> 2010 mes’e maju 28 | ilMinuto

Archíviu de sa diri 28/05/2010

Mostras de custu fin”e cida

(IlMinuto) – Casteddu, 28 de su mes”e maju -

 

 

 

 

 

 
Casteddu, finzas a su 30 de su mes”e maju, Lazzaretto, mostra “I percorsi della memoria”

 

Sèttimu, finzas a su 26 de su mes”e cabudanni, “Arca del Tempo”, mostra “Ubi Roi” – litografias de Joan Mirò

 

Nùgoro, finzas a su 6 de su mes”e làmpadas, Man, mostra de Luca Rento

 

Casteddu, finzas a su 15 de su mes”e làmpadas, “cittadella dei Musei” – Museu Archeológicu Nazionali, “Il popolo di bronzo”

 

Nùgoro, finzas a su 6 de su mes”e làmpadas, Museo Man, mostra “Capolavori del ’900 italiano. Dall’avanguardia futurista al ritorno all’ordine”

 

Biddanòa Forru, finzas a su 5 de su mes”e cabudanni, Museu de su Territoriu, “Ernesto Che Guevara – Rivoluzionario e Icona”

 

Cuartuciu, finzas a su 20 de su mes”e làmpadas, Domusart, mostra archeológica “Luce sul tempo”

 

Tàtari, finzas a su 6 de su mes”e làmpadas, Caffè e Teeria Mannoni, “Behind thie backs” – mostra fotografica de Piera Tirotto

 

Barumini, finzas a su 21 de su mes”e cabudanni, Centru culturali Giovanni Lilliu, aparada “Le macchine di Leonardo da Vinci”

 

Casteddu, finzas a su 30 de su mes”e maju, Exmà, mostra “Passio, Durer, Ronault e la Passione di Cristo”

 

Casteddu, finzas a su 27 de su mes”e làmpadas, Centru comunali d’Arti e Cultura “Il Ghetto”, mostra de Marc Chagall

 

Casteddu, finzas a su 15 de su mes”e làmpadas, Teatru Stabile de sa Sardigna “I ritorni – viaggi di formazione”

 

Cuartu Sant’Alèni, finzas a s’11 de su mes”e làmpadas, Centru d’arti musicali “Quartissimo”, “Autoritratto contemporaneo” – mostra curada de A. G. Aversano

 

Portu Chervu, finzas a su 30 de su mes”e ledàminis, MdM Museum, “Ultimo atto d’amore” – mostra a cura de Enrico Badellino

 

Orane, finzas a su 30 de su mes”e cabudanni, centru istoricu, “Ritorno a Itaca” – mostra fotografica po afestai Costantino Nivola

 

Casteddu, finzas a su 29 de su mes”e maju, Galleria d’Arti “Capitol”, “Pgr. Per grazia rievuta”  mostra de su pintori Nicola Caredda

 

Firenzi, finzas a su 14 de su mes”e làmpadas, Gabinetto Vieusseux, “Attraverso un cannocchiale capovolto” – pimpiridus biograficus de Giuseppe Dessì

 

Casteddu, finzas a su 21 de su mes”e argiolas, foyer de su Teatru Lirico, “Spazi (dis)abilitati” – mostra dedicada a s’arti sudamericana contemporanea
 

Casteddu, finzas a su 4 de su mes”e làmpadas, Istituto Europeo de Design, “Da quest’altra parte del mare” – mostra fotografica

 

Casteddu, finzas a su 6 de su mes”e làmpadas, Galleria Espace S&P, “Esquisses et Etudes” – mostra desu giòvanu pintori Davide Siddi

 

Casteddu, finzas a s’8 de su mes”e làmpadas, Galleria d’Arti La Bacheca, “Punti di vista inconsueti” – mostra de Henriette Barthless

 

Casteddu, finzas a su 13 de su mes”e làmpadas, Centru de progetus socialis, “Convivium. A cena con la storia” – mostra

 

Casteddu, finzas a su 30 de su mes”e maju, Ortu botànicu, “Ammajos” – mostra de bonsai e matas grassas

Riforma Gelmini: sa "furriada" de is scienziaus. Fanfani: "in Casteddu funt in perígulu diversus cursus de istudiu"

(IlMinuto) – Casteddu, 28 de su mes”e maju – S’Universidadi de Casteddu si preparat a un’atóngiu diaderus callenti. Dógnia diri su no a is tàglius de sa riforma Gelmini arregollit cunsensus tra is istudiantis, is maistus e, prusatotu, tra is istudiosus: no fasidus a pigai incàrrigus didaticus (casi sèmpiri no pagaus) po s’annu académicu chi benit. “Prus de 50 istudiosus de sa Facoltadi de “Scienze” de Casteddu (po unu nùmeru de 70 istudiosus pagu prus) – at nau ariseru su físicu Umberto D’Alessio in d’una cuferénzia de imprenta – ant declarau in modu uficiali de no bolli pigai incàrrigus de imparamentu po s’annu académicu chi benit”.
S’ausenzia de is istudiosus in s’imparamentu at a podi ponni a arriscu medas cursus de laurea.
“Senz”e su contribbutu de is istudiosus – at acrarau su présidi de “Scienze” Luca Fanfani – s’oferta de istudiu est dubbiosa. Un’impiticamentu de s’oferta disatica bófia a sa marolla de su Guvernu e imposta de fatu a s’Universidadi de Casteddu e a sa Facoltadi de “Scienze” at a foniri po ndi liai a sa Sardigna medas cursus de istudiu in campu ténnicu-scientíficu”.
Sa chistioni interessat totu s’Universidadi italiana. Su 6 de su mes”e maju sa Cuferénzia nazionali de is presidis de is Facoltadis de “Scienze” at difatis aprovau a s’unanimidadi una mozioni (po 52 ateneus ndi ddoi furiant 32) de dinúnzia po is apretus malus causaus de su tàgliu a is risorsas e po s’ausenzia de s’arreconnosciméntu professionali de is istudiosus.

Presoneri drogau e sieropositivu morrit in Buoncammino

(IlMinuto) – Casteddu, 28 de su mes”e maju – “Unu presoneri tossicodipendenti maladiu e provau in su físicu, est mortu in cella. Candu una persona morrit in presoni est cun craresa una derrota po is istituzionis e po chini òperat aintru e a foras de is presonis”. Est cantu afirmat Maria Grazia Caligaris, presidenti de “Socialismo Diritti Riforme”, a pustis de sa morti de M.I. in d’una cella de Buoncammino, in Casteddu.
Su presoneri furiat drogau e sieropositivu. Nonostanti teniat diversas maladias e fessat faendi controllus po unu suspetu de tumori, M.I. iat arrefudau su ricoveru in su Centru Clinicu.
“Iat a depi in dógnia modu – precisat Caligaris – essi aghilliu, comenti cussus chi faint usu de drogas e chi finint in presoni po reatus comunus, in d’una istrutura fatta aposta, un’istrutura de ‘custodia attenuata’. In Sardigna, perou, no ddoi est cust’oportunidadi e su ricoveru in is comunidadis terapeuticas est sèmpiri cumplicau”.

Diri nazionali de su Trapiantu: totu su programma

(IlMinuto) – Casteddu, 28 de su mes”e maju – Puru in Sardigna ant essi medas is cosas aprontadas de su Centru regionali Trapiantus in ocasioni de sa Diri nazionali de su Trapiantu e de sa Donazioni de su 30 de su mes”e maju.
“Iscopu de sa cosa – si narat in d’una nota – est comunicai a sa popolazioni is chistionis de sa donazioni e de su trapiantu de is mermus cun s’agiudu de is istituzionis e de is istruturas de sa sanidadi”.
Tra sa fin”e su mes”e maju e su cumenzu de su mes”e làmpadas est in programma, comenti nau, una fibera longa de apuntamentus in totus is provìnzias sadras: sa gara de Triatlhon de Orosèi, su cuncursu po is iscolas “Premio Antonio Carta – Il bruco e la farfalla” de Cuglieri, sa gara de pàtinus de Crabònia e medas àterus momentus po informai sa genti.

Castia totu sa lista: http://www.sardegnasalute.it/documenti/9_275_20100527082547.pdf

 

"I Puritani" de Bellini serrat su X Festival de Sant’Efis

(IlMinuto) – Casteddu, 28 de su mes”e maju – S’at a serrai cun “I Puritani” sa X edizioni de su Festival de Sant’Efis. Su melodramma sériu de Vincenzo Bellini at essi presentau – a pustis de 128 annus de ausénzia de Casteddu, lùnis chi benit (20.30) in su Teatru Liricu.
“Stella de cust’edizioni de s’òpera – si ligit in d’una nota – est Mariella Devia, chi torrat in Casteddu a pustis de is ispetàculus chi no si podint iscaresci de Lucia di Lammerrmoor de su 2000 e de su 2004 e chi at interpretai su personàgiu de Elvira”.
S’òpera at a presentai duus cast importantis chi s’ant a alternai in is seti récitas in programma.