> "Cavatappi d’idee": una mostra-cuncursu po sa Crannàcia de Aristanis | ilMinuto

"Cavatappi d’idee": una mostra-cuncursu po sa Crannàcia de Aristanis

(IlMinuto) – Casteddu, 31 de su mes”e maju – Avalorai sa Crannàcia de Aristanis Doc comenti “binu de su logu símbulu de s’identidadi de sa coxina e de sa cultura materiali de su territoriu”. Est custu s’iscopu de sa mostra-cuncursu pomòvia de s’assóziu “Cavatappi d’idee”. Po custu progettu – chi bidit una categoria “senior” e una “istudiantis” – at essi possibbili participai cun òperas de grafica o de literadura.
Dognia artista at a podi presentai finzas a tres traballus, totus dedicaus a sa “Crannàcia de Aristanis”.
“Is artistas chi funt interessaus – si ligit in d’una nota – podint fai arribbai a s’assóziu is òperas insoru e su folliu cun su cali addirint a su cuncursu, inturu su 14 de su mes”e làmpadas, in sa sedi de s’assóziu de bia Tharros 91 Aristanis”.
Is òperas ant essi ammostadas de su 18 de su mes”e làmpadas a su 9 de su mes”e argiolas in is vetrinas de is mercaderis de Aristanis.

Po ndi scir de prus:
telèfonu 348 0812215
email: cavatappi1@tiscali.it

 

 

 

© RIPRODUZIONE RISERVATA

0 Arrespustas a “"Cavatappi d’idee": una mostra-cuncursu po sa Crannàcia de Aristanis”


Is cummentus funt serraus.