas inchiestas de sa giustízia – aclarat – partint de su fatu ca siat in atu “un’afracada de sa Sardigna”. Partendi de s’afari malu de s’eolicu po s’ammanniai a àterus campus chi tenint collegamentus cun s’ambienti, custas inchiestas ponint s”acozau’ Ignazio Farris (chi est impostu de Carboni e de su cordinadori nazionali de su Pdl Denis Verdini – puru custu asuta de inchiesta – a sa Regioni Sardigna) a sa guida de s’Arpas. Una pedina meda importanti po su rolu chi iat a pigai (S’”Agenzia regionale di protezione dell’ambiente”), (…) de su murighíngiu légiu chi est asuta de inchiesta in diversas procuras”.
Palomba castiat puru a un’àteru Farris, Giuseppe. “Su candidau Pdl po sa Provìnzia de Casteddu Giuseppe Farris – narat su candidau de s’Idv – est in su coru de custu manixu, chi dd’at candhidau po s’incàrrigu de presidenti. Puru in cust’acuntéssia s’est móviu Denis Verdini, chi at fattu de totu po ndi sperdi s’àteru rapresentanti de su Pdl chi s’est presentau po sa cadira de presidenti, Piergiorgio Massidda. Po custu motivu Giuseppe Farris no narat nudda po sa chistioni de s’eolicu”.

 

Vinyls. S’Eni nci bogat s’operàju Tino Tellini (ma a pustis torrat agoa)

(IlMinuto) – Casteddu, 26 de su mes”e maju – “Su presidenti Napolitano at arrespustu a sa lítera de is operàjus. Ma su presidenti de su Consillu aundi est? E su presidenti de sa Regioni?”. Est cantu dimandant is traballantis de sa Vinyls in su blog “Isola dei cassintergati”. Is traballantis no s’acatant scéti de su sparessimentu de s’acuntéssia Vinyls de s’agenda política, ma denunciant puru s’abbandonu de s’Eni, arribbau finzas a su puntu de nci bogai unu de is cassintegraus, Tino Tellini, chi bolliat chistionai cun su dirigenti Polimeri Europa (grupu Eni) Alberto Alberti, ariseru in bisita in Pòrtu Turre.
“Custu su diàlogu – si podit ligi in su post pubblicau custu mangianu – e comenti s’arrespudit a is dimandas legítimas de un’operàju chi pedit comenti mai si bollat serrai sa chímica in Italia (Pòrtu Turre, Portu Marghera e Ravenna) perdendi 15milla postus de traballu, in d’unu mercau de su Pvc chi no est po nudda in crisi, no trascurendi ca s’Italia est unu de is prus mannus comparadoris de su materiali”.
A pustis, “pensendi – osservat s’artículu – a s’errori fattu (Ita bolliat cuss’operàju de nos? Chistionai? Ma s’est ammachiau?)” s’ufíciu de imprenta de s’Eni, at avisau a collóchiu Tino Tellini.
“Mih – precisat su post – sa chistioni chi ariseru s’ufíciu de imprenta at depiu istrobillai: comenti fai cumprèndiri a is dirigentis Eni ca podit essi dannosu a nci bogai un’operàju?”.

Ligi totu: http://www.isoladeicassintegrati.com/?p=2400

Elezionis. Cras comíziu de Ferrero (Prc) in Nùgoro

(IlMinuto) – Casteddu, 26 de su mes”e maju – At essi su comíziu de Paolo Ferrero a serrai sa campagna po is elezionis de sa “Federazione della Sinistra” in Nùgoro. Sa presénzia de su segretariu nazionali de su Prc est prevìdia po is 19.30 in praza Mazzini. A sa manifestazioni dd’at essi puru su segretariu regionali de Rifondazione Gianni Fresu.
“S’atóbiu de cras – at nau sa segretaria federali Giovanna Ticca – at essi s’ocasioni po arremaciai sa cunvinzioni nostra ca s’unidadi de sa sinistra est s’ùnica istrada chi podeus pigai si bolleus fai calencuna cosa in política e defèndiri cun forza is diritus de su traballu e de su rédditu de is classis chi traballant”.
In provìnzia de Nùgoro su Prc acozat su presidenti chi at finiu su mandau Roberto Deriu, rapresentanti de su “Partito Democratico”.