> 27 « mes’e maju « 2010 « ilMinuto – notizie Mediterranee – edizione Sardegna

Archíviu de sa diri 27/05/2010

Mostras de su 28de su mes”e maju

Casteddu, 27 de su mes”e maju -

 

 

 

 

 

 

 

 

Casteddu, finzas a su 30 de su mes”e maju, Lazzaretto, mostra itinerante “I percorsi della memoria”

 

Sèttimu, finzas a su 26 de su mes”e cabudanni, Arca del Tempo, mostra “Ubi Roi” – litografias de Joan mirò

 

Nùgoro, finzas a su 6 su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” - Museu Archeológicu Nazionali, ”Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Casteddu, finzas a su 15 de su mes”e làmpadas, Teatru Stabile della Sardegna ” I ritorni – viaggi di formazione”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e ledàminis, Centru comunali d’Arti e Cultura “Il Ghetto”, mostra de Marc Chagall

 

Cuartu Sant’Alèni, finzas a s’11 de su mes”e làmpadas, Centru d’arti musicali “Quartissimo”, “Autoritratto contemporaneo” – mostra curada de A. G. Aversano

 

Portu Chervu, finzas a su 30 de su mes”e ledàminis, MdM Museum, “Ultimo atto d’amore” – mostra a cura de Enrico Badellino

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

 Firenzi, finzas a su 14 de su mes”e làmpadas, Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

 

Casteddu, finzas a su 21 de su mes”e argiolas, foyer de su Teatru Lirico, “Spazi (dis)abilitati” – mostra dedicada a s’arti sudamericana contemporanea

Su candidau a síndhigu Bruno Bellomonte (AMpI) at a podi votai. Autorizau su trasferimentu in San Sebastiano

(IlMinuto) – Casteddu, 27 de su mes”e maju – Su candidau a síndhigu de Tàtari de A Manca pro s’Indipendentzia, Bruno Bellomonte, at a podi votai in su presoni de ‘San Sebastiano’. Ddu fait sciri s’imbasciadori de AMpI Cristiano Sabino.
“Custu mangianu, in s’udiénzia de obertura senz”e púbblicu po decídiri su rinviu a giudíziu o su spresonamentu de Bruno Bellomonte – acrarat Sabino – su Gup (giugi de s’udiénzia de obertura), po dimanda de is abbogaus, at donau s’autorizazioni a su trasferimentu in ‘San Sebastiano’ de su nostru dirigenti po ddu fai votai”.
“De notai – precisat s’imbasciadori – ca si tratat de su própriu Gup chi s’at a depi espressai po su rinviu a giudíziu o po su spresonamentu. De notai puru sa mudèsa ch’insurdat in totu cust’acuntéssia de is autoridadis chi rapresentant su stadu italianu in Sardigna, a cumenzai de su síndhigu chi est finendi incàrrigu Ganau, de sa presidenti de sa provìnzia e de su prefetu chi comenti Ponzio Pilato si nd’est sciacuau is manus de totu s’acuntéssia”.
“Si su Dap (direzioni de amministrazioni de su presoni) – concluit Sabino – at a donai su via líbbera, Bruno at a podi votai in Tàtari comenti iat essi su diritu suu, puru si is àterus presoneris sadrus confinaus in italia (pagu prus de 250) no ant a podi comentisiollat participai a is elezionis amministrativas chi benint in totali violazioni a is leis de su stadu ‘e totu”.

"Non saremo più le vostre cavie". Su Cordinamentu No-Pisq in praza a pustis de s’alluimentu de su motori de su míssili Vega

(IlMinuto) – Casteddu, 27 de su mes”e maju – “Sa genti de sa zona no podit e no depit sighiri a fai de cavia po valutai sa spaniadura e su mali chi faint is prodotus de sa combustioni de custus míssilis”. Est cantu afirmat cun d’una nota su Cordinamentu No-Pisq cummentendi s’alluimentu – de martis passau – “de su motori Zefiro de su míssili Vega, in su situ de Torre Murtas, in sa zona de mari de su poligonu de Quirra (Pisq)”.
“Po chistionai de custas acuntéssias” e po costruiri “una prospetiva de contestadura e de lota” su Cordinamentu at avisau un’assembrea púbblica po cras in Biddeputzi (19.00, praza Concia).
“Ancora una borta – precisat su Cordinamentu – centinas de cuintalis de arrefudus de cumponidura disconnota si funt trasformaus in d’una nui meda manna de fumus spaniaus po chilómitrus, cun s’avelenamentu de s’ambienti a ingíriu”.
“Su cumandanti militari de su Pisg – si ligit in sa nota – at donau ancora una borta proa de dispréziu e de fridura in is cunfrontus de is civilis, no donendi nesciunu avisu de s’alluimentu”. “Su cumandu – concluit sa nota – at in veci fattu connosci sa nova (castia s’artículu de “L’Unione Sarda” de su 25 de su mes”e maju) ca is fumus ant essi acastiaus povínzas de rivelatoris de radioatividadi disperdia. Ddoi est calincuna arraxioni poita (in aciúnta a is famosas ‘nanoparticelle’) si depat abetai calincunu mabi radioativu fattu de is motoris in proa?”.

Traballu: s’acuntéssia Insar arribbat in Consillu regionali

(IlMinuto) – Casteddu, 27 de su mes”e maju – “No si cumprendit sa satisfazioni de sa Regioni po sa cassa integrazioni de is traballantis Insar e po su lissenziamentu in su mes”e paschixèdda de su 2009 de tres dirigentis, in bista de unu sbuidamentu fattu a pagu a pagu de is abbilénzias de su mestieri de parti de un’Agenzia de su Ministeru de su “Lavoro” nàscia po promòviri s’ocupazioni”.
Esti cantu afirmat, tra s’àteru, una mozioni presentada in Consillu regionali de Giampaolo Diana (Pd) po su “pagamentu finali de parti de Italia Lavoro de sa sociedadi ‘Insar-Iniziative Sardegna’”spa, nàscia in su 1997 e totu de propriedadi de su Ministeru de s’”Economia e delle Finanze” – chi tenit su 59,87 po centu de s’Insar (sa Regioni ndi tenit su 28,17) – e in su mes”e gennargiu nd’at decretau sa fini.

Universidadi: in Casteddu dibbatidu po chistionai de su tempus benidori de su "Statutu" de is traballantis a 40 annis de candu esti stetiu aprobau

(IlMinuto) – Casteddu, 27 de su mes”e maju – “Su Statutu de is traballantis tenit 40 annus: it’esti stetiu e it’at essi”. Est custu su tema de su cunvegnu aprontau de su “Centro studi di Relazioni industriali” in programma cras a merì in Casteddu (17.30, àula magna de Giurisprudenza).
Po s’apuntamentu ant a participai Giannu Loy, maistu de “Diritto del Lavoro”, Mario Medde, segretariu regionali Cgil, Alberto Scanu, presidenti de s’”Associazione industriali Province della Sardegna meridionale”, Italo Senes e Franco Manca, assessori regionali de su “Lavoro”.
“Sa lei 300 de 1970 – est nau in d’una nota de s’ufíciu de imprenta – no est scéti una risossa de is assózius chi bollint essi su símbolu de is traballantis, ma un’ocasioni chi at a tocai totus is sugetus de s’industria”.